معشوقه الجن

الفصل السابع والعشرون

خالد قام مفزوع مش مصدق نفسه من اللي شافه هي دي سارة ازاى هنا ...سارة هناك ف السكن ف ******
خالد بيقرا قران من شدة السخونه اللي حساها ف جسمه.....

وبعد لحظات الخيال اختفي...بس دا مش النهاية ...ولسه هيمغض عينه تاني لاقاه ف وشه وعينيه طالعه لبرا ونازل منها دم وبتقرب من وشه..

خالد:مش قادر يتكلم ولا يتحرك جسمه متكتف...

الجن :انت عارف عملت معايا ايه حرمتني من روحي ببعدها عني..وانت هتدفع التمن....غرز ضوافره في رقبة خالد وسببله جروح كتير ف جسمه وافقده الوعي....
_________
فاطمة بتدور ع خالد وبعدها قالت اكيد نام عند سارة في الأوضة هابقي اشوفه الصبح عشان مقلقهوش...

بعد لحظات سمعت فاطمة خبط جامد جاي من اوضه سارة ولما دخلت اتصدمت بخالد مرمي علي الارض...

فاطمة بتصوت وبتستنجد بس لا حياة لمن تنادى....وبعد وقت من وجودها ف الأوضة ربنا الهمها تشغل قران وتجيب مية وتقرأ عليها وترشها علي خالد عشان تفوقه...

خالد قوم يا حبيبي متخضنيش عليك أرجوك قوم بقي....
____________
سارة قامت مخضوضة من الحلم ومنه صحيت علي صوتها مالك ياسارة في ايه بسم الله الرحمن الرحيم...
جابتلها مية وقالتلها اهدى كده واشربي..

بعد ما سارة هديت منه ها ياستي احكيلي....مالك بتصوتي ليه كده ..

سارة:بابا مش كويس يامنه انا شوفته هو وبيقع في حفرة بس ملحقتش انقذه..انا قلقانه عليه اوووى استني عاوزة اتصل عليهم اشوفهم ..

منه : لا ياسارة كده هتخضيهم يمكن مافيش حاجة ودا مجرد كابوس مش اكتر....

سارة : بس قلبي مقبوض خايفة اوووى

وبعد لحظات الفون رن وشافت اسم امها خطفت الفون وردت بارتباك ماما عاملة ايه انتي كويسة ياحبيبتي وبابا عامل ايه طمنيني عليكي...

فاطمة: بابا مبيردش عليا يا سارة مش عارفة اعمل ايه...انا خايفة اووى يا سارة ابوكي مش راضي يفوق اعمل ايه قوليلي اي حاجة ...

سارة :بتعيط ومش عارفة تتكلم ...بتحاول تهداى نفسها ماما اهدى والنبي بصي استني افتحي درج الدولاب ع اليمين هتلاقي شنطة فيها علبة طلعيها وخدي الورقة اللي جواها...وحطيها في مية وفوقي بابا بيها...

فاطمة ماشي استني خليكي معايا بس استني دا في جروح ف جسمه ...ومتعور جامد ...

سارة : حطى من نفس المية علي الجروح دى ...وهي هتخف انا معاكي ع الخط بس انجزى ياماما مافيش وقت والا بابا هيتحبس هناك ...

فاطمة:يعني ايه يتحبس هناك انا مش فاهمه حاجة ..

سارة :هفهمك بس مش دلوقتي ارجوكي يلا...

خالد :شاف نفسه في مكان مش عارف هو فين بس هو شبيه بالجحيم ....محبوس في قفص ..ومش مستحمل حاسس نفسه هيتخنق.....بيدور علي حد ينقذه بس ازاى هينقذوه وهو جه عالمهم مع الحاكم بتاعهم ...

فاطمة جهزت المية وبدأت ترش علي خالد..بدأ يحرك صوابعه بس مش عارف يفوق او بالأصح بيحاول بس مش قادر ...

سارة : ها ياماما عملتي ايه...ردى عليا...

فاطمة استني ياسارة معلش خليكي معايا ....
___________
خالد شاف الجن واقف بعيد ونظره مراقبه...وقاله انت بتعمل ايه اصلا مش هتعرف تخرج من هنا انت مش هتخرج غير بموافقتي انا وبس انت ضيف عندى ....

الحر بدأ يزيد والنار بتعلي خالد مش قادر يتحمل ...هيعمل ايه مش عارف يمسك نفسه حاسس هيغمي عليه ...يارب ساعدني انا مش قادر اتحمل...وشاف الجن حولين منه وأشكالهم مرعبة....

سارة ماما كلمي الشيخ عشان يتصرف هو الوحيد اللي هيلاقي حل وهيعرف ينقذه...

سارة فكرت تحضر الجن بنفسها هي المطلوبه في كل دا ...وهي اللي هتريح الدنيا ولو خضعت لطلبات الجن....

منه انتي اتجننتي ياسارة ازاى هتعملي كده هو انتي فاكرة انه ابوكي يوافق علي كده لو موجود دلوقتي اكيد هيرفض طبعا ....

سارة يامنه انتي مش فاهمه اهلي اغلا حاجة ف حياتي انا حياتي من غيرهم مالهاش اي لازمة ...

منه بس ارجوكي فكري مش كده ...متاخديش قرار تندمي عليه...

سارة : خلاص قررت وبدأت تقرا كلام مش مفهموم .....وبدات تستدعيه هي مش فاهمه ازاى الكلام دا بتقوله او عرفته ازاى وبعد لحظات بدأت تحفر بضوافرها علي الحيط وكتبت اسم الجن ع الحيط ...

وبعد لحظات بدأت سارة تتحول وكأنه حد ساكن جسمها وشكلها بقي مريب عيون جاحظه وبوق نازل منه دم وشكله مريب

وبدأت صوتها يتغير بصوت مرعب ومخيف كانه اتنين بيتكلموا مع بعض في نفس النفس ....

منة مستحملتش وخافت وخرجت بسرعة من الأوضة وهي مرعوبه وبتعيط من حالة سارة ...

فاطمة علي الفون ومش فاهمه ايه الأصوات المخيفة دى ...وبتحاول توصل لسارة

منه : مسكت الفون وحاولت تمسك اعصابها سارة ي طنط اتحولت بشكل الجن انا خايفة اوى هي عاوزة تروح للجن عشان يسيب ابوها...

فاطمة : ازاى ياسارة تعملي كده حرام عليكي ...وبدأ خالد يفوق ويرجع لوعيه بس ميعرفش انه التمن كان عالي ....

سارة: وقعت واغمي عليها ورجعت لطبيعتها بس في أثر دم علي ايدها...

منه :شغلت القرآن لسارة وبدأت تفوقها سارة فاقت لكن مش فاهمة حاجة وايه اللي عملته دا

سارة : هو ايه اللي حصل دا وايه الدم دا هو انا اتعورت ولا ايه ....

منه : سارة انتي غلطتي وبدأت تتحولي وبقيتي شكلك مخيفه انا خفت منك ...
انتي مش عارفه عملتي ايه ف نفسك انتي سلمتي نفسك للجن هياخدك لمملكته في اي لحظه

اتصلت سارة واطمنت علي اهلها واطمنت ان ابوها رجع بسرعة ومبسوطة انهم بخير ...وفرحانة لانها عرفت تنقذ ابوها وكمان عندها امل انه ف حد هيجي وينقذها بعد ربنا طبعا ....

غمضت عينها ونامت شبه فاقدة الوعي ....منه محاولتش تصحيها عشان متقلقهاش....
___________
ياتري ايه العواقب اللي هتحصل لسارة بسبب كل دا ....وايه مصيرها مع الجن ...
و هيكون في حد ينقذها ولا لا ....
_______

يتبع....
بقلمي....
أسماء جمال...

٢٠٢٠/٦/١٣