سراب للكاتبة 💕جوجي محمد💕
Part 7 ...👇🏻👇🏻
حسناء : تعال نبو نمشوا ندهورو حنا وبنات عمك
حيدر : ايااااه عاد
حسناء : بالله حيدر بالله
حيدر : به شوي وجاي
حسناء : به
حيدر : تعرفي نوصل ونقوللكم هيا ومتطلعوش بنمشي ونخليكم
حسناء : به به
هنادي : هااا شن قال
حسناء : قال نوصل نلقاكم واتيين
هنادي : الله اكبرر ظهر الحق وزهق الباطل
فوزية : هيا نوضوا زي الفالحات اغسلوا الماعين ووتوا رواحكم
هداية : ماما مش ماشية انتي وعمتي
فوزية : لا لا احنا بيجينا منصور ولا عبدالله باش يطلعونا
هداية : اهااا
البنات غسلو الماعين بسرعة ووتوا رواحهم على جية حيدر
حيدر : تي هيا وينهم الفرخات الي بيطلعوو
حسناء : خلاص هانا واتيين
ركبت حسناء من قدام و هداية وهند وهنادي من تالي ..
حيدر : وين تبو تمشو ؟؟
هنادي : نبي نشري ماعين للكوجينة
حيدر : مالا خيرها عمتي فوزية مطلعتش معاكم
هنادي : اا..لا الماعين ليا انا 😳
حيدر ضحك : ااا قولي لحوشك عاد
حيدر : اهو فيه واحد نوقفلكم
هنادي : به وقفلنا هنا
نزلو البنات ويتمشوا في المحل و حيدر وراهم
حيدر : شن تشوفلهم انتا تعالا كولهم وخلاص 😡
حسناء : حيدر
حيدر : ضمي فمك انتي التانية خير ما نردسك
هنادي : حيدر المحل هادا حاجاتة مش حلوة
حيدر : هي مالا نمشو
حيدر : ها هنادي شني نوقف هنا
هنادي : هدا صغير شكله مافيه شي
هداية : حيدر هاك فوني شوف المحل هدا تعرفة
حيدر : ايه لاكن بعيييد النم
هداية : يشكروا فيه هلبا بنات يقولو حاجاتة حلوة
هنادي : حيدر بالله ترفعنا بالله
حيدر : باهي به
هند : حيدر عطشانة
حيدر :خليكم في السيارة نجيبلكم امية وكريب ونجي
حسناء : به
حيدر : تعرفو نطلع من المحل ونجي نشوف وحدة فتحت الروشن ولا الباب نقتلها
هند : تي والله نووو حيدر
حيدر : اسكتي تو نولعلكم المكيف
هند : لااا الشمس على روسنا
حيدر عصب : بلااا كذذب هنند السياارة مظلمة
هند : خلاص خلاص معاش متكلمة
روحوا البنات بعد ماكملت هنادي كل شي
ايمن : اوه اوه اوه شنوو هدا اكله
هنادي قلبت عيونها ومردتش عليه
ايمن : يايما تعاليلي بنتك قلبت عليا عيونها بنموت خووف
هداية : هااااي
هند : مافي حد في الحوش
هنادي : حيدر بالله تنزل الحاجات للحوش
حيدر : به شوي تو انزلهم
هداية : انا بندووش وبنرقد مايكلمني حد
حسناء : بري حبيبتي ماناش مكلمينك
هنادي : وووه نوو
هند : حسناء انتي في الكوجينة
حسناء : ايه
هند : جيبييلي حكة المشرروب الي في الثلاجة
هنادي : هند دوري في القنوات كان لقيتي فلم مليح
هند : حسنااااء لحقي فلم رعب 😍
حسناء : ييييي وسعوا وسعوووا
في المربوعة ....
حيدر : ايمن ولع المكيف ياراجل انحرقت
ايمن : هي متبو شي انا طالع
رواد : وين ماشي
ايمن : للبحر
رواد : بترفع سيارتي وله
ايمن : لا لا سيارة بوي
رواد : اخطم على شيل البنزينة قبل ما تمشي مصفره بنزينتها
ايمن : مش سيارتك
رواد : تييي عارف حتى متع بوي مافيهاش بنزينة
ايمن : ايه وقولو لأمي انا بايت في البحر
حيدر : انت ايمته رقدت في الحوش ديما في البحر تقول معندكش عيلة ولا حوش ترقد فيه ..
في الصبح....
ناض حيدر الساعة 2 الظهر خش للتواليت الي في المربوعة دار دوش وغير حوايجة وحط برفان ومشط شعره و طلع لحوش عمه باش يفطر
حيد ر: صباح الخير يما
فاطمه: صباح القايله
حيدر: شني مافيه حد الحوش
حسناء: ايه مشوا لعرس جيرانهم
حيدر: وخيركم مامشيتوش ؟
حسناء: وشن دخلنا فيهم حنا
حيدر: كيف شن دخلكم فيهم
فاطمه : من وين يعرفونا باش يعزمونا ؟
حسناء : نحطلك فطور حيدر
حيدر: ايه
اسراء : وين ماشي
حيدر : قاعد
رواد : صباح الخير عمتي
حيدر بصوت واطي : اياه عاد معناها مانيش فاتحة الموضوع اليوم
فاطمه: صباح القايله
رواد : هههه
حسناء: روااد تبي فطور حتى انت
رواد : ايييه
حسناء : وين ايمن
رواد : بايت في البحر ... ووين العيلة الحوش هدوووء
فاطمة: مشوا للعرس
رواد بصوت عالي : كييييف
فاطمه : خيرك
رواد : كيف يمشوا ويخلوكم بروحكم
فاطمه : عادي شن فيها
رواد : فييهااا
فاطمة: وين ماشي
رواد : قاعد في البلكونة
طلع الدخان من جيبة وهو متعصب وكيف بيولعة طاحت منه الولاعة وهو في الدور التاني 🙃 ... لوح الدخان ع طول يده...
رواد: شني هالنهار المغبر ... ركب سيارتة وسطرب وطلع
حسناء :والفطور
حيدر : هاتي انا بنموت من الجووع 😴
فاطمة : برا الحقه بالك تصيرلا حاجة لاقدر الله
حيدر وفمه معبي : تي ..عادي.. نعرفه رواد مايصيرله...شي
فاطمة : كمل فطورك والحقة
حيدر : به تو نشوف....
يجماعة التفاعل ضعيف ... انشرو وشاركو الرواية بليز 🥺
🐼🌸
