سراب🌌 للكاتبة 💕جوجي محمد💕
Part 3...👇🏻👇🏻
هداية : افتحي انتي انا مش طالعة متشوفيش في وجهي كيف مفرفط من قوة الكفف😭
هنادي : ههههههه
منصور: السلام عليكم
فوزية : هييييي هدا حوشنا 😂
هنادي : تييي مش نقوللكم انا منتعوضش 😏
فوزية : ضميتيه الحوش بروحك
هنادي : مالا شنيييي
فوزية : ووين خواتك
هنادي : هدايه في الدار تبكي 😂
فوزية : علااش 😱
هنادي : انا ضربتها كف ههههه
منصور : علاش يهنادي
هنادي ببروود : ايه مقلتلكمش هند في المستشفى
فوزية تبكي : شنووو
منصور : علاش
هنادي : زلقت وطاح راسها ع الرخامة ورفعوها
فوزية : منصور هي نمشولهم قلبي نااار على بنيتي
منصور : استهدي بالرحمان تو نكلم خوتها
هاتف رواد يشرين
هنادي : بابا رواد هاتفه قاعد
منصور : به تو نتصل بي ايمن
ايمن : انعم بوي
منصور : ها شن صار في اختك
ايمن : خيطولها راسها وتو بنروحوا بيها
منصور : شن حالها هي
ايمن : لا الحمدلله مافيها شي
منصور : به مالا
فوزية : هاا منصور شن قال
منصور : تي متخافيش يامراه اهو خيطولها راسها ومروحين بيها
فوزية : الحمدلله ياربي الحمدلله
طق طق طق 🚪
منصور : حوش عمكم وصلوا
هداية لبست قونه سودة وبلوزة بيج كمامها منفوخات ووشاح اسود وهنادي سروال جينز وسورية بيضة طويلة فيها رسمات ع الوردي الهاادي ووشاح وردي
هنادي : هااااي
حسناء : هايات حبي
هداية : مرحباا
فاطمة : اهلين ببنات سلفي 😍
هداية : اهليين بيك عمتي
هنادي : كيف الحال عمي عبدالله
عبدالله : الحمدلله
حسناء : وين هند ولا راقده هههه
هنادي : لا لا في المستشفي
فاطمة &حسناء: 😨
نوصفلكم عيله العم عبدالله ... عندهم توأم بنت وولد❤ البنت حسناء 24 سنه طويله وبيضة و وعيونها رصاصيات وشعرها قهوي~ ومخطوبة 🙈 وخوها حيدر طويل وجسمة رياضي 🤤😍وعيونه رصاصيات وشعرة قهوي ...
............
فاطمة : حي عليااا وشن صارلها به
هداية : الحمدلله خيطولها راسها ويقدروا يروحوا بيها تو
فاطمه : الحمدلله
حسناء : الحمدلله على سلامتها
هداية : يسلمك
هنادي : شني حيدر لا حمدالله على سلامتها لا شي
حيدر : ااه... قصدي ...الحمدلله على سلامتها....
هداية : اهااا قصدك تتحششم
حيدر ضحك ضحكة على جنب وخلاص
فوزية : منصور خيرهم لتو مروحوش
طق طق طق 🚪
فوزية : هند 💔
ناضت هداية فتحت الباب
هداية : هند
هند : هدااااية استاحشتكم
هداية حضنت اختها : حتى انا استحشتك
هند حطت يدها على خد هداية : شنو هادا
هداية بتوتر وصوت خافت : واضح هلبا
هند : مش هلبا لاكن شنوا
هداية : تو نقولك شنوا خشي سلمي على حوش عمي
فوزية : هند بنيتي خفت علييك هلبا
هند باست راس امها : متخافيش يا غالية مصارلي شي
وسلمت على حوش عمها وقعمزت معاهم
هداية : تعالي حسناء نخشوا للدار
حسناء : هيا
قعمزوا البنات مع بعضهم في الدار ويهدرزوا
حسناء : يحليلي منه بيهبلني 😍
هند : سعدوودك شكله يحبك هلبا
حسناء : ايمووت عليا تعرفي يبيع في الي قدامة وال وراه باش يكمل حوشه بأسرع وقت 💕
هنادي: ربي يعاونه
حسناء : ايسلمك
هداية : انتو مشفتوش الطرف الي باعتلي طلب صداقة 😍
حسناء : ترا وينه
هداية : استني نجيب فوني
هداية : هيييييييييي😱
حسناء &هند&هنادي: 😨
هداية : 25 مكالمة فائتة
حسناء : من مني
هداية : رقم غريب
هنادي : وريني
هداية : رجع يتصل
هند : ردي وافتحي المايك
هداية ردت وصوت راجل قال الوو هداية خافت و قطعت الخطط طول
ند : خيرك يادراه
هداية : بنكلم رواد
حسناء : لا ياهبله شني بتنادي رواد كلميه ومرات يطلع من نصيبك
هداية : اممم مش عارفه
حسناء : حتي انا صارلي زيتك جاني رقم غريب وجيت بنعطيه لحيدر لاكن تجرأت وكلمته ...واهو توا بيولي حلالي
هنادي : ايه مرات يكون نصيبك
هند : توكلي على ربي او ردي عليه
هداية غمضت عيونها وخذت نفس طويل ووافقت .....
نادر : السلام عليكم
هداية وهي ترعش : ووعليكم السلام ..
نادر: بنسألك سؤال في الاول
هداية : تفضل
نادر: انتي هداية(.......)
💕جوجي💕 انه اللقب ياساده 😅
هداية : اااي انا هي
نادر : انت بنت منصور مش عبدالله ولا ؟؟
هداية : اي منين تعرف الحاجات هادي ؟؟
نادر: يا الله واخيرا حصلتك❤
هداية : شن قصدك؟
نادر :انا نتبع فيك ليا وقت وتوا كيف حصلت رقمك
هداية : ومن قالك انا مش مرتبطة ؟ وكيف اتبع فيا ما فهمتش ؟
نادر : انا نبي ندير معاك علاقة ومش ح تطول المدة ونجي نخطبك وعد مني
هداية : استنى استنى خليني نفهم انت من وين جيتلي بالظبط ؟!
نادر: اسمي نادر وعمري25 واول مرة شفتك فيها في المدرسة ...وهدا علاش نعرف عليك هلبا حاجات
هداية : عرفتك انت الي حوشكم جنب المدرسة
نادر : ايوووة
هداية : ههههه
نادر : اسمعى حبي
هداية : طول وليت حبك 😂
نادر : ههههههه
هداية:هههههه
نادر : محلاها ضحكتك
هداية: شن كنت تبي تقول 🙃
نادر : عندك نت
هداية: اي
نادر : تمام نتكالمو واتس لان معاش عندي رصيد
هداية: تماموو🙈
نادر : سلام حبي
هداية: سلام 🙈
واول ماكملت الاتصال اتكت على السرير
هداية: عرفته منواا .... ييتبع
رأييكم حبايبي 🐼💕
