سارة : فتحت لقت مازن فاقد الوعي حمدت ربنا انه محصلوش حاجه كبيره بسببها وقررت مش هتحكي حاجه لمازن ..فوقته وفضلت معاه لحد ما روحوا وهي ساكته ومنطقتش بكلمه ...
مازن : سارة مالك ساكته ليه انا قررت انزل معاكي عشان اعرف اتكلم وأسألك براحتي ومش هامشي الا لما اعرف مالك ف ايه ...
سارة : مازن معلش امشي وانا هاحكيلك ف يوم تاني عشان تعبانه ومش عارفه اتكلم وماما وبابا هيضايقوا لو اتأخرت عليهم ....
مازن : ماشي امشي بس اوعديني انك هتحكي كل حاجه لما تروقي وتبقي كويسه ...
سارة: مازن هحاول بس مش هقدر اوعدك بكده ويلا امشي عشان محدش يشوفك ويزعقلنا...
مازن : هامشي يا سارة بس انا مخاصمك وزعلان بجد منك ومعدتش اكلمك تاني ...
سارة : سابته ومشيت وبتقول ف نفسها احسن كده عشان ميضرش بسببي خليه بعيد انا خايفه اوي ياربي انا لسه صغيره ع كل دا بس الحمدلله ع كل حال..وطلعت البيت
فاطمه: سارة ياحبيبتي غيري هدومك وتعالي عشان تاكلي معانا ...
سارة: حاضر ياماما ودخلت اوضتها ولقت ورقه مكتوبه عليها انتي ملكي...!!
ساره صوتت وندهت ع مامتها بس الغريب انه صوتها مكانش واصل لحد عشان يساعدها وفجأة ظهرلها كائن شكله بشع بيزحف ع الارض زى التعبان وكل ماتبعد يقرب منها وتلاقيه كل ماتلف ف وشها ساره غمضت عينها وحطت ايدها ع وشها ابعد عني عاوز مني ايه...انا مش هروح ف مكان انا عاوزة اهلي وبس ....! كلامها زى مايكون صاعقه نزلت ع ودان الكائن دا وشاط من الغضب وضربها ع دماغها وفاقت وهي تحت الأرض ف عالمهم اشكال مرعبه ومخيفه واخدين شكل بشر بس بهيئة بشعه جدا الجسم جسم انسان بس الشكل عباره عن عين وحده وفم فتحه انف متلصقه بالفم ودان زى الارنب صوابع طويله عندهم حوافر وليهم ديل...وأشكال تانيه كتير .....
ساره : شافت ملك لابسه تاج وقاعده ع عرش صغير اتفزعت من المنظر اللي كانت فيه ملك
وانها ازاى جزء من العالم التاني وهي ف الأساس صاحبتها ولا محتله دور الصداقه ...
ملك : سارة كنت متاكده انك هتيجي هنا وهتوصلي لحد عندنا اهلا بيكي ف المملكه اللي بيحكمها الجن وبس معلش ي ساره ي حبيبتي انا كدبت عليكي كتير بس كل دا عشان تبقي معايا انا بحبك ي سارة وضحكت بشررر...
سارة : حاطه اديها ع ودانها وبتعيط ضحكهم مرعب وصوت يفزع كل من يسمعه ف مال بال الطفله البريئة دى ....
الجن : قرب من سارة وراح عند ودانها دا هيكون مكانك ومملكتك اللي هتكوني ملكه فيها قريب اووى ....
سارة : اغمي عليها وفاقت ع صوت امها اللي بتفوقها وبتعيط ع غياب ساره عن الوعي لمده طويله حوالي ساعتين او اكتر ....
فاطمه: خضتيني عليكي ياروحي مالك ف ايه كل دا تخوفيني عليكي ياساره ...وتوقعي قلبي
ساره: من الرعب والخوف مش قادرة تتكلم بتعيط وبتترعش وبس ...
فاطمه مالك ي حبيبتي فيكي ايه وقامت مشغله قران يمكن تهدا شويه
بس الغريب انه سارة فضلت تصوت من شدة القرآن وتأثيره عليها ....
فاطمه: سارة فيكي ايه وبتبص لقت تعويذة خاصه بعالم الجن ....
فاطمه يالهوي ايه ده جبتي الحاجه دى منين ردى يا بنتي عليا ريحي قلبي اللي يخليكي...
سارة : هو جه ياماما وخدني معاه ووراني العرش وقالي دا هيكون عالمك....
فاطمه : حاولت تحرق التعويذة بس مش بتتحرق بالعكس كل مرة ترجع اقوي من الاول وتأثيرها اقوي...
الشيخ : الووو مادام فاطمه انا عرفت اللي حصل عندك احرقيها بنار ورشي عليها مية مقرؤ عليها ايه الكرسي وبعض الايات .**********وقفل
فاطمه: الحمدلله الشيخ اتصل ف الوقت المناسب وقامت تنفذ اللي قاله لقت الملعون ف وشها وبيحاول يمنعها بس هي اتغلبت عليه
مازن : بيرن كتير ع سارة وعاوز يكلمها ويعرف ف ايه ردى بقي يا سارة لو مش رديتي مش هكلمك تاني ....
سارة : ردت ع مازن خير يا مازن ف ايه انا تعبانه قولتلك هخف واكلمك وقفلت من غير ما تسمع الرد ...
فاطمه: عملت اللي قالها عليه الشيخ وحرقت التعويذة واتخلصت منها وهدى الوضع لحد ما
سارة : بعد يوم متعب ليها صلت وقدرت ف النهايه تنام ومازال الخوف بيراودها...
خالد : فاطمه جهزى الاكل انا جعان ..
فاطمه : حاضر يا ابو سارة...ف نفسها انا مش هحكي حاجه ليها دلوقتي لحد ما ياكل وبعدها نتكلم عشان ميقلقش...
جهزت الاكل بالفعل وكلوا وبدأت تحكيله عن اللي حصل
قالها داومي ع تشغيل القرآن وخصوصا سورة البقرة بتطرد الجن والشياطين ....
فاطمه ي خالد مانت عارف انك مش ببطل تشغيل قران بس الحكايه وما فيها انا مش عارفه ازاى التليفزيون بيقفل لوحده وكمان الموبيل الاقيه فصل لوحده....
خالد: خير ربنا يعدلها ويرحمنا ....هنستني الشيخ يجي ونشوف حل ف كل ده. ربنا يجعله سبب يخرجنا من اللي احنا فيه ...
__________
صوت خبط كتير و حاجات بتتكسر وحد غضبان من اللي سمعه ..عن رجوع الشيخ مرة تانيه لطريقه وقرر يفاجئهم ..
خالد دخل ينام لاقي فاطمه نايمه استغرب ازاى نامت بسرعه كده ...
فاطمه : هنام مع سارة الليله دى عشان متخافش لوحدها ..
خالد: مالك يا ام ساره نمتي بدرى ليه ولسه بيلف وشها لعنده شاااف...!!!!
_____________
ايه اللي شافه خالد وايه هتكون ردة فعله ع اللي شافه ومصير سارة هيكون ايه....
ومصير مازن اللي اتورط ف حاجه ملهوش ذنب فيها....
ملك هترجع لحياة سارة ولا لا ...
سارة هتكون فاكره مقابله ملك ولا هتعتبرها مجرد تخيل وحلم....
يتبع....
بقلمي أسماء جمال
٢٠٢٠/٥/٢٠
أنت تقرأ
معشوقه الجن
Horrorقصه فتاه تدعي ساره عشقها الجن وأصبحت معشوقه له منذ صغر سنها فهل سيظل مسيطر عليها طيلة حياتها ام سوف تتحرر من قبضه ذلك العاشق اللعين ومن سوف يحررها من هذا الجن العاشق لتلك الصغيره وحيدة ابويها فجمالها اصبح لعنه لها
