معشوقه الجن

الفصل السادس عشر

سارة في المدرسه بتتكلم مع مازن ومنه عن اللي حصل معاها وعن البيبي اللي شافته وعن حركه الاكل اللي اتناقشت مع منه عنها ...

منه: سارة هو اكيد البيبي اللي شوفتيه ليه علاقه بالأكل يبقي اكيد ف حاجه غلط انا هكلم ماما واسالها واقولك ..

مازن : سارة انتي ومنه فككوا من الكلام دا وكلمي مامتك وشوفي باباكي رجع ولا لا وبعدها ندخل الحصة عشان نخلص بسرعه ونروح نشتري شيبسي النهاردة اليوم المتاح ليا اكل شيبسي فيه بس

سارة : ماما هو بابا رجع ولا لسه هو اتأخر ليه ومكلمنيش حتي ولا اي حاجه ..

فاطمه : هو جاي ف الطريق ياحبيبتي متقلقيش خلصي انتي المدرسه وتعالي عشان نروق الشقه...

سارة : حاضر هخلص مدرسه وهاجي ع طول

منه : طب يلا نروح الحصه بدأت..

مازن: هروح ازوغ واجيب الشيبسي انتوا عاوزين حاجه

منه : اه عاوزة شوكولاته وبيبسي

وساره: هات معاك شوكولاته بس ليا ..

منه : يلا ي ساره هندخل الحصه وبعدها هعرفك ع وحده صحبتي اتعرفت عليها من يومين..

مازن: راح يشتري الطلبات....وهو ف طريقه للكانتين شاف..ارنب شكله جميل جري وراه والارنب اختفي ومازن فضل يدور عليه وبعدها شاف الارنب بياكل ف جنينه المدرسه راح جمبه ولسه هيمسكه لقي رجله زى رجل المعزة ....مازن اتخض ايه ده ازاى ارنب بالشكل دا ...انا ايه جابني وراه ولسه بيفكر يهرب لقي راجل قدامه....

ساره: ي منه هو مازن اتأخر كده ليه المس هتعاقبه عشان تأخيره ده كان لازم يروح والحصة شغاله..

منه : تلاقيه اتلهي ف حاجه مانا عارفه مازن عنده حب استطلاع....بصي ي ساره تعالي اعرفك ع صحبتي الجديدة ولسه هتعرفهم ع بعض فون ساره رن
منه دى ي سارة صحبتي ميرنا...ودى ي ميرنا ساره ...

ميرنا : اهلا ساره عامله ايه...

سارة : قبل ماترد سمعت صوت حد بيصرخ جريت ع مصدر الصوت

ميرنا : هي مالها جريت ليه كده هي مش عاوزة تتعرف عليا ولا ايه....

منه : لا تلاقيها افتكرت حاجه معلش هعرفكم ع بعض ف وقت تاني

*********
بقلمي ......
*********
الغريب انه الصوت سمعته سارة بس حتي منه استغربت سارة جرت ليه ...

منه بتدور ع سارة ومازن ايه العيال المجانين دول والله الواحد احتار معاهم اما اشوفهم فين....

________
ف الجانب التاني ...

خالد لسه بيدور ع علاقه رانيا بالمدير وشاف ف وشه انها مراته وانهم كانوا متجوزين ع حب بس حصلت خيانه ما بينهم انه اتجوز عليها وكان السبب ف قتل رانيا ....!! قتل ..! يعني دى مقتوله...! نعم ازاى امال عاوزة حق ايه انا مش فاهم حاجه بس لحظه واستغرب ليه مانا عايش مع جن مش ناقصني غير وحده مقتوله كمان تظهرلي....
           طب ودى اجيبلها حقها ازاى ولا اوديه لمين ياربي ايه الورطه دى انا هاسيب الشغل احسن مش حمل مناهده كفايه بنتي...
ياربي ساعدني انا بجد مش حمل كل دا ولسه بيفكر هيعمل ايه يهرب من المكان دا ....
الباب مقفول وكمان الشبابيك متقفله كانه خد متعمد يقفلها كده ....