معشوقه الجن

الفصل العاشر

فاطمه دخلت ع سارة لقيتها مقطوع شريانها وبتنزف جامد بتكلم خالد وبتصوت بتقوله الحقنا يا خالد...

خالد : في ايه مالك حصل ايه ردى عليا والخط قطع نزل جري عشان ياخد تاكسي والجو هادئ مافيش اي عربيات ولا مواصلات شغاله بيبص ف الوقت لاقه ١٢بالليل واخر المواصلات ١٠...اعمل ايه دلوقتي ياربي اروح البيت ازاى وبيحاول يتصل ب فاطمه مبتردش..

وبعد لحظات
عدى تاكسي وخالد شاورله وقاله العنوان وبيرن ع فاطمه عشان يطمن بردوا مبتردش عليه ياربي ايه حصل معاهم ...استر ي رب

سواق التاكسي : خير ي بيه شكلك قلقان ف حاجه ولا ايه  ..

خالد : مافيش بس اتأخرت ع البيت

السواق: بابتسامه خبيثه متاكد انه مافيش حاجه...اقصد شكلك باين عليه انه ف مصيبه حاصله..متاخذنيش ي بيه ع تدخلي بس اهو نسلي بعض ف المشوار دا ...
طب
خالد: ابدا كنت بكلم مراتي ولقتها بتصوت ..

السواق : خير متقلقش واكيد دا تهديد مش حاجه يعني ...

خالد : نعم تهديد ايه دا

السواق : بيغير الموضوع وصلت ي بيه اتفضل
انزل..

خالد : تقصد ايه بكلامك دا ...

السواق: متشغلش بالك ي بيه واكيد هنتقابل كتير وتفهم مع السلامه

خالد: بحيره وقلق هو السواق دا شارب حاجه ولا ايه ولسه بيلف عشان يشوفه لاقه اختفي ..

السواق: بابتسامه شرر وكان واقف وخالد مشافهوش...!! اه مشافهوش لانه مافيش غيره الملعون اللي مدمر حياتهم .....
_______
خالد وصل البيت لقي فاطمه مغمي عليها واقعه ع الأرض وسارة بتعيط عليها وبتفوقها...
سارة ..!!! اه ساره مافيهاش حاجه ودا كان تخيل من فاطمه بس...!!!$
........

سارة: يابابا انا كنت ف الحمام وسمعت ماما بتصوت وبعدين خرجت لقتها مغمي عليها يمكن ليها ساعه ...

فاطمه: بتحاول تفوق مش عارفه وشايفه نفسها ف مكان زى الصحراء وفيها كلب بيجري وراها وبتصرخ عشان تنقذ سارة لانها شيفاها متعورة وبتنزف.....الكلب جرحها ف ايدها ..ف دم سارة وخالد مصدومين من اللي بيحصل دم ازاى وهي متحركتش ومافيش حاجه عورتها...

خالد: بدأ يكبر ف ودنها لكن الدم مش بيوقف...
فاطمه فوقي يلا مالك ايه اللي حصل ردى علينا ...

فاطمه: فاقت وحضنت خالد بخوف هو مش هيسيبنا ابدا يا خالد هو عاوز سارة وبتبص لقت سارة كويس حضنتها..

فلاش باك
انا دخلت الاوضه بشوف ساره لقتها متعورة وبتنزف وبعدها محستش باي حاجه....

خالد: انا لازم اكلم الشيخ تاني يشوفلنا حل ..

ساره : ايوة يابابا عشان ماما تعبانه اليومين دول دا حتي بتقول انه ملك صحبتي كانت معاها ف المطبخ وملك اصلا كانت معايا ف الاوضه...

ملك : كلمت سارة وبتسالها ايه دا اللي حصل عندكم انتي كويسه ي سارة اجيلك طيب....

الكل استغرب ازاى ملك عرفت ب اللي حصل وبتسال ومتاكده كمان من اللي كلامها انه ف حاجه حصلت ....

ملك : بتضحك بشرر ساره مش هتكون مع حد غيرنا وف عالمنا احنا وبس وبدأت تتحول..وبتظهر بهيئة بشعه وظهر معاها حد وبتقوله ساره قريب هتكون معانا بس عاوزة شغل عليها كتير لحد ما تكون معانا احنا....

ساره : بترن ع ملك وهي مش بترد ...
سابتلها رساله انه تكلمها ضروري عشان عاوزه تسالها ع حاجه...

فاطمه: طلبت من خالد يتوضا هو وساره عشان يصلوا وشغلوا قران ف البيت والوضع هدي الي حد ما ...

خالد: بيتكلم مع مديره وطلب منه اجازة لمده يومين عشان مراته تعبانه...
خالد " سافر البلد تاني عشان يقابل الشيخ ويحكي له اللي حصل انه لازم ينزل معاه عشان يحصنله الشقه ....

الشيخ: خالد انا مش قولتلك متضيعش السلاسل وتحافظ عليهم..
سافر انت دلوقتي وانا هكون عندك خلال يومين ان شاء الله بس عشان هاظبط كام حاجه للشغل...

خالد: سافر ورجع القاهره تاني وببطمن فاطمه انه الشيخ بعد يومين ..

ساره: بابا انا هروح المدرسه عاوزة المصروف ...نزلت مستنيه الباص بس استغربت ملك مش موجودة النهاردة ..
وصلت ساره المدرسه وبتدور ع ملك ومش موجودة ف اي مكان وسالت عنها محدش شافها..

مازن مستنيه ساره ف الفصل وجابلها وردة...

مازن : ساره مالك زعلانه ليه ...اتفضلي الهديه دي مني ...اضحكي يلا ...

ساره : مش لاقيه ملك ف اي مكان وانا عاوزاها ضروري ..

مازن : سارة اعتبريني صاحب ليكي ...واحكيلي اللي مضايقك...

سارة : حاضر بس مش دلوقتي خد رقمي اهو ونتكلم فون لما اروح اوك ..010********

مازن: اشطا هكلمك لما اروح ..

...المس دخلت الفصل والكل بيكتب وساره سرحانه ف ملك واختفاءها...
وبعد لحظات سارة شافت نفسها ف مكان كله زرع وخضرا وشافت ملك بتجري وسط الزرع بتنده ع سارة وبتقولها تعالي وحشتيني...وبعدها اختفت ..

ساره:  بتدور عليها وسط الزرع لقت حد شكله بشع خافت من المنظر وملحقتش تجري والشخص دا مسكها من ايدها معرفتش تهرب منه وبتعيط سيبني أرجوك...

الشخص: لا انتي لازم تيجي معايا مش عاوزة تشوفي ملك تعالي معايا يلا ...

سارة : بتصرخ...سبني أه ايدى لا أرجوك عاوزة ارجع البيت ...

مازن: ساره فوقي وبيحاول يفوقها ورش عليها ميه

سارة : فاقت وبتعيط وطلعت تجري ..

مازن: ساره ف ايه مالك شاف ايدها مكان صوابع متعلمه...

سارة : لسه بتحكي لمازن لقت حد ماسك سكين وهيضرب مازن صوتت وغمضت عينها ...

____
ياتري مازن حصله حاجه ولا دا تهديد لساره عشان متحكيش حاجه

يتبع ..

بقلمي أسماء جمال

٢٠٢٠/٥/١٩