الملعونة

الجزء السادس

كن قويا لنفسك حتى و أن كنت تتألم
لأنك لن تكسب من الاخرين سوى الشماتة و الشفقة

       ................... ................... ..................

ما استسلمت بقيت فترة اقرة وية اختي الازغر مني .. اساعدهة بواجباتهة جانت باب المطبخ بيهة جامة جبيرة نجيب اقلام مال سبورة و نكعد نقرة عليهة ..

امي .. اخ يا امي حالتهة يأس منهة الكل و لذالك اخذوهة خوالي و اخذت وياهة اخوي الصغير سجاد الي عمرة سنة ...

بقيت وحدي .. جانت ايام اضل كاعدة ابجي من اشوف اخواني راحوا للمدرسة و ابوي للدوام .. امي ما موجودة وحدي بالبيت وية شهد و امير ...

مرت فترة اسبوع او اكثر .. اجة ابوي و شايل بيدة سجاد و غراضة ويا : " ها بابا شنو رجعت ماما ؟؟ "

انطاني سجاد بيدي باوعتلة و هو نايم جنة ملاك ابيض و شعراتة صفر : " بابا امج مريضة كلشش و بيبيتج ما تكدر تعتني بيهة و بسجاد .. لهذا انتي راح تعتنين بي "

يا رررررب حملي ثگل يا رررررب ساعدني .. اني طفلة و بس مو كد مسؤولية جبيرة مثل هاي المسؤولية .. يا الله اليك اشكو امري فمن لي غيرك ..

حطيت اخوي بالفراش و اباوعلة و ادموعي ينزل بدون ما احس بيهن ..

أني لارا ..
اني طفلة محرومة من أبسط شئ تكدر تتخيلة .. حتى الربع الي مال اي قيمة حرمت نفسي منة و كمت اجمعة خاف اخواتي يطلبن مني قرطاسية او يشتهن يشترن شي ..

       .................  ..................  .................

أنا لوحدي اعاني .. هل انا لوحدي التي تستيقظ كل الليل لتبكي بصمت .. لترى قلبها يتحطم الى اشلاء صغيرة .. ليصرخ داخلها بصوت يحطم الجدران .. أنا اتمزق .. أنا اعاني لوحدي ... يا رب خذ امانتي فما عاد بوسعي تحمل المزيد

      ...................  ..................  ..................

كضيت ايامي وجع و الالام بچي و احزان قهر و حرمان .. يا ربي يا رحمان ..

فعلاً ابوي مجرد من كل انواع الرحمة و الشفقة و بارد و اناني و ميهمة اكبر واحد .. ما كال هي طفلة شلون احملهة مسؤولية 6 جهال ..

ما كال ارحمهة من جانب على الأقل .. لا اني شكد غبية .. هو الظالم يعرف الرحمة .. هو اكو طفلة بعمري تكدر تتحمل هذا الحمل ..