ضجيج الموتىٰ (زهـرة).

"الجزء الرابع "

..
التفتت يمنه يسره وچان اشوف خيال بنيه تصيح زهره اني رشا تعالي بسرعه..
رحت يمها ركض وگتله بخوف وصوت مسموع
- وين رحتي
خلت ايدها على حلگي وسحبتني لمكان ابعد والعرگ يصب من وجهه وتباوع لكل الاتجاهات.. جاوبتني بصوت ناصي..
- راح امشي وتعالي وراي بدون حچي لا ينتبهون علينا..
-منو همه؟

- ذوله شلة العفطية الي ركضوا ورانا اكو غيرهم..
- بعدهم هنا

- اي قريبين هم لا تحچين بصوت عالي وامشي وراي لتعبيني..

...
صعدنا لدرج بنهاية الفرع الي احنه بيه ببيت صغير كلش ما يكفي ٤ نفرات..
فتحت الباب مره يطلع عمرها بالعشرينات هيچ شي ابتسمت وگالت انتي رشا؟
گتلها لا هاي صديقتي رشا اني اجيت وياها اسمي زهره..
باوعت لرشا بإستغراب وگالت..
- تعرف بالسالفة وليش اجيتي مو؟
- اكيد ست نرمين تعرف تعرف
- شكو جايه وياچ لعد
- حتى اطلع عذر يم اهلي واطلع وهمين حتى اسولف وياها بموضوع طويل ماگدر اختصره بالموبايل
- ها تمام لعد طبو

طبيت للبيت صغير كلش واستحي احچي..
بعد لحظة صمت چان تگول الدكتورة لرشا..

- تعرفين شگد تكاليف العملية؟

- ماعرف بالتحديد شگد بس اكيد هواي..
- 1500$ دولار بنيتي..

- شدعوه؟؟ خيير ما اتفقنا هيچ تره!

- احنه ما اتفقنا اصلًا حددنا موعد ودا اتفاهم وياچ! وانتي گلتي شلون ما چان المبلغ ادفعه بس خلصيني..

- نرمين ميصير تستغلين ظرف الناس وقلت حيلتهم هيچ!

- ما مستغلة احد بنيتي انتي عندچ طفل وغير قانوني وتردين إجهاض فوگاها لو ولادة سهلة يعني لازم بشهادة الابو ع الاقل وفوگاها عمرچ ١٧ سنة يعني مو بالسن القانوني دتفتهمين الخطر عليه شلون؟ لو غيري ما تسويها اصلًا لان هالسالفة وراها مشاكل اذا ميعجبچ تفضلي طلعي بره هواي ورايه شغل..

- لا يمعوده وين اروح غير انفضح فضيحة اصبريلي كم يوم واجيبلچ المبلغ..
.....
اني كل هالحچي وصافنة عليهن ادري رشا شورطچ هالورطة والقرآن هسه بس يعرف بسالفتهه ينهزم وتضل هي تواجه مصيرها وحدها.. طلعت رشا حايره ووجهه اصفر باوعتلهه و گتلهه..
- زين الف وخمسميت دولار شگد تصير بالعراقي؟

- مابيه حيل احسب تقريبًا مليونين ونص هيچ شي ما متأكدة من المعلومة..
سكتت شويه بعدين گالت.. اگلچ زهره ما تگدرين تساعديني حتى لو بس بـ ٥٠٠ دولار والباقي اني ادبرهن..

- صدگ تحچين انتي اني لو عندي هالمبلغ اضل يمچ ومگابلتچ شجاچ انتي خلي أسامة يدبرهن..

- گتله ع الموضوع وضل يتهرب الچلب

- حشا الچلب هواي حذرتچ منه ملطلط هواي ومبين يدور سوالف مكسره وانتي عبالك معميه ما تشوفين عيوبه