_عند نور بعد اما قفلت مع أدم اتنهدت بحزن وقالت في نفسها:
"أنا عارفة أن كل اللِ بعمله ده أخرته مش هتكون حلوه وهتكون صعبة بس لازم أعمل كده لازم ومحدش هيقدر يوقفني ع اللِ أنا هعمله"
_________________________
"في يوم جديد في بيت زياد ونور بالتحديد"
طق طق طق
_نور من المطبخ:
"زياد شوف مين ع الباب معلشي"
_زياد وهو يتجه لكي يفتح الباب ويلاقي بنت جميلة جدًا ويفضل متنح شوية كده وبعدها يفوق ويقول:
"أحمم نعم حضرتك"؟!
_البنت:
" السلام عليكم "
_زياد:
"وعليكم السلام، أتفضلي"
_البنت:
"هي نور موجوده"؟!
_زياد بهيام:
" نور وأخو نور كمان "
_البنت:
"نعم"!!
_زياد:
" احم قصدي اه نور موجودة مين حضرتك "؟!
_البنت:
" أنا شهد صاحبتها"
_زياد:
"طب أتفضلي ادخلي لما أنادي عليها"
_شهد وهي تدخل:
"تمام"
_"دخل زياد لـ نور المطبخ وقالها: "
"نور نور"
_نور وهي مركزه في الاكل:
"نعم فيه أي"؟!
_زياد بهيام:
" صاحبتك بره"
_نور بأستغراب من كلام أخوها:
"صاحبتي مين"؟!
_زياد بهدوء:
" شهد"
_نور وهي تخرج بسرعة من المطبخ:
"بجد ولسه بتقولي دلوقتي"
_______________________
"في الخارج شهد كانت قاعدة ومستنيه نور"
_نور وهي تقوم بأحتضان شهد:
"حبيبي أي المفاجأة الحلوة دي"
_شهد:
"يلا قولت أنا عمري ما جيت ليكِ البيت هنا قبل كده"
_نور:
"كويس والله أنك جيتي دلوقتي، أنا بجهز الاكل وكمان زياد هيروح الشغل وكنت هبقا قاعدة لوحدي وزهقانة"
_شهد بغرور:
"أي خدمة، أنا عارفة أنك متقدريش تقعدي من غيري أصلًا"
_نور بضحك:
"ماشي يـ ستِ"
_زياد جه وقالهم:
"بتضحكوا ع أي ضحكوني معاكوا"
_نور:
"لا مفيش ده شهد هتقعد معايا بعد اما أنت تروح الشغل"
_زياد بسرعة:
"بجد يعني هي هتقعد"
_نور:
"فيه أي يـ أبني"!
_زياد:
" احم لا مفيش، هو معرفتكيش صحيح "
_نور بتسأول:
"لا معرفتنيش خير"؟!
_زياد:
" اصل أنا قررت أقعد معاكِ انهاردة علشان متقعديش لوحدك "
_نور:
"يـ حنين، وده من امتا ان شاء الله يـ زياد"
_زياد:
"من انهارده"
_نور بغمزة:
"يعني هتقعد معايا معايا"
_زياد:
"ها اه"
ترن ترن ترن
_زياد وهو بيشوف مين بيرن عليه:
"استني ارد ع ادم"
_زياد:
"الو"
_أدم:
"أنت فين يـ زفت لحد دلوقتي"
_زياد بهدوء:
"في البيت ليه فيه حاجه ولا أي"؟!
_أدم:
" ثواني واشوفك قدامي "
_زياد:
"بس أنا مكنتش هاجي انهارده"
_أدم بغضب:
"زياد بقولك بسرعة"
_زياد:
"حاضر خلاص جاي أهو، سلام"
_زياد بعد اما قفل مع أدم قال في نفسه: يعني كان لازم تتصل دلوقتي أهو قطع عليا اللحظة، وأنا اللِ كنت ناوي أقعد مع شهد انهارده بس يلا أبقي أعوضها مرة تانية بقا"
_زياد وهو يتجه لـ الخارج حتي يذهب إلي عمله:
"نور مضطر أمشي ضروري دلوقتي"
_نور بهدوء:
"ماشي خلي بالك من نفسك"
_زياد:
"ماشي ووجه كلامه لشهد:
" أشوفك مرة تانية يـ شهد"
_شهد ببتسامة:
"ان شاء الله"
_زياد:
"مع السلامة"
_ومشي زياد وفضل نور وشهد مع بعض وبتدأت نور بـ الكلام:
"كنت عارفة أن هو مش هيقعد معانا"
_شهد بتسأول:
"إزاي"؟!
_نور بهدوء:
" علشان أكيد أدم أتصل بيه وقاله يجي علشان يرحوا شقة الزمالك بتاعت عمار ويجيب الملف منه"
_شهد:
"خلاص قربوا يعرفوا الحقيقه"
_نور بتوعد:
"لازم يتعاقب زي ما عقابنا هو وأبنه لما بعدنا ع رحمة صاحبتنا"
_شهد:
"هتعاملي أي"؟!
_نور بتوعد:
" اللواء سيف "
_شهد بهدوء:
"ماله"؟!
_نور بمكر:
" هيتقتل"
#يتبع..
#الحلقة_12
#القاتل_المجهول
#رأيكم؟!
#مـروة_محمد
