معشوقه الجن

الفصل الثامن

ف صباح يوم جديد استقيظت سارة وعائلتها
والدة سارة :يلا يا سارة انتي وبابا عشان تاكلوا انا جهزت الفطار ..

والد ساره: استني ي ام ساره هنغسل ايدينا واسنانا الأول قومي ي ساره  يلا جهزى الاكل مع ماما ع السفره بسرعه يلا عشان ننزل نشتري الطلبات بتاعتك ..

ساره :حاضر يابابا...ماما هاتي يلا الاكل عشان احطه ع السفره ...

والدتها : امسكي العيش والسلطه وانا هاجيب الباقي يلا...
_____
ساره مشيت وامها شافت قطه صغيره ف المنور ولسه هتقرب منها فجأة القطه نطت ف وشها واتخضت من المنظر اللي حصل وصوتت ولسه هتفتح عينها لقت القطه زى ماهي صغيره قالت يالهوي هو الكابوس دا هيفضل يطاردنا كتير واستعاذت بالله من الشيطان الرجيم ودخلت تودى الاكل ....

______
وبعد انتهاء الروتين اليومي من الافطار وتجهيز انفسهم ذهبوا لكي يتسوقوا من أجل مدرسه ساره الجديدة 

خالد : ها ي ست ساره اختاري يلا اللي عاوزاه  .

سارة : لا استنوا بقي عشان هختار حاجات كتيرة

فاطمة: لا يا سارة ي حبيبتي اختاري اللي انتي محتجاه وبس

ساره:بوجه طفولي خلاص مش عاوزة حاجه...

خالد :سيبها تختار اللي هي عايزاه

ساره :حبيبي انت يابابا..

فاطمه : بلاش تدلعها زيادة عن اللزوم وعودها انها تكتفي بالقليل عشان محدش عارف بكره هيحصل ايه
_______
خلص المشوار بتاعهم بس الغريب انه ساره شافت بنت وحضنتها وهما استغربوا تعرفيها منين قالتلهم دى صحبتي كانت معايا ف المدرسه القديمه....
الغريب مش ف انها معاها صاحبه الغريب انها محكتش لأهلها عنها وكمان انه صحبتها تيجي ف نفس المكان وتنقل عشان ساره ...
ياتري ايه قصه ملك صحبة ساره وايه السر انها تنقل وراها كده ياتري هي صدفه ولا اتفاق...
_______
ملك :ازيك ي ساره وحشتيني ع فكره انا زعلانه عشان مشيتي ومعرفتنيش بس انا عرفت مكانك اهو...!!

ساره :عرفتي مكاني ازاى !!

خالد: مكانها ايه المدرسه يعني ..!

ملك :لا عرفت كل حاجه المدرسه وكمان البيت ..

فاطمه وخالد ف نفس النفس والصوت عرفتي كل حاجه ازاى يعني ...!!

ملك :بابتسامه شيطانيه عرفت من المدرسه عنوان المدرسه وكمان من المدرسه الجديدة عرفت عنوان البيت عشان الباص اللي بيودى لحد البيت ف اكيد عندهم العنوان ي طنط......

فاطمه : حبيبتي انتي لسه صغيره بس شكلك ذكية جدا ماشاءالله ماما وبابا فين عشان نتعرف عليهم ...

ملك : بتوتر ...امممم ..بابا وماما كانوا هنا تلاقيهم راحوا يحاسبوا ع الحاجه ..ساره تعالي شوفي انا جبت ايه ووريني انتي جبتي ايه...

ساره: اهي الحاجه بتاعتي ..الله ي ملك الحاجه بتاعتك جميله اوووى

ملك : وانتي كمان حاجتك حلوة اوووي وبعدين حاجتي هي حاجتك ولا ايه ي ساره ..

فاطمه : بعدم فهم لكلام ملك !! طب ياحبيبتي يلا بقي هنروح عشان اتأخرنا وكمان بابا اتأخر ي سارة ع الشغل ..

خالد : انا حاسبت هاشوف تاكسي عشان نروح باي ي ملوكه..

ملك : بابتسامه شرر.. مع السلامه ي سارة

ساره:ماما عاوزة اشتري اكل من برا تعالي هاتي البيتزا دى ..

فاطمه:حاضر يلا تعالي وراحو يشتروا البيتزا
دخلوا المطعم وطلبوا البيتزا وبعد لحظات حست فاطمه بعينها بتغمض وشافت المطعم فاضي مافهوش غير شخص بيقطع ف لحم بطريقه مخيفه والمطعم قلب ع شكل مشرحه

فاطمه بخوف ايه دا انا فين ايه اللي بيحصل دا ي ربي انا خايفه اووى ساره فين وايه المكان دا وشافت شخص مخيف وبيضحك بشررر وشافت ملك جمبه بس ع وشها الخوف وماسكه ف ايدها ساره....فاطمه سارره!!! ملك سارة مالها ليه مسكاها كده وبعدها سارة خدها الشخص دا واختفي ...فاطمه زى المجنونه بتنده ع سارة ...

سارة :بتصحيها فوقي ي ماما ف ايه ورشت عليها ميه ...

فاطمه وع وشها مرسومه علامات الخوف ...
حضنت سارة بخوف حضنتها جامد ..

الويتر: الاوردر جاهز ي مدام اتفضلي...

سارة :خدت منه الحاجه ومشيوا وهي بتسال امها ف ايه ليه خايفه كده انتي تعبانه ياماما ولا ايه

فاطمه:لا ياحبيبتي بس شفت كابوس الحمدلله ارتحت مافيش حاجه خلاص ...
فاطمه :بخوف انا لازم احكي لخالد اللي بيحصل معايا دا وبعدها افتكرت انها مش لابسه الحجاب اللي عمله ليهم الشيخ ...

خالد : رجع من الشغل لاقي فاطمه متوترة وخايفه ومش زى عادتها مجهزتش اكل ولا اي حاجه....بيسالها مالك مرعوبه كده ليه حصل ايه....

فاطمه: الحجاب وقع مني معرفش فين ..وحصل معايا حاجات كتير غريبه اووي
...وبدأت تحكيله اللي حصل معاها ...
________

وبعد ما خلصت كلام وحكت اللي حصل بيقولها متخافيش ان شاء الله مافيش حاجه

فاطمه بس انا خايفه يرجع كل اللي كان بيحصلنا من تاني انا مش عاوزة اخسر حد فيكم ي خالد وهموت لو سارة حصلها حاجه وبتعيط

خالد : طب كفايه عشان سارة متحسش بحاجه
احنا مصدقنا انها بقت كويسه وبدأت تنسي ..
ساره !! بيغير الموضوع ايه دا بتاكلي من غيري لا انا زعلان منك ...

سارة :بابا انا وفي المطعم شفت ماما مخضوضه وخايفه وبعد ما فاقت حضتني جامد هي مالها ي بابا

فاطمه :بمرح شفت كلب بيجري ورايا وانا كنت خايفه انه يعضك لانك كنتي معايا..وانتي عارفه انا بخاف من الكلاب ازاي ...

خالد : يلا بقي نتوضا ونصلي ونام كفايه كده
عشان كل واحد وراه شغل بكره بدري..
_________
صلوا ودخلوا يناموا.....

ياتري ايه سبب اللي شافته فاطمه ده ...
وايه حقيقه ملك ومين هي بالظبط وليه اهتمامها الشديد دا ب سارة .

يتبع ...

بقلمي أسماء جمال

٢٠٢٠/٥/١٢