ضجيج الموتىٰ (زهـرة).

"الجزء الخامس"

رائد..
رجعت للبيت تعبان وراسي دايخ اول ما فتحت الباب لگيت بقع دم بكل مكان والله يا بويه مشاكلكم ما تخلص افوت جوه صحت محمد وينك لگيته گاعد ع اللابتوب بغرفته
- محمد شنو هذا الدم؟
- شنو يادم
- بالصالة شبيك
- هااا رجعتها من المستشفى وبعدين ضلت تنزف ورجعته
- وليش طلعتها اصلًا؟
- هي رادت..
- ابويه وين؟
- بالتحقيق
- شنو يا تحقيق محمد شوكت هاي
- شبيك مو اخذتها للمستشفى هناك سألوها واخذوا اجوبتها منو مسوي هيچ بيچ وهي حچت كل الحچي يعني ابويه راح يروح بيها
- لا يالله هالمصيبة منين طلعت صفح
- دنچب يستاهل اصلًا ولا انقهرت عليه دروح شوفها ميتة البنية ما باقي بيها نفس حرفيًا ميتة ضاله تنزف وبقت يم الله بعد

- شوف هذا يدافع عنها ترا لا امك هي ولا بحالك لك گحبة هاي

- رائد شويه خلي يصير عندك ضمير ترا ابويه واعرفه تزوجها حتى ينام وياها بس ويدري بيها شنو بس نفسيته خره هواي اكو طرق يگدر يحاسبها من خلالها غير هالاسلوب الوحشي!
المهم هذا مو موضوعنا اني راح الم فلوسي واخذ حبيبتي واروح ازوج بالامارات.

- محمد صدگ تحچي انته؟ من خره عليك لكك يا زواج واحنه بهالحال اني وين اروح ابويه وين يروح ؟

- كمل دراستك ومعليك بيه وابويه اكيد راح ينذب سجن، بالأخص والمره ببطنها طفل مابيه شهر ونص

- كملت السبحة بعد عندك مصيبة منا منا

- هههه لا هذا هو اذا تريد تجي وياي للامارات عادي بس هالسنة تروح عليك لأن امتحانات وشي ثاني لازم عندك فلوس..
.......
عفته ومشيت لغرفتي لعبت روحي من هالوضع وماعرف شسوي حيرة كلش..ردت اخابر زهره بس اخاف ازعجها عفت الموبايل ورحت نمت..
..............

زهرة..
گعدت يم امي انتظرها تحچي.. شبيچ يمه!

- يمه يمكن مراح تگدرين تكملين امتحاناتچ ويمكن اي ماعرف.. راح نرجع للعراق هالسنة

- اكيد تشاقين شعندچ راجعة!

- زهره هواي حچي ما تعرفين بي انتي وما لازم نبقى اكثر خالچ گام يتعاجز من دفع الإيجار ماعندي المصاريف الكافية لدراستكم وابسط الشغلات ماگدر اشتريلكم العيشة هنا صعبة وامي رجعت من إيران لناصرية وهذا السبب الأهم..

- اي ويعني نفرض رجعنا للعراق شلون راح ادبريها وين نروح؟

- دنطيني مجال خلي اكمل.. امي باعت شقتها وكل ممتلكاتها الي بإيران ورجعت هي وخالچ الصغير لناصرية وخابرتني اليوم تتوسل وتبچي تريدني اجيها لأن اشترت بيت هناك وراح تبقى وحدها لأن خالچ راح يتزوج وخواتي كلهن متزوجات وتبقى وحدها..

- يمه ماعرف شگلچ  والله تعودت هنا بيتنا اصدقائي صديقاتي ماعرف شلون راح اگدر اتأقلم من نرجع

-تتأقلمين عادي ما صارلچ هواي هنا هنه كلهن ٣ سنوات

- اي بس تعودت