سراب🌌 للكاتبة 💕جوجي محمد💕
Part 6....👇🏻👇🏻
هداية من الفرحة حضنت حيدر من دون متحس 🙈
هداية : حيدر والله شكرا انت اقوى واحد في العالم
حيدر وجهه احمرر : هه ولا يهمك
هداية : لونة جللطة 😻 محلا ذوقك
حيدر : تسلمي ..هي متبي شي
هداية : وين
حيدر : هنا بندور مع الاولاد
هداية : اها به لاكن متعطلش ع الغدى
حيدر : ان شاء الله
هداية خشت للدار وفي يدها البوكس
هداية: وااه كساد يابنات
حسناء : ايه بكل
هداية : امالا خلوني نفتح البوكس الي شراهولي حيدوره وليد عمي
هند : بوكس شني
هداية : كادوو
حسناء : سعدودك
هداية فتحت البوكس ودارت روحها متفاجأه ومفتحاتاش مع حيدر 😂
هدايه : اوه ماي قاااد
هنادي : شنوا
هداية : نيووو فوون
هند : الله محلا لونه
حسناء : حيدر ذوقة حلو في كل شئ
هداية : ايه حتى انا قلتله
هند &هنادي & حسناء :😲
هداية بتوتر :ااا .. ههيا ننديروا الغدى ووقت ره
ناضوا البنات وطيبوا كسكسي ودارو عصير طبيعي ووتوا كل شئ وقعمزوا يتغدوا 🍱🍹
فاطمة : مشاءالله محلاه العصير من داره
هداية : محسوبكم انا
فوزية : ههه هداية سطاا في العصائر
فاطمة : مشاءالله عليها
هداية : خلاص حشمتوني 😳💕
هند شافت لهداية : احمم يا مشاءالله عليك انتي😏
هداية : على الاقل يمدحوا فيا مش زي ناس معمرهاش دارت فايدة ولسانها مطولاته زي خيالي وتبي الناس يمدحوها
هند : باهي ضمي فمك وانتي ديما ردانك واتي زي الهم 😒
هنادي : ايه ماما من بيطلعني اليوم باش نشري البتات للعرس
هداية : كح كح كح
فوزية : بشوي بنتي هاك اميه
هداية : على شن مستعجلة العفو
هنادي : شي لاكن قلت نشري اماعين الكوجينة باش الشهر الجاي يقعدلي المكياج واللبس وخلاص
هداية : اهااا
فوزية : كلموا واحد من خوتك يرفعكم
رواد : هننااادي
هنادي : خيرك
رواد : هاك خودي السفرة
هنادي : اسمع رواد ترفعنا للمحلات
رواد : انا مانيش رافعكم شوفوا ايمن هوينا
هنادي حطت السفرة في الكوجينة ووقفت على باب المربوعة
هنادي : ايمن
ايمن : اانعمم
هنادي : تعالا نبيك
ايمن : تيي نلعب تو منقدش انوض
هنادي : غيير شوي نبييك
ايمن : هنادي يا وجه النننحس
هنادي 😨
ايمن طلع من المربوعة : خسرت في امه الشوط شن تبي
هنادي : ترفعنا للمحلات
ايمن : تي فكوني من المحلات معايا لولاد تو ..
هنادي : بالله ايمن بالله
ايمن : خيره رواد
هنادي : قال مش فاضي
ايمن : خلاص حتى انا مش فاضي
هنادي : تفووو
ايمن : بري ديري خمسة نسكافيه ولا قهوة بلا دوة فاضية
هنادي : مصح وجهك حتى انا مش فاضية واعطاتة بظهر
ايمن قام سبيدروا ولوحة على هنادي
هنادي : ااااااي كتتفيي
ايمن : زيدي طولي لسانك عليا يفرخة
هنادي : حيوان
فوزية : شن قالولك خوتك
هنادي : مابوش يطلعوني
فاطمة : حسناء شوفي حيدر ايطلعك انتي وبنات عمك
حسناء : شوية بس
حيدر : انعم
حسناء : وينك
حيدر : مع الاولاد شن تبي
حسناء : تعال نبو نمشوا ندهورو حنا وبنات عمك
حيدر : ايااااه عاد
حسناء : بالله حيدر بالله
حيدر : به شوي وجاي
حسناء : به
حيدر : تعرفي نوصل ونقوللكم هيا ومتطلعوش بنمشي ونخليكم
حسناء : به به
هنادي : هااا شن قال
حسناء : قال نوصل نلقاكم واتيين
هنادي : الله اكبرر ظهر الحق وزهق الباطل
فوزية : هيا نوضوا زي الفالحات اغسلوا الماعين ووتوا رواحكم
هداية : ماما مش ماشية انتي وعمتي
فوزية : لا لا احنا بيجينا منصور ولا عبدالله باش يطلعونا
هداية : اهااا
البنات غسلو الماعين بسرعة ووتوا رواحهم على جية حيدر
حيدر : تي هيا وينهم الفرخات الي بيطلعوو
حسناء : خلاص هانا واتيين
قولولي رأيكم في التعليقات ..🐼🌸
