سراب للكاتبة💕جوجي محمد💕
Part 8...👇🏻👇🏻
حسناء : انا بنخش نرقد وكان تبو حاجة ولا روحوا حوش عمي نوضوني
حيدر: احمم.. يما
فاطمة : نعم
حيدر : امي نبيك تطفي التلفزيون بنكلمك في موضوع
فاطمة : طفيته شن تبي
حيدر حك راسه وشاف لامه : اسمعيني مش قتلك لما تعجبني بنت انقولك
حسناء وقفت جنب الباب باش تسمع كويس .🙋♀️
فاطمة ساوت تقعميزتها : ايه ايه
حيدر : الحق مكنتش معجب بيها لاكن الفتره هادي بدت تعجب فيا
فاطمة : هيا قول
حيدر : نبي هداية بنت عمي
فاطمة تزغرط
احمد : واطي حسك يعن...
حسناء حطت يدها على فمها : هييي هدااية
فاطمة: خليني نفرح بيك ياوليدي قدااش ليا نستني فيك بتقولي منيه بنت الحلال الي تبيها لاني نبي نشوف صغارك قبل مانموت
احمد : هههه ربي يطولنا بعمرك يارب ويديمك تاج على روسنا
فاطمة : انا توا بنتصل بي بوك ونقوله يجي باش نفتح معاه الموضوع
احمد : لا ماتتصليش بيه استنيه لين يجي ليش نخلعو فيه
فاطمة : ههههه باهي ياوليدي
حسناء : يانويرتي على هداية ونادر نعرفها هداية مش ح ترد حيدر 💔
طق طق طق
فاطمة: اكيده هادو حوش عمك روحو
فوزية : السلام عليكم
فاطمة : اهلين اهلين
فوزية سامحونا عطلنا عليكم
فاطمة عادي ولا يهمكم
فوزية : اهو جبنالكم غدي من برا
خشت هند وهي تتأفف
هداية: خيرك
هند : نبي نرقد
هداية : وخشي ارقدي شن تتأففي علينا
حسناء وقفت جنب حيدر : شجو حيدر
حيدر : اقلبي وجهك عليا بلا برادة
حسناء : امممم باهي
هداية شافت حيدر وبتمشي تتبرد عليه
هداية: هيييي حيدر شن الجو
حيدر : خيرك
هداية : شي كنت نبي نتبرد عليك كسااد
حيدر : امممم هكي صار
هداية : ايييه ... وحطت يدها على شعره
هداية: محلا شعراتك
حيدر حرك راسة باش تنحي يدها
حيدر : ماطلبتش رايك فيه
حسناء : ياعيني ياعيني 😂
هداية : ماتفهميش غلط
حيدر: انتي اقلبي وجهك عليا خيرلك
حسناء: وكان قتلك لا
حيدرقام الوسادة ولوحها على حسناء
حيدر : مرة ثانية شبشب على وجهك
حسناء تشوف لحيدر بأستفزاز وشدت هداية من يدها
حسناء : هداية تعالي نبيك
حيدر شد في يد هداية 🙊
حيدر : تبيها بالعناد هياا هداية مش ماشيتلك
هداية تشوفلهم و هي قريب بتموت من الضحك
حسناء : هدااية نبيك شوي
حيدر وقف : ارخيها
حسناء : لا
حيدر : حسناااء جدياات ارخييها
حسناء رخت هداية و حيدر كان يجبد فيها بقوة طاح وطاحت فوقه 🙈حيدر قعد يشوف لهداية وتمني ان يقعد هكي اليوم كله 😍 حتى هداية قعدت سارحة في عيونة وفي جماله🤤 وفاقو على رواحهم على صوت ضحك العيلة عليهم
هداية نقزت بعيد على حيدر ... حيدر ناض وهو يساوي في سوريتة ....
حيدر : اسف مش قصدي نطيحك
هداية ووجها احمرر 😳 : لا..لا ععاادي
حسناء مشت حضنت هداية وهي تضحك : ووه علياا اسفة اسفة مش قصدي حبيبتي والله اسفة
حيدر طلع للمربوعة
هداية مشت للتواليت وهي ميتة من الحشمة 🤓 سكرت على روحها الباب
وقعد تشوف لروحها في المراية ...
هداية : شني الاحساس الغريب هدا اول مرة نحس بي هالشعور ... ونحت وشاحها وشدت شعرها كودا كورية وغسلت وجهها ونحت المكياج الي كانت مدايراته ( روج وردي خفيف وبودره خفيفة ومسكره 😻 ) وردت وشاحها وبتمشي تلبس بيجامة
فوزية : هداية تعالي تغدي بنتي
هداية : ماعنديش نيه تو خلولي شوي تو ناكل بعدين
حسناء : خليها قعدة متحشمة من الموقف الي صارلها☻
فاطمة نخصت حسناء : سكري فمك بلا تلقيح دوة
هداية متكية على سريرها وشادة فونها لين جاها اتصال من نادر
نادر : خيرك اليوم ماتصلتيش بيا
هداية : مافضيتش مشيت لعرس جيرانا او...
نادر : اي اي صدقتك
هداية نحت النصولة وقعمزت : نادر تسحابني نخوون فيك
نادر : مقلتش هكي انا
هداية : لاكن هدا قصدك
نادر : لو تبيني نسيبك عادي ره
هداية توترت : ااا لالا شن تسيبني مقلت شي
نادر : باهي هي
هداية : نادر متقوليش زعلت
نادر : هداية خلاص راسي يوجع فيا
وسكر الخط
هداية وجعها خاطرها على نادر وحست انها زعلاته بعتتله 5 دينار رصيد باش يرضى ..وولت اتكت على السرير وقلبها مكسووور على نادر💔 ... غطت روحها بالنصولة وهي تبكي .. شوي واتصل بيها نادر
نادر : معقول حبيبتي تكلفي روحك وتبعتيلي خمسة دينار رصيد 😍
هداية بصوت يرعش : نادر زعلت مني
نادر : حبيبتي تبكي
هداية : تبكي وتشهق
نادر : حبيبتي اسف والله مقصدي مكنتش نحسابك بتزعلى هكي
هداية : انت مازلت تحبني
نادر : تييي نههبل فييك يفرختي 😍😘
وقعد يغازل فيها ويقوللها في الكلام الحلو وهداية مصدقة روحها 💔
شن تتوقعوا يصير في الحلقة الجاية ...
اكتبوا في التعليقات 🐼🌸...
