ترويض اللبؤة😈(گآااامله)

الجزء17

_ذهبت عشق ولؤي إلى فيلا اللواء محمد وأخذا صفاء معهما إلى المول.
#في المول-------
-في أحد المحلات لبيع أحذية وملابس للأطفال،تدخل عشق وصفاء ولؤي.
-صفاء:انتي ناوية تجيبي ايه؟؟
-عشق وهي تتأمل المكان حولها:أنا عايزة أجيب حاجه للؤي بس تكون spicial.
-صفاء:طب تعالي نشوف.
-عشق للؤي:لولو انت عاجبك حاجه ياقلبي!!.
-لؤي بامتعاض:لا مث عاجبني حاجه..
-عشق بتفاؤل:طب تعال ندور يمكن تعجبك حاجه.
-بحثت عشق بعيناها حتى استقرت على بنطلون بني وتيتشرت بني و سترة سوداء وحذاء اسود.
-عشق باعجاب:بص يالؤي ده (وهي تشير على تلك الملابس التي عجبتها)حلو اوي وهيطلع جامد عليك.
-لؤي بعدم رضى:لأ مث عاجبني.
-عشق بدهشه:مش عاجبك!!!بس انت بتحب ذوقي اوي فالبس وانا اللي بنقيلك هدومك.
-لؤي بضيق وهي ينظر لصاحب المحل الذي كان متنح عندما رأى عشق(عرفتو سبب عصبية لؤي ههه):والله ياماما انتي زوقك حلو بث مث عاجبني حاجه هنا.
-عشق بهدوء:ماشي ياقلبي هنروح لمحل غير ده.
-قاطعها صاحب المحل:ليه يافندم مش عاجباكي حاجه هنا ولا ايه.
-لؤي بضيق:لأ مث عاجبانا حاجه واحنا هنلوح لمحل تاني.
-عشق ببرود:زي ماسمعت ياأستاذ عن إذنك.
-وخرجت عشق و لؤي ولحقت بهما صفاء بعد قليل.
-بعد خروجهم من المحل قال لؤي بطفولة:ماما انا عاوز ايث كليم(ايس كريم).
-صفاء بحنان:عشق انتي استنينا هنا،اما أروح اجيب للعسل ده ايس كريم .
-اومأت لها عشق بالايجاب وقالت للؤي وهي تنظر له بصرامه:لؤي روح مع طنط صفاء.
-لؤي بتذمر:بث...
-رمقته عشق بحده فذهب مع صفاء على مضض...فهي تريد لؤي ان يتقرب من صفاء ويتعود عليها....كانت عشق تقف  لانتظارهما وبمجرد ذهاب صفاء ولؤي سمعت عشق صوت صياح امرأة.
-المرأة:إيه ياأستاذ أنت ماتحترم نفسك.
-الرجل:في إيه أنا عملتلك حاجه!!
-زوجه الرجل:في ايه هو معملش حاجه عشان تعملي كده،احترمي نفسك.
-المرأة:إحترم نفسي!؟بقى غلطانين وبتبجحوا.وأمسكت المرأة بزوجة الرجل وتعاركا وفي تلك الأثناء شق المول صوت صرخة كانت أعلى صوتا وأعمق ألما من صوت عراك المرأتين.
-هدى وهي تصرخ: إبني ياناس إبني ياناس إلحقوني....ثم إنهارت على الأرض،أسرعت عشق إليهاوبمجرد ذهاب عشق الى المرأة -كانت صفاء ولؤي قد وصلا بعدما اشتريا الايس كريم
-صفاء : عشق .... استنى . وهرولت صفاء الى عشق وهي تمسك بلؤي حيث كانت بجوار المرأة المنهاره .
-عشق بتساول : ايه اللى حصل؟؟
-شخص ما : ابنها مش لاقيه شكله اتخطف.
-عشق بقلق : استدعوا الامن بسرعه و حد يطلب الاسعاف.
-اقبل عسكري الأمن..
-وجهت عشق حديثها الى العسكرى : اقفلى كل المخارج والمداخل بتاعه المول وروح غرفه المراقبه بسرعه وهاتلى كل التسجيلات .
-العسكري ببرود : ممنوع حضرتك مين عشان انفذ اوامرك .
-عشق والغضب قد تملك منها : انت بنى ادم غبى وغير متحمل للمسئوليه ثم هتفت بصياح: .. الحق اقفل ابواب المول قبل ما حد يخرج منه بالولد.
- العسكري : وكمان بتطولى لسانك دا انتى حرمه ناقصه ربايه صحيح.
-عشق وقد نهضت وامسكت بياقه بدلته الميرى : الزم حدودك وانت بتتكلم معايا انا الرائد عشق الشرقاوي يا معدوم الانسانيه .. ثم دفعته بعيدا فوقف العسكري يتصبب عرقا
-عشق بغضب جم : بيتهيألى ممكن دلوقتى تقفل ابواب المول وتجبلى تسجيلات المراقبه.. و صاحت قائله: اتحرك بسرعه
العسكري وهو يلقى التحيه : تمام يافندم .
-ثم إستدارت عشق الى صفاء وقالت.
-عشق بهدوء مصطنع:طنط صفاء انتي روحي مع لؤي عشان المكان مش امن.
-صفاء بقلق:انا مش هسيبك هنا.
-عشق  بجديه:انا مش طفله واعرف احمي نفسي كويس.
-لؤي برفض:مث هثيبك ياماما.
-عشق بنفاذ صبر:لؤي روح مع طنط صفاء وهحصلكم يلاااااا.
-بالفعل ذهب لؤي مع صفاء والدموع في عينيه.
***********
-فى غرفه مراقبه المول كانت عشق تقف امام تسجيل المراقبه لفيديو خطف الطفل مروان.
 -عشق وهى تراقب الفيديو بتركيز : انا مش شايفه حاجه مهمه فى الفيديو غير الراجل وهو بيخطف الولد وللاسف مغطى وشه
العسكري موافق لها : فعلا مفيش اى علامه حتى توصلنا ليه 
-عشق للعسكرى : شغل الفيديو تانى.. 
شاهدت عشق الفيديو للمرة الثانيه و فجأه هتفت : وقف 
-العسكري بتسائل: فى ايه يافندم. 
 -اشارت عشق بيدها للعسكري و هى لاتزال تنظر الى الشاشه بترقب :  .. رجع الحته دى تانى كده. 
 -العسكري وقد بدأ فى اعاده المقطوعه فصاحت عشق و هى تشير بيدها : وقف هنا 
 اعتلى وجه عشق ابتسامه خفيف شيطانية و تحدثت قائله : بيتهيألى اننا هنلاقى حد يوصلنا للخاطف اللى مخبى وشه.
-العسكري : مش فاهم قصدك مين!!! 
- عشق وهى تضع اصبعها على الشاشه : الست دى فجأه عملت مشكله وقالت ان الراجل اللى قدامها دا ضايقها بس مراته كانت معاه وشافت كل حاجه وقالت ان الست دى بتتبلى عليه ..
-العسكري : طب ودا ايه علاقته بالموضوع؟؟
 -عشق: الست دى عملت كده عشان تلهى كل اللى فالمول وتلفت نظرهم وفى وقت ما كانت بتتخانق غمزت وبعديها علطول الخاطف اتحرك وخد الولد، بص كدا تانى و بدات عشق تعيد تشغيل الفيديو فظهر بوضوح ما قالته للتو.
-العسكري بإعجاب من ذكاء عشق وسرعتها : يبقى احنا لازم نوصل للست دى. 
-عشق وهى تنظر امامها : ماهو دا اللى هيحصل ....وخرجت عشق مسرعة من المول واتجهت الى مركز عملها.
***********