معشوقه الجن

الفصل الثاني وعشرون

خالد رايح ناحية الاوضه وفي أثناء مابيفتح الباب لقي نار ف الاوضه اتصدم لدرجادى هما اسرع مننا وعرفوا بفكر ف ايه حاول ع قد ما يقدر ينقذ الكتب بس معرفش كل حاجه تاكلت...

فاطمة:ايه دا ف ايه ياخالد النار دى حصلت ازاى ....

خالد: اهدي بس اكيد ماس كهربا ولا حاجه متقلقيش مش حاجه مهمه اتحرقت..

فاطمه: اشمعنا الاوضه بس اللي ولعت والنار مخرجتش برا ...

خالد: عشان نار مش شديدة والحمد لله قدرت اوصل ف الوقت المناسب...روحي عند العيال انا هاجيب طفايه الحريق .....

فاطمه:ابتسمت ابتسامه كأنها فرحانه باللي حصل او هي ف بداية حالة السيطرة ع عقلها .....

سارة : ماما هو بابا ماله.......

فاطمه: بابتسامه مافيش يا حبيبتي انتوا البسوا وانزلوا العبوا تحت شويه يلا ....

سارة :باستغراب انتي متاكده يا ماما ...

فاطمة: ايوة يا حبيبتي روحي انتي وصحابك العبوا ...

سارة : ماما انتي كويسه اصل غريبة مش خايفة عليا وبتقولي انزلي كده عادي

فاطمه: يوووه ما خلاص ف ايه مش عاوزة تنزلي متنزليش...هو تحقيق ولا ايه ...

صوت فاطمه كان عالي وخالد خرج من الاوضه ع صوتها وبيسالها مالها بتزعق كده ليه ...

سارة : يابابا ماما قالتلي خدي صحابك وانزلوا تحت العبوا بسالها اشمعنا النهاردة مش خايفه عليا ...فزعقت فيا ...

خالد: معلش ياروحي انزلي انتي النهاردة بس ماما عاوزاكي تغييري جو انتي ومنه ومازن ....

نزلت سارة وصحابها وساره كانت حزينه بسبب ردة فعل أمها لانها لأول مرة تزعق كده فيها ...

منه : يا سارة خلاص اكيد هي مضايقة من حاجه وانتي بصراحة اسالتك كتيره ..

مازن : منه عندها حق ي سارة انتي غلطانه مكنتيش سألتي كل الأسئلة دي ....

سارة: خلاص تعالوا نشتري حاجه ناكلها احنا وبنلعب....

منه : استني هروح اجيب حاجه ع ذؤقي وجايه ...

منه ف طريقها للسوبر ماركت وهناك لمحت ميرنا بتراقبهم بس قالت يمكن بتخيل مش اكتر ....

مازن : تفتكري بابا هيكون كويس ويرجع يعيش معايا انا بحبه اووي بس هو دايما كان بعيد عننا ...

سارة : اه ان شاء الله هيكون بخير متقلقش واكيد هيرجع يكون معاك احسن من الاول بكتيررر....

منه : عمو عاوزة ٣ شيبسي و٣عصير .....

ميرنا : بتراقب تحركاتهم من بعيد وبتفكر تروح عندهم بس قالت ف نفسها اكيد هيسالوا انا هنا بعمل ايه...بس انا لازم اقرب من ساره....