ترويض اللبؤة😈(گآااامله)

الجزء5

-وصلت عشق الى مدرسة لؤي وعندما دخلت وجدته ينتظرها مع سيلا.
-عشق ببتسامه:ازيك ياكلب البحر عامله ايه!
-سيلا وهي تضم عشق:كويسه وانتي؟
-عشق:الحمد لله..ثم استدارت الى لؤي وضمته بحب:لولو ازيك ياحبيبي اسفة عشان تأخرت عليك ياقلبي
-لؤي بعناد:لا مث هثامحك ابدا.
-عشق بمكر:ماشي وانا اللي قلت هوديك ع الملاهي النهاردة بس للاسف مينفعش عشان انت زعلان.
-لؤي بفرحة:لا مين ده اللي زعلان ياقمل انتي.
-عشق بضحكة رنانة:ماشي يابكاش.
-سيلا مقاطعة:اومال فين الهبلة لمار.
-لؤي بقرف:اعوز بالله ليه بتثألي عليها دي مثتفزة اوي.
-ضحكت عشق وسيلا عليه بشدة فهو دائما يتشاجر مع لمار.
-عشق لسيلا:هي النهاردة اجازة .
-سيلا بابتسامه:طيب ماشي،انا بستأذن عشان اروح.
-عشق بسرعة:لا انتي هتيجي معانا ع الملاهي.
-سيلا:لا ياعشق والله تعبانه.
-عشق باصرار:لا والله مايحصل انتي هتروحي معانا.
-لؤي:ايوه يا ثيلا هتلوحي يعني هتلوحي.
-سيلا بحب:ماشي ياقلب سيلا هروح عشان خاطر القمر هو انا عندي كام لؤي😊
-بافعل ركبو سيارة اجرة واتجهو الى الملاهي.....

_بعد قضاء يوم جميل جدا في الملاهي مع لؤي وعشق وسيلا عاد الكل الى بيته فرحا مسرورا...
--عند رعد:
-ذهب رعد الى فيلته وغير ملابسه ثم عاد الى المستشفى ثانية وصورة عشق لم تغادر عقله حتى نام على الكنبة.
_____في اليوم التالي::
-استيقظت بطلتنا الفاتنة على صوت رنين هاتفها وردت دون النظر للمتصل.
-عشق بنوم:الو!
-لمار بصراخ:انتييي لسه ناااايمه ياهانم؟؟؟المدير قالب المستشفى.
-عشق بنزعاج:بااااس ايه ماسورة وانفتحت خلاص قومت اهو ..هفففف مش عارفة مين عينك المنبه تبعي.
-لمار بتوعد:يبقى لما اختي حبيبتي تتأخر وانا خايفه عليها ومش عايزاها تخسر شغلها بقيت منبه ماشي ياعشق والله هوريكي.
-وسكرت الهاتف بوجه عشق.
-عشق بصدمه وهي تنظر لهاتفها:دي كنسلت فوشي!ياخبر والله هوريكي يا لمار الكلب.
-واسرعت لايقاظ لؤي واخذت شاور سريع ثم ارتدت👇

ثم البست لؤي ملابسه وفطرا سويا،بعدها اوصلت لؤي الى مدرسته واسرعت الى عملها وهي تتمنى ان تنجو من محاضرة المدير الصباحية.
--وصلت الى المستشفى وعندما دخلت لمكتبها وجدت لمار تنتظرها.
-عشق بابتسامة بلهاء:صباح الخير يالمار.
-لمار بحنق:منين الخير ياختي وانتي متأخرة ساعتين وانا تهزقت بسببك مرتين كمان.
-عشق ببلاهة:و دي حاجه جديده يعني!⁦☺️⁩
-لمار بغباء:لا ....ثم تداركت نفسها وقالت:انتي بتشتغليني يابت!طب والله ماهسيبك النهارده.
-وركضت خلف عشق التي فرت من مكتبها واتجهت الى حديقة المستشفى وهي تضحك بشدة....في نفس الوقت كان رعد برفقة ايهاب جالسان على احد المقاعد في الحديقة وهما يراجعان اوراق صفقة ما.لكن قاطع خلوتهما صوت ضجيج وضحك عال فستدارا ليريا الدكتورة التي تعالج ايهاب تركض بسرعة وهي تضحك ووراءها فتاة اخرى .
-عشق للمار بضحك:خلاص يالولو  حرمت مش هتأخر تاني.
-لمار وهي تركض وراءها:والله ماهسيبك ياجزمه ده غسلي وشي ببصاقو(المدير😂)بسببك وانتي بتتسرمحي.
-عشق:ههههههههههههههههههه تستاهلي عشان تحرمي تتصلي وتصحيني.
-لمار بصدمه:ايه ولسه ليكي عين تتكلمي طب تعالي هنا..وامسكتها من حجابها .
-عشق بترجي:لولو الهي يجيك عتريس وتتجوزو وتخلفو دسة و....
-قاطعتها لمار:بااااس انتي هتشحتي!..وقبل ان ترد عشق كانت لمار قد قبضت على عنقها وانقضت عليها لتغرس اسنانها في خد عشق.
-عشق بتألم:ااااااه اوعي كده.
-لمار بضحك:ههههههه علمت عليكي.
-عشق وهي تفرك خدها وقد احمرت وجنتيها بشده:وسعي كده انا مخاصماكي.
-لمار بحب:خلاص ياحبيبتي قلبك ابيض بقا.
-عشق بخبث:لأ وحياتك احمر..ثم جذبت لمار من شعرها ولمار تصرخ بشدة..اما المصدومان(رعد و ايهاب) اللذان كانا مذهولان من تصرفات هاتين الفتاتين المشاغبتين ولايعرفان ماذا يفعلان لفك الشجار..واخيرا تقدم رعد نحو عشق ورفعها من خصرها لتبتعد عن لمار وايهاب امسك معصم لمار وابعدها عن عشق.
-عشق بصراخ:ابعد كده والله ماهسيبك يالمار ياجزمه بتعضيني يابنت العضاضه.
-لمار بحده وهي تقاوم ايهاب للوصول الى عشق ولم تنتبه انها تضرب جرحه بذراعها:انا جزمه ياكلب البحر انتي يابنت****.
-قاطعهم رعد بصوت جهوري:بااااااااس انتي وهي اخرسو.
-سكتت كل من عشق ولمار وانتبهتا اخيرا على وضعهما وسرعان ماابتعدتا عن رعد وايهاب.
-عشق بخجل:احنا اسفين،بس دي خلافات عادية .
-رعد بسخرية:لاوالله دي خلافات عادية!!تصدقي مكنتش عارف.
-لمار بحده:وانت مالك يااخينا!يلا اتفضل طرقنا.
-ايهاب بغضب:الحق علينا قولنا ننهي المهزله دي!طب بذمتك في دكتورة محترمه تفترس صاحبتها.
-عشق بضحك للمار:هههههههه لولو ده بيقول عليكي مفترسه بس تصدقي معاه حق.
-لمار بغضب:اسكتي انتي،وانت ملكش دعوة بينا.
-عشق بهدوء مزيف:خلاص يااستاذ ايهاب لوسمحت اتفضل ع اوضتك عشان ترتاح وانتي يالولو ورايا ع المكتب.
-بالفعل انصرفت عشق ووراءها لمار دون ان ينتظرا ردا من رعد و ايهاب اللذان كانا مندهشان من هاتين المجنونتان.
-ايهاب بسخرية:ايه العالم دي!اعوذ بالله اللهم عافنا بما ابتليت به الكثير .
-رعد ببرود:يلا يا ايهاب ع اوضتك انت لسه تعبان وكمان ده وقت علاجك.
-ايهاب بعصبية:رعد اتصرف انا عاوز اطلع من هنا .
-رعد ببرود:لما تشفا هتطلع عطول.
-ايهاب بسخرية:انا قدامك زي القرد اهو.
-رعد باستفزاز:تؤتؤ انت مسمعتش كلام الدكتورة قالت 4ايام ها الربعة!
-ايهاب بحنق:يوووووووووه ماشي يارعد ماشي.
-وغادر ذهب الى غرفته وبعد قليل تبعه رعد وهما يفكران بالمجنونتان اللتان شغلتا تفكيرهما.

___عند عشق:
-كانت عشق تمشي في مكتبها ذهابا وايابا وكانت لمار تنظر اليها ببلاهة.
-عشق بعصبية:شفتي يالمار شفتي لما مسكني قليل الادب الصايع ابن الستين والسبعين ابن رباط الجزمة القديمه....
-قاطعتها لمار بدهشه:بااااس  يخربيتك ايه كل ده شتايم،بعدين هو مكنش قاصد يعمل كده خلاص عديها بقى.
-عشق باصرار:لأاكيد هو ماصدق والفرصه اجت ع طبق من دهب واستغفلني عشان يلمسني بس والله العظيم هوريه مين تبقى عشق الشرقاوي.
-لمار برجاء:عشق ابوس ايدك عديها عشان خاطري.
-عشق بزهق:خلاص يالمار فضينا من السيرة دي عشان بتخنقني بس لوشفتو مرة تانية مش هتردد واقتلو فورا.
-لمار بفرحه:خلاص مش هتشوفيه ابدا وكلها تلات ايام ويخلع هو والقرد اللي معاه.
-عشق:ربنا يصبرني الايام دي..ثم تذكرت شيئا ما.:لمار مش قولتيلي هبعتلك ملف المريض اللي فالأوضة504؟؟
-لمار:ايوه بس نسيت.بس طلعتي جامده اوي ده طلع عيننا ومش راضي ياكل ولاياخد العلاج.
-عشق باستغراب:طب حكايتو ايه؟؟؟
-لمار:ولاحكاية ولارواية هو عمل حادث وكانت حالتو حرجة واللي وصلو ع المستشفى اختفى حاولنا نعرف معلومات بتخصو عشان نقول لاهلو انه عمل حادث بس ملقيناش حاجه ولما فاق متكلمش مع حد كأنو مستسلم للألم والموت ومش فارقة معاه عشان كده الدوك هادي استسلم من حالتو  واداني ملفو ووافقت اتابعو بنفسي  ولكن للاسف انا كمان فشلت فضلت يومين بتحايل عليه بكل الطرق انه ياكل او يتكلم او حتى يبصلي بس مفيش فايده.
-عشق بحيرة:طب مين دفع حساب المشفى!!!
-لمار:لقينا فلوس فجيب البنطلون تبعو ودفعنا منها.
-عشق:اها ...طيب بصي انا هطلب منك طلب وبليييز وافقي عليه.
-لمار باستغراب:ايه؟؟؟
-عشق:انا هكون مسأولة عن حالة المريض المجهول ده وانتي عن حالة الاستاذ ايهاب.!!
-لمار باستغراب اكبر:ليه كل ده؟؟؟وانتي تقدري تعالجيهم بنفس الوقت.
-عشق بثقة:انا عاوزة اتفرغ للمريض ده وأنا مرتاحة ومش هسيبو لحد مااعرف مالو.
-لمار:طيب موافقة،بس المدير هيوافق؟؟
-عشق بثقة:اصلا هو ملوش دعوة دي حرية شخصية لو مش عايزة تعالجي مريضك وفي حد اكفأ منك يبقى القرار قرارك انتي .
-لمار:اوكي يلا ع الشغل وانا هروح لاوضة الاستاذ. ايهاب واكشف عليه!!
-عشق بثبات:ماشي

                #العقرب🦂