ضجيج الموتىٰ (زهـرة).

" الجزء السادس "

"هذا البارت راح اختصر بي هواي من الأحداث الي مالها داعي حتى نعبر للمرحلة الأهم والي من أجلها انكتبت الرواية "
زهره..
دگ موبايلي واني داحچي ويه رائد.. رشا تتصل.. عفته وگمت اريد اشوفها شتريد..
- ها خير
- زهره لحگيني فدوه لچ اهلي راح يعرفون اليوم طلبت من امي المبلغ وشكت بالموضوع لأن مبين عليه متوترة وماعرفت شلون الزگها
- واني شعليه
- شگد حقيره
- ما اوصل لحقارتچ..
سديت التلفون بوجهه ورجعت گعدت يم رائد سئلني شبيچ ما جاوبت وگبل گمت امتحنت وطلعت مالي خلگ احچي ويه احد اتهرب من الناس بس اريد ارجع للبيت..
........
بعد ٤ ايام.
....
- لچچ مريممم
- شكو شكو
- خلصت امتحانات لچ خلصنا بعد ما أقره يالله الگاع ما تشيلني من الفرحة
- عبالي فدشي حقچ والله الامتحانات لعبان نفس اني هالسنة هواي سختت وتركتها..
- شسالفتچ هسه يالله قررتي تتركيها!
- لا من زمان اساسًا اني ما چنت اروح لجامعة بس اطلع اتونس اما ويه صديقتي او حبيبي
- حبيبچ منو؟
- ليو متعرفي
- نوب منين طلعنا هذا ليو
- حبيبي من زمان بس اني ما گايلتلچ واخاف من رد فعل امي، ضايجة لأن راح نرجع للعراق شلون اتواصل وياه بعد
- وليش ما يجي يخطبچ
- مادري يگول بعد وكت مو مال زواج هسه
- هذا ديتونس وياچ
- نچبي ماكو هيچ شي يحبني صدگ
- زربه عليكم شعليه، وين أمي
- بالمطبخ جاي تسوي الغده
- نعسانه راح انام من يصير الغده گعديني..
- ماشي
......
بعد ٥ ساعات
- زهره گومي تغدينا وخلصنا تره بس امي ما قبلت اگعدچ تگول خطيه عوفيها..
- الله ياخذچ مو گتلچ گعديني عود گلت اطلع اشتري ملابس اتحظر للرجعة
- دگومي بقينا الچ اكل ع الطباخ
....
اول ما فتحت عيوني لزمت الموبايل لگيت ٥ مكالمات فائتة من رائد مالي خلگه رحت اكل وفتحت تلفزيون داشوف فلم.. رجع دگ الموبايل طفيته .. وراها اجت امي گلتلي حظري غراضچ شكو شي تحتاجي اليوم راح نطلع بليل نشتري لأن يومين ونطلع حجزت طيارة
- يمه منين جبتي الفلوس؟
- شعليچ انتي تداينت.
- زين ليش هيچ مستعجلين يربي
- ما مستعجلين بالعكس حاولت انتظرچ تخلصين امتحانات انتي ومريم
- يمه تدرين مريم تركت السنة گالتلچ ما متحنت؟
- لا ما گالتلي شوكت هالحچي؟!
مريممم مريممم
- ها يمه خير شكو شبيچ تصيحين
- صدگ كلام زهره ما امتحنتي؟
- هاي الزربه حچت مو مال واحد يأمنها على شي.. يمه والله هالسنة تعبانه حيل حتى إذا امتحن ما أنجح فگلت أعوفها ع السنة الجايه
- صدگ تحچين؟ ضيعتي سنة من عمرچ هدر! الله يطيح حظچ وحظي لأن اجيت لهنا وخاطرت بحياتي حتى اوفرلكم دراسة بيها حظ
- يمه لا تضوجين والله السنة الجايه اطلع امتياز لعيونچ
- دمشي دمشي والله قهرتيني متستاهلين التعب بس اني الچ
- آسفة
- امشي حظري روحچ اليوم بليل نطلع اشتريلكم الي تحتاجوا
- شوكت راح نرجع؟
- بعد يومين..

......
زهره..
اباوعلهم واكل خطيه مريم وجهه صار اصفر گمت لغرفتي فتحت الموبايل رجع رائد اتصل هذا شيريد..
طلعت بره حتى اگدر اجاوبه
- الو ها رائد خير
- زهره شوكت ترجعون للعراق
- خلال يومين
- اني حجزت وراكم بثلاثة ايام
- رائد.. اني ملزمة اروح ويه اهلي انته شكو عليك روح للامارات ادوس عيش شوف حياتك المن راجع للعراق
- لا هو اني ردت ارجع من زمان وانتي صرتي حجة مشتاق لأمي كلش، اختي هناك وجهالها..
- براحتك اذا هذا الي تريده
- وها بس ارجع للعراق اجي اخطبچ ركض
-رااائد
-عيونه
-ماريد تجي تخطبني ولا اريد اتزوج
ليش زهره شبيچ
- رائد اكره الزواج والعلاقات لا تلح عليه ولا تتصل بعد فدوه بيباي..
وسديته منه؛ كلش اشمئز من فكرة الحب واحسه چذب وسوالف مراهقين لا ونوب زواج واني بهالعمر.. لو اموت ما ازوج..
......
طبيت للبيت گلت لأمي ها شوكت نطلع گالت فدشويه رحت اگلب بالفيس صار عندي فضول اشوف العراق فجأة اشتاقيتله، هيچ لهفة اشوفه بعد هالسنين بيتنا شلون صاير اهل المنطقة گرايبنا ابوي الي تركنا وين صار، گعدت اگلب ببيجات وصفحات عراقية تحمست شوكت نرجع للعراق بعدين اذكرت راح اعوف هذا المكان للأبد اصدقائي الي تعودت عليهم هنا بعد ماشوف أمريكا مدري شصار بيه اختلطت مشاعري بين الحنين للوطن وبين المكان الي تعودت عليه.. غفيت واني على هالحال..
......
بعد يومين تقريبًا الساعة ٥:٣٢ م