استيقظ والد ساره ع صوت نار بيحرق ف الشقه وبيصرخ ايه عمل كده وبيصرخ بصوته كله الحقونا حريقه وحضن ساره وحاول يكسر باب الشقه وبعد محاولات الجيران سمعوا صوت وكسروا الباب دخلوا انقذوه هو وساره
وطفوا الحريق وخرجوهم من الشقه وعرف خالد انه دا انذار ليه من الجن وانه كان فعلا تحذيره حقيقي مش مجرد حلم وبيفكر ازاى ينقذ ساره وامها من الجن اللعين هو ف طريقه للمستشفي قابل راجل عجوز راح لعنده قاله انت مالك حيران كده ليه والخوف مالي قلبك وعيونك احكيلي انا زي ابوك ...
خالد ف الاول خاف احسن يكون الجن وف صورة الراجل دا ...وبعد ما افتكر وقرا قران غمض عينه وفتحها لقي الراجل ف مكانه ...
العجوز : متخافش انا مش شيطان ولا عفريت انا بني آدم قليل الحيلة احكي ي بني متخافش يمكن اقدر اساعدك ماهو يجعل سره ف أضعف خلقه...
خالد: بعد ما استريح للعجوز بدأ يحكيله وحكاله بالفعل كل القصه وكل الأحداث اللي حصلت لهم وبكي لعجزه انه مش عارف يحمي اهل بيته...
العجوز : قاله ادعي ربنا هو الوحيد اللي قادر ع انه ينقذكم ومتحاولش تتجه لغير الله ومتضعفش لانه الضعف نقطه القوي عند الجن انه يسيطر ع البني آدمين ويقدر ياذيهم وفتح قماشه كانت ف جيبه وقال لخالد خد دول علقهم ف رقابكم ومافيش اي ضرر ان شاء الله هيقدر يقرب منكم تاني بس خلي بالك متشليش الحاجه دي من رقابكم ابدا مهما حصل.....
خالد : خدهم ولبس وحده ولبس ساره وحده وشال التالته لمراته ولسه بيلف عشان يشكر العجوز ملقهوش وكأنه مكانش موجود من لحظات معاه ... بيدور عليه راح فين دا لسه كان معايا حالا يارب يكون سبب ف انقاذنا ويمكن دي رساله من ربنا ع صورة الشخص دا
__________
خالد راح المستشفي وخرج هو ومراته وساره ونزلوا مصر وعاشوا ف مكان هناك اسمه ***** وقدموا لساره ع مدرسه جديدة واستقرت حياتهم لبعض الوقت وقدر يلاقي شغل كويس بعد ما فلوس الحديقه قربت تخلص لانه باعها عشان يقدوروا يعيشوا من فلوسها لحد ما يشوف شغل .....
فلاش باك ....
خالد بيقول لصاحبه شوفلي مشتري للحديقه عاوز ابيعها عشان تعبت ومش قادر ع اللي بيحصل دا وياريت ف أسرع وقت عشان هروح اعيش ف القاهره والحق أقدم لساره ع مدرسه قبل ما الترم يخلص والامتحانات تضيع عليها
احمد : حاضر بس فكر ي صاحبي الحديقه لو ضاعت مش هتلاقي زيها تاني بيع جزء منها وبعدين عشان لما ترجع تاني تلاقي حاجه من ريحتها موجودة
خالد : لا يا صاحبي مش ناوى ارجع هنا تاني المكان دا بنتي اتاذت فيه..
وبعد حوار طويل بينهم ..
خالد شوف المشتري ع ما اظبط دنيتي وارجعلك..
احمد حاضر هروح اسال كان ف حد سألني عن مزرعه قبل كده هاشوف وارد عليك
...وبعد مرور بعض الوقت
احمد خالد انا لقيت المشتري ياريت تجهز الورق بتاع الارض و تيجي
خالد مسافه السكه وهكون عندك
مصطفي: رايح فين ي خالد شايفك ليك كام يوم مش ع بعضك خير مش معني اننا مقاطعين بعض يبقي مسالش اخويا ف وقت شدته ماله وانا شايفك متخلبط ...
**مصطفي اخو خالد الوحيد ع ٣ بنات وطبعا كلهم مقاطعين خالد لانه يعتبر اغني منهم ودنيته حلوة بس الحلو ميكملش
مصطفي اكبر من خالد معاه اسرته مراته و٣ عيال ومع كده بيحقد ع خالد هو ومراته وبنته الوحيده ودايما كانت مراته بتسلطه ع خالد لحد مااتخانقوا وانفصلوا الأخوه عن بعض ...
________
خالد : افتكر الخلاف اللي بينهم وحن لكلام مصطفي ع انهم اخوات ومهما يحصل ملهمش الا بعض ...لكن مايعرفش ايه هي نوايا مصطفي والحاجات المستخبيه من ناحيته لخالد واسرته ...***
خالد مافيش بس جالي شغل ف القاهره وهنقل ع هناك انا وعيلتي استأذن انا عشان معايا مصالح هخلصها عن اذنك ي اخويا
مصطفي : باستغراب شغل ايه المفاجئ دا ..؟
شكلك مش ناوي تحكي ببساطه وضحك ضحكه كلها شررر..
_____
خالد: قابل صاحبه والمشتري وتمموا البيع
وودع صاحبه ومشي...
_____باك
خالد : بيتكلم مع مراته فاطمه عن مستقبل ساره وعن حياتهم الجايه وبيتمنوا انه كل دا يخلص ويعيشوا حياة طبيعيه زي باقي الخلق ...
ساره : ماما عاوزة انزل اجيب شنطه وكوتشي وحاجات للمدرسه
خالد ضحك وقالها هي ماما اللي ماسكه المصروف ولا ايه وبابا فين واخد اجازه من كل دا وحضنها وضحكوا كلهم ..
الكل قرروا يناموا ف نفس الاوضه لحد ما يظبطوا باقي الشقه ...
ناموا ف سعادة لأول مرة حسوا بأنهم رجعوا لايامهم الاولي السعيده ودعوا ربنا انه يديم السعادة دي عليهم .....
________
ياتري حياتهم هتفضل كده حلوة ولا هيحصل فيها اي جديد
يتبع...
بقلمي أسماء جمال
٢٠٢٠/٥/٩
أنت تقرأ
معشوقه الجن
Terrorقصه فتاه تدعي ساره عشقها الجن وأصبحت معشوقه له منذ صغر سنها فهل سيظل مسيطر عليها طيلة حياتها ام سوف تتحرر من قبضه ذلك العاشق اللعين ومن سوف يحررها من هذا الجن العاشق لتلك الصغيره وحيدة ابويها فجمالها اصبح لعنه لها
