منصور : سمعتو؟!
عبدالله : بهداية ولا !؟
منصور : اي اي على هداية
عبدالله : ايه بكري اتصلنا بي رواد قاللنا في المستشفى و حاطينها في العناية .. لاش خيرها هيا
هند : حسناء
حسناء : انعم
هند : شن سمعتو بالضبط ...
حسناء : مانيش عارفة انا حيدر مخلاني نعرف شيء .. وهو اصلا حيدر الي قاللنا عليها
هند : قالتله انها تبي تنتحر 😱
حسناء : تنتحرر😱😱
هند : تو نحكيلك القصة غير قوليلي كيف عرف حيدر
حسناء : جاته في الحلم
هند : اهممم
حسناء : ووين هنادي مالا
هند : هوينها في الدار تتريح
حسناء : خيرها مريضة حتى هيا
هند : تعالي نوريك دار بابا كيف تو تعرفي لاش ترتاح
حسنااء : هيييي هدا شن الباكوات والدم
هند : شكلها هداية انجرحت ولا درا خيرها دمها معبي الدنيا
حسناء : اهااا هدا علاش هنادي ترتاح 😂
هند : ياناري تو معاش بتنساه ها المنظر 😂😂
حسناء : هند انتي متوضية
هند : ايه متوضية ليش
حسناء : وكأن هدا الكتاب مصحف وله
هند: هيييي😱 ايه تي هدا مصحف ماما
حسناء : امسحي الدم الي عليه حرام
منصور : هيا هند شوفي اختك هنادي باش بنمشوا للمستشفى ....
هند : هنادي
هنادي : اممممم
هند : هيا وتي روحك خلي بنمشو للمستشفى
هنادي : باااهي باهي غير خلوني بروحي شويه
منصور : وين اختك
هنادي : هاني جيت
حسناء : كيف حاسة روحك تو
هنادي : الحمدلله باهي
منصور : هي اركبو ....
............................
حيدر : امته صار هدا كله
رواد : بكري شوي وصلتها للحوش لا بيها لا عليها لين اتصل بيا ايمن وصار الي صار
حيدر : نبي نعرف اي ..اي نوع من الحبوب
رواد : والله ماني عارف لاكن على ما أعتقد بوي عنده حبوب ضغط وبنادول ..
حيدر : باهي مفيش ادوية قلب معاهم ولا هكي
رواد : منيش عارف لاكن في درج امي فيه حبوب القلب لاكن انشاءالله مفتحاتاش
حيدر : انشاءالله
منصور : ها شن صار
حيدر : قعد مطلع حد
فجأة ... باب الغرفه انفتح
منصور : شني يادكتور
الدكتور : متخافش ياعمي الامور طيبة انشاءالله احمد ربك انها مخذتش حبوب قلب لان مفعولهم قوي هلبا بس الحمدلله جبتوها في الوقت المناسب ودرنالها غسيل معدة قبل ما يأثرو فيها الحبوب .. هي توا غايبة عن الوعي بس هكي جو نص ساعة تو تفيق ...
منصور : بارك الله فيك يا دكتور
فوزية : نقدرو نشوفوها
الدكتور : اكيد تقدرو بس مش مع بعض.
.............
فوزية شدت يد هداية وتبكي : هداية.. بنتي ليش درتي هكي💔
منصور : فوزية خليها متفيقيهاش شن قال الدكتور ... هيا حتى خواتها يبو يشوفوها
فوزية وهي تمسح في دموعها: باهي غير خليني معاها شوي
منصور : به ..
هنادي : بابا نقدرو ندخلو
منصور : ايه هوينا امك معاها ..
.............
بعد انتظار دام ساعتين واخيراآ فاقت هداية ....
فوزية حاضنة هداية وتبكي : يابنتي علاش درتي فيا هكي رعشتيني عليك 💔
هداية اتدير في روحها مش عارفة شي : لاش ماما شن صار
فوزية : شنو مش عارفة روحك شن درتي
هداية : ششن صار خوفتوني لاش انا في المستشفى تكلموووو
فاطمة : مش معقول ماتتذكري في شي
هداية : انا نتذكر ان رواد روح بيا للحوش وخذيت حبة بانادول ورقدت بس
فوزية طلعت لمنصور ..
فوزية : منصور هداية قالت مانتذكر في شي
منصور : كيف ماتتذكر في شي ؟! عرفاتك انتي ولا ؟!
فوزية : اي عرفتني بس مش متذكره انها كلت حبوب ولا جرحت روحها...
يتبع 🐼🌸...
Daniazaied
طولتلك فيها حبي ♥️♥️
