سراب🌌 للكاتبة 💕جوجي محمد 💕
Part 12 ...👇🏻👇🏻
منصور : كيف ماتتذكر في شي ؟! عرفاتك انتي ولا ؟!
فوزية : اي عرفتني بس مش متذكره انها كلت حبوب ولا جرحت روحها
منصور : تو نكلم الدكتور شوي ونجي
منصور : يادكتور راهو البنية متتذكرش في الي صارلها
الدكتور : ماتخافش ياعمي هي تو كيف فاقت اكيد تو تتذكر بعدين لأنها كلت كمية كبيرة من الحبوب..
فاطمة : ها شن قال منصور
فوزية : قال ع خاطر تو كيف فاقت اكيد في حاجات مش ح تتذكرها ..
هداية عيونها تعبوا دموع : ماما... سامحيني يا غالية 🥺💔
فوزية حضنت هداية : خلاص مادامك مازلتي معايا ومخسرتكش هذا يعنيلي الدنيا ومافيها ياروحي 🤍
هنادي : خلاص ياجماعة دمعتي نزلت
حسناء : هههه تافهة 😂
رواد : يما
فوزية : ها رواد
رواد : نبي نروح ريحة المستشفى اتدره الكبد
فوزية : روح
رواد : شن بتعطلو انتو هنا
فوزية: لا لا شوية ولاحقينك
............
في الحوش....
هداية : ماما انا بنخش نرقد كان تبو مني حاجة تلقوني في الدار
فوزية : باهي يا بنتي
هنادي : من يبي كيكة باردة 🍰
هند : اناااا😍
فوزية : انا نبي قهوة
منصور : حتى انا ديرولي قهوة
ايمن فتح باب الحوش : منيه الي بتدير كيكة باردة😍
هنادي : انا
ايمن : انا ديريلي كيكة كاملة بروحي
هنادي : لما نولي مرتك اتشرط عليا بابا باهي 🙄
ايمن : هاهاها اتضحكي هلبا
هنادي : باهي برا يافالح جيب بسكويت كويس ندير بيه الكيكة وكريمة و شكلاتة أوووو عصير ولا نسكافيه
ايمن : نجيب شمعدان
هنادي : شمعدان عيونك بسكويت صادة تجيبة مملح ولا مسكر نقتلك .. عادي مفيه شي وجيب هلبا
منصور : ومن وين الفلوس يا شيفة
هنادي : ااا... عادي بابا عطيه 100 دينار .. على خاطري
منصور : وكيف الكيكة هادي
هنادي : ما تندارش في الكوشة في الفريز تهبببل ☄ انت اعطيه الفلوس وتو تشوف
منصور وهو يطلع في الفلوس من جيبة : ههه باهي كويس ...هاك ايمن
ايمن : هي ماتبو شي تاني
هند : نبي كرت
ايمن : هاتي فلوس
هند : انت اشريلي
ايمن : في فلوس في كرت مافي فلوس مافي كرت
منصور وهو يضحك : هاك 30 اشري لخواتك كروت
هنادي : سللمة بابا الغالي ربي مايحرمنا منك ويديمك تاج على روسنا 😍
ايمن وهو يحك في راسة : وانا
منصور : انت هاك خمسة
ايمن : منور بوي ربي يحفظك
هنادي : هند تعالي معاي
هند : هي
.................................
هداية متكية على سريرها وتبكي... شوي لين سمعت فونها يرن لقاته نادر ... ردت بسرعة
هداية وهي ترعش : ننادر
نادر : هداية مش معقول الي درتيه فيا ..
هداية : نادر قتلك مقدرتش نرفض لأن حيدر ولد عمي وكل شيي افهمني بالله..
نادر : اسمه حيدر هوااا...
هداية : آاي
نادر بعصبية : هداية يكون في علمك انا مش ح نسيبك وح تولي حلالي يعني ح تولي حلالي... ومش حيفرق بيننا حد سوا حيدر ولا غغيره.!! انا حبيتك كراجل والراجل لما يحب يحب بجد ... وزي ماقتلك ح تولي حلالي يعني ح تولي حلالي فهمتيي ..
هداية : اي .. بس كيف بنولي حلالك وانا بنتزوج حيدر
نادر : تو نقولك انا🔥🔥
........
هنادي طالعة من الكوجينة وفي يدها سفره فيها الكيكة 🍰 : فليشهد التاريخ على احلى كيكة في الععالم
فوزية : سلمها بنيتي
منصور : زعمك حسبتوني معاكم ولا شن
هنادي : اكيد هو في حد ينسا باته في حاجة ❤
هدايه: شن مدايرين
هند : انا وهنادي درنا كيكة باردة
هداية : جووو 😊💜
هنادي بثقة : ككان مش انا معاكم مش عارفة كيف بتديروا ...عسل زيني مفروض كل يوم يطلعوها لبلاد ويدهورو بيهاا😂♥️... وشافت لبوها
هنادي : صح بابا ولا
منصور : هههه اي اي
فوزية : ايمن
ايمن : نعم
فوزية : سلم ولدي باش ترفع خواتك غدوا
ايمن انخلع : ووين
فوزية : خيرك اللطف بتطلعهم باش يكملو البتات
ايمن : اااه باهي
هداية : خلينا نطلعو توا
فوزية : شن بتطلعي والدنيا مغرب
هداية : عارفة الدنيا مغرب نتعشو ونطلعو
فوزية : لا لا يابنتي انتي ارتاحي ها اليومين بعدين يسهل ربي...
هداية : به امالا 😇
.......
بعد ايامات هداية كملت بتاتها في وقت قياسي🔥 وكملت العيلتين تجهيزات العرس ❤
يوم الحفله ❤👰🏻
أجواء الصالة تهببل😍 اغاني على طول الصوت والبنات يهيجو وجووو حلو بكل 😍اما عروساتنا 😊❤ بسم الله ماشاءالله لابسين نفس الفيلو والتاج الملكي 💙ومدايرين نفس التسريحة والمكياج ❤ طلعو يهبلو وكأنهم توأم ..💜 وحسناء وهند 😍 طالعين يجننوو🤤❤مع القفطان العنابي القصير والشعر المفتوح والمكياج الخفيف 🤤❤ ...طالعين وكأنهم نفس البنت 🤤❤ .. طبعا البنات متفقين يلبسو زي بعض .. واكيد الفكرة مكانتش فكرة هداية 🙂 هنادي الي وقفت للدنيا كلها قامت عرسها بروحها يناري 😅❤ الدربوكة عليها لأن محدش يعرف يدربك غيرها 😅 فيلواتها هي واختها اختارتهم هي 😊 قفاطين حسناء وهند اختارتهم هي 😊💜 كل شييي على راس هنادي 😂❤
هداية : هنادي الفيلو ثقيل هلبا كيف بنمشي بيه
هنادي : تحمليه هما ساعتين
هداية : ربي يستر كان ما نطيحلهم 😂
هنادي : 😂😂😂
المصورة : هداية تعالي معاي خلي نصورو
هداية : تعالي ساعديني في المشي مش قادرة😅
هنادي : هداية فونك يرن
هداية : معليشي عندي مكالمة نكملها واناديك
المصورة : تمام خودي وقتك😊
نادر : ها حبي شن صار
هداية : شوي بنصور وبندخل للقاعة
نادر : حبيبتي خايف علييك
هداية : متخافش مش ح نخليه يلمسني حبي ..
نادر : اكيد ؟!
هداية : اي اتطمن
نادر : تمام حبيبتي ردي بالك على روحك انا قدام الصالة راهو
هداية : به هي سلام
المصورة : شن هداية كملتي
هداية : اي كملت
كملت المصورة تصوير هداية وهنادي ...
المصورة : هيا مالا انا بندخل للصالة باش نصوركم لما تدخلو 😊 ...
هداية مع ضحكة مجاملة : اكيد شكرا ليك
هند : خيرك انتي
هداية بأستفزاز: خيرني
هند : درا كيف مش عاجبك الجو
هداية : ومن قالك عاجبني الدنيا كلها مضايقتني زي النم 😒
هند : اصبري هما كم ساعة
هداية: اففففف وخلاص
فوزية : هيا هداية وتي روحك باش تدخلي
هداية : هيا هاني واتية
دخلت هداية الصالة على اغنية لا إله إلا الله ❤ والعيون كلها تشوفلها ...
فاطمة : ماشاء الله عليها طالعة بالظبط زي اختها هنادي
فوزية : اي زي بعض 🥺💔 ثواني وانفجرت فوزية بالبكى
فاطمة حضنت فوزية : خلاص هدي هدي
فوزية: كيف بنفارقهم يا فاطمة كييف😭 راهم بنياتي 😭 راهم كبدي 😭 منقدرش نعيش بلاهم
فاطمة : حتى انا مش عارفة كيف بنعيش بلا حيدر 💔 هو راس وليد عندي وبيمشي 💔 ثواني وانفجرت حتى فاطمة بالبكاء 😅... وبدو الناس يهدو فيهم وهما شوي ويولو يحضنو بعضهم ويبكو 😅 ... منلومهمش الصراحة لأنها توجع الحق 😅😂..
ثواني لين المرأة متع المنظومة قالت : الي متحجبة تغطي راسها العريس بيدخل ...
ودخل حيدر 🤤❤ امه اول ماشافاته حضناتة وانهارت بالبكى
حيدر : خلاص يما خلاص 😅
فاطمة : تي كيف خلاص وانت بتفارقني كيييف 😭
حيدر بتوتر : يما راهو حوشي فوق حوشكم ماعندي وين بنفارقك ..
حسناء : خلاص ماما خليه يوصل لي مرتة بعدين ودعيه كيف ماتبي 😂
حيدر عيونة معلقات في هداية كيف طالعة وقلبة يدق بالقووة 😍💓 وحتى هداية نفس الشي مش قادرة تنزل عيونها 🤤❤ بس بعدين اتذكرت نادر وفاقت على روحها ... قعمز حيدر جنب هداية وقلبة قريب يطلع من مكانة 💓😍 حيدر قرب يده من يد هداية بس هداية قامت يدها ودارت روحها تساوي في تاجها💔
هداية : ووه هادا التاج ماباش يثبت
حيدر مع ابتسامة : هاتي نساويهولك انا😊
هداية بربكة : لا لا ساويتة متمساش 😒
حيدر نزل يده بخيبة : تمام الي يريحك
..الصالة بدت تفضى .. وقعدو الا الاقارب في الصالة ...
هداية طالعة هي وحيدر باش يركبو في السيارة..قابلها نادر واقف جنب سيارتة🔥ضحكت هداية ضحكة خفيفة وركبت في السيارة......
حيدر : شن الجو😊
هداية : تمام
حيدر استغرب من الرد البارد ..
حيدر : اكيد متعبك الفيلو صح 😅
هداية بأستفزاز : بالعكس مرتاحة فيه
حيدر : تبي اميه ولا حاجة هكي
هداية : شكرا منبي شي
حيدر سكت ومعاش زاد ولاكلمة ... طول الطريق وهما ساكتين وهداية شادة فونها وخلاص..
هداية تأففت : تي مزال بعيد حوشك ولا شنن ؟!
حيدر : اهو الفندق وصلناله حبي😊💙
هداية شافت لحيدر بأشمئزاز وولت شدت فونها ودارت روحها ماسمعت شي
حيدر استغرب منها ومن تصرفاتها ..
هداية مقعمزة قدام المراية وتمسح في مكياجها....
حيدر : نساعدك في حاجة 😊
هداية ببرود: لا شكراً خليني بروحي شوية تو نكمل
حيدر بأستغراب : تمام
طلع حيدر وسكر الباب ...
كملت هداية مسح المكياج وفكت تسريحتها ومشطت شعرها ولبست بيجاما نوم عادية واتكت على السرير و تكلم في نادر واتس ..
هداية : ( حبي الامور كلها مشت زي ما خططنالها .. اتطمن وماتشغلش بالك 🔥)
نادر : ( لبستي بيجاما عادية زي ماقتلك؟)
هداية : ( اي )
نادر : (تمام تو ارقدي ومتدوريهش )
هداية : (قود نايت حب )
نادر : ( قود نايت 😘)
ورقدت ..
حيدر استنى ساعة كاملة في الصالون..
حيدر: خيرها هادي ؟!
ناض حيدر من مكانة ويطق على الباب
حيدر بخوف : هداية كملتي؟
هداية : ..........
حيدر : هداية ؟!
فتح حيدر الباب بهدوء وشافها راقدة ولا على بالها ولابسة بيجامة نوم عادية فوقها ...
تكنطى حيدر وطلع من الدار ورقد في الصالون ....
في الصبح ... ناضت هداية الساعة 12ولا كأنها عروس جديدة طلعت من الدار لقت حيدر شاد فونه وقدامة سفرة الفطور ..
هداية دخلت للكوجينة ولا كأنها شافاته
حيدر : صباح القايلة 😒
هداية : من دارلك فطور ؟
حيدر : مرتي الجديدة
هداية بهزوة : هاهاهاها اتضحك هلبا
حيدر : انا طالع تبي حاجة
هداية: نبي نمشي لحوش عيالي
حيدر : علاش
هداية : هكي نبي نمشيلهم
حيدر : تو بيجوك هما
هداية تأففت ودخلت لدار النوم وقربعتها
حيدر : لا حول ولا قوة الا بالله
هداية : نادر
نادر : ايوة حبي شن صار
هداية : مصار شي قعدة نتجاهل فيه وخلاص
نادر : هكي نبيك تعامليه ببرود زي مقتلك
هداية : تمام🔥....
طق طق طق ...
هداية : نادر هادي اكيدة امي
نادر : افتحيلها ... هي سلام
هداية : لا أستنى شن بنقوللها
نادر : قوليلها امورنا تمام وخلاص
طق طق طق
هداية : تمام حبي سلام ..
ارتسمت ضحكة عريضة على وجه هداية لأن خطتها هي ونادر نجحتت🔥 ...
طق طق طق
هداية : هيا جيت 😍
فتحت هداية الباب وشافت حيدر... على طول تلاشت ضحكتها ..
حيدر : نسيت مفاتيحي
هداية شافتلة من فوق لتحت ودخلت للدار وقربعتها
حيدر : خيرها هادي😕 ....
استمر الحال هدا لمدة شهررر💔 محاولات فاشلة من حيدر 💔 وتجاهل تام من هداية .. حيدر كره القعدة في الحوش واكتر الوقت مع صحابة ...
.........
حيدر : هداية
هداية : .......
حيدر : هداية وينك
هداية : اندوش شن تبي
حيدر : بلاش بلاش
لحضات لين بدا يسمع في صوت هاتف يرن .. طلع فونه وشافة لقاه مايرنش
قعد يتبع في الصوت لقاه فون هداية تحت المخدة ..طلعه بهدوء وهنا كانت الصددمة💥 ...
Daniazaied
رأيك✌🏻 ؟!
اسفة ع التأخير حبيبتي ❤👑
