سراب 🌌للكاتبة 💕جوجي محمد💕
Part 14 ..👇🏻👇🏻
فوزية : اقعدو مزال الوقت
نورية: لا لا والله منقدرو يا وخيتي هي بالسلامة
فوزية : بالسلامة بالسلامة ..
.......
نادر : قتلك مستحيل نرخي بيك ياحبي
هداية : ومقصرتش❤
نادر : غير ايمت يفوت هالشهر باش تكملي تشطيباتك انتي وانا نكمل الحوش
هداية : حتى انا خلاص مادا بيا غدوا العرس 🙈...
بعد شهرر ...💕💕
هداية : ايوة نادر
نادر : شن معطلة
هداية : لا لا خلاص غير شوي هكي بتساويلي التسريحة و كملت
نادر : اهمم
هداية : لاش مستعجل انتا اللطف 😂
نادر : تي حتى انا قاعد في الحلاق ره😂
هداية : 😂😂😂
نادر : هي مالا سلام حبي
هداية : سلام ..
هداية : اسمعي ترا ديري نفخة بسيطة من قدام
هند : لا لا مديريهاش منفوخة اعيي
هداية : بالعكس حلوة
هند : زي وجهك متديريهاش
هداية : باهي مش مدايرتها
هند : هداية وينهم عدساتي
هداية : هوينا ع الطاولة
هند : بتركبيهملي ره
هداية : اهي نوال تركبهملك
نوال: لحضة انكمل لأختك ونركبلك 😊
..................
هداية المرة هادي واقفة للعرس كله بروحها اختارت صالتها بروحها شرت بتاتها بروحها ... الدنيا كلها على راسها وهي قريييب بتطير 💕 .. وآخيرا كملت هداية كل شي ووصلت للصالة وأجواء الصالة زي العسل 💕😚 ..
هداية: هيا اهل نادر وصلو
هند : ايه لاكن عمتي نورية واحلام بس
هداية&هنادي😕😕
هند : والله
نورية : السلام عليكم
احلام: مرحبا
فوزية : اهلين بيكم
هند : مالا وين ناسكم ؟!
احلام : ماقدروش يحضرو لأنهم يسكنو في الشرق ..
هند : اهممم😑...
هداية : خسارة بيفوتهم الجوو كله
احلام : ايييه حتى انا تمنيتهم يجووو
فوزية : هيا الناس من بكري يستنو ايمت بتدخل العروسة
هنادي : من تبي يدرجك ايمن ولا رواد
هداية : المرة لي فاتت درجني ايمن تو رواد
هنادي : به تو نمشي اناديه
دخلت هداية للصالة وهي قايمة خشمها الفووق وقلبها قريب يطير من الفرحة ..
مش هداية بس الي العيون كلها عليها
حتى رواد العيون عليه ياكبديي 😂💕
أحلام : من هدا
هند : رواد
احلام : خوك وله
هند بأستغراب : من بيكون يعني
احلام : اها 💕
هند : مش مزبوطين الناس اهما
دخلت احلام للحمام ( حشاكم) تساوي في روحها وتستنى ايمت يطلع رواد باش تطلع عمداآ قدامة ..
احلام بصوت خافت : نورية تعالي
نورية : خيرك
احلام : متنسيش اتصوري كل من في الصالة
نورية : وينها الكاميرا متعك
احلام: اهيه وحده حاولي تحطيها مقابلة للعروسة والتاني وين بيرقصو البنات🔥
نورية : شن بتديري انتي
احلام : شي غير نبي الحمام شوي .. نبي نتدحنس عل خوهم الطرف
نورية : باهي احلام بنمشي مانبي حد ايشوفنا واحنا نهدرزو بروحنا
احلام : نورية ردي بالك ننكشفو ..
نورية : ربي يستتر ...
رواد : خلاص بنطلع
هنادي : تعال صور
رواد : تفضى الصالة تو نصور معاكم
احلام دارت روحها تساوي في قفطانها وخشت في رواد .
رواد 😳😳
آحلام : اه اسففة .. رواد صح
طلع رواد من دون ميقول ولا كلمة
هنادي : خيرك احلام😅
احلام : انا وفلايطي😂
هند لاحضت انها من بكري في الحمام وتساوي في نفس الشعرة ولما طلع رواد طلعت هيا ..
هند : عادي اصلا كلنا نغلطو 🙄 صح احلام😏
احلام : اه ههه ديما تصيرلي المواقف اهيا ههه😅
هند : ههه😑
احلام : اسفة بنمشي للحمام وتو نجي
احلام في سرها : اففففف هند هادي بتكشف امري ... طلعت فونها وبعتت مسج لي نورية .. ( نورية ردي بالك من هند راهي بتكشف امرنا )
نورية ( من قالك؟!)
احلام ( مش عارفة لاكن ردي بالك منهاا)..
نورية ( باهي ) ...
... دارو البنات جو ورقيص وهداية معاهم ..
فوزية : نورية تعالي
نورية : لا لا انا اعفيني من الرقيص
فوزية : غير تعالي ميصيرلك شي
هداية : تعالي عمتي بالله 😊
نورية : باهي لاكن شوية بس
......
كملو رقيص وطلعت هداية للغرفة
هداية : احلام
احلام : انعم
هداية : وكأن نادر عطل
احلام : لا لا تو كلمني وقالي نخش ولا
هداية : شن قلتيله
نادر : حبيبتي😍
هداية : نادرر🙈💕
نادر : هيا هيا ندخلو للصالة ونوروهم وجوهنا باش انروحو بسرعة
هداية : هههه به
.....
احلام بصوت خافت: نورية
نورية: انعم
احلام الصالة بدت تفضى صورتي كل شي
نورية : ماتخافيش صورت كل شيء و معاش اتناديني والناس جاملة هكاي مش هند مركزه فينا هلبه
أحلام:أي هالدراه ما حد شك فينا ألا هيا
متع المنظومة : الي متحجبة تلبس
يخشو هداية و نادر شادين ف ايدين بعض و هداية بكل فرحه و كل حب و شعورها لا يوصف و اخيرا خذت الشخص الي تحبهه و الي حاربت عخاطره هلببه وكانت. أحلى لحظة في حياتها ❤❤❤❤
مر الوقت بسرعة ... وهداية مش مصدقة روحها .. كل شوي تتلفت حواليها باش تتأكد انه حلم ولا حقيقة .. ولما تشوف لنادر تزيد فرحتها....
في السيارة....
هداية:اووو والله الصالة تعبتني و المنظومة صدعتلي راسي
نادر: عادي كله يهون مدامه. ولينا لبعض❤
هداية شدت ف يد نادر و ضحكت
نادر :حبي تبي اميه
هداية. :اي والله كان في.
نادر :هاك حبي
هداية : خيرها هكي
نادر : خيرها ؟!
هداية : مش عارفة فيها حاجة مرة
نادر : هه تتخيلي من التعب 😅
هداية : زعما😅
نادر : بنقولك
هداية. : ايوة
نادر : من تو فونك خليه بلا رمز
هداية : حتى انتا
نادر : انا من يوم يومه بلا رمز
هداية : تمام اهو نحيته .. تعال نصورو شوية
نادر : هههههه
.....
هداية : ووه المسيرة صدعتلي راسي ايمته بنوصلو
نادر : اهو حبي الفندق قريب نوصلولة
هداية : شكلني بنرقد يانادر
نادر : ايه عندك حق الصالة اتعب
هداية قاومت بس مقدرتش غلبها النوم ومعاش تحس بي شي ..
بعد ما وصلو للفندق ..
نزل نادر وهو قايم هداية في حضنه❤
هنادي : حي عليها انشاءالله راقدة
هند : شكلها
احلام: يناري شكلها تعبت
هند : قولي احلام .. وين هدا حوشكم
احلام بتوتر : اااه .. لا انا وماما بناخدو غرفة في الفندق ..
هند : اهمم ..
هنادي خذت هند للسيارة ..
هنادي : خيرك انتي
هند : خيرني
هنادي : من بكري نلاحظ فيك اتضايقي فيها
هند : مش طبيعيين الناس اهما
هنادي : شني الي مش طبيعيين متعك اهيا..
هند : والله نحس فيهم لدرا شن يخططو ريتيها بكري احلام كيف طلعت قدام رواد
هنادي: به شن فيها غالطة
هند : لا لا ركزت فيها لقيتها تساوي في نفس الشعرة ولما طلع رواد دارت روحها طلعت حتى هيا ..
هنادي : اسكتي اسكتي بلا فتاوي زايدة منبوش مشاكل ..
....................
الساعة 3:12 صباحا ...
نورية : قعدة مافاقتش
نادر : لا لا مزال متفيقش المنوم قوي
احلام باهي تأكد مفيه حد البرا
نادر : لا لا مفيه حد
نورية : احلام صوريها هكي بالفيلو
احلام : صورتها
نورية : باهي هيا يانادر خلينا نطلعو من هنا
نادر : وشني بنرفعوها بفيلوها
احلام : تو نلبسلها روب
نادر : باهي هي بسرعة
نظمو. حوايجهم و جايين بيطلعو من الفندق نادر نزل هداية بعد م غيرولها و ركبو ف السيارة ...
نورية.: خايفة تفيق يا نادر
نادر : لا لا انشاءالله متفيقش
......
احلام. : ربطتلها ايديها ورجليها
نادر : اربطيهم كويس وحتى فمها شن تسحابيها.. تفيق في اي لحضة وتعيط ..
احلام : به ..
نادر : نورية
نورية : انعم
نادر : وينه فونها
فوزية : في السيارة
نادر : جيبيه بسرعة
.....
الساعة 9:11 صباحا ..
فتحت هداية عيونها ... وهنا كانت الصدمة 💥💔 ...
رأيكم .. شن تتوقعو يصير في الحلقة الجاية ... و أسفة ع الحلقة القصيرة ❤
