الملعونة

الجزء الأخير

خلصت الرقصة و اني سرحانة بخيالي و ذايبة بعلي و بعطرة و بلمستة .. خلصت الحفلة و صار الوقت نطلع ..

كعدت على الكوشة لبستني سرى البركع و اجة علي لزم ايدي و باس راسي و طلعنة صعدنة بسيارة علي و هو يسوق ..

و الطريق كلة علي لازم ايدي و اني ذايبة بي و عيوني ما رفعتهن عنة و هو كل شوية يباوعلي بنظرة حلوة نظرة جديدة نظرة بيهة حب ..

يااا رب حلمي حققتة و حبي اتزوجتة شلون اشكرك على هذا يا ربي شلون شنو الي لازم اسوي حتة اشكرك يا ربي ..

وصلنة لبيت علي تقريب العشرة دقايق و نزلنة من السيارة اجة علي نزلني و الناس كومة يم باب بيتهم و بدوا يضربون طلق ..

اني خفت شمرت روحي بحضني علي و غطيت اذاناتي علي صاح بيهم : " كافي لحد يضرب بعد خوفتوهة "

الزلم كام يضحكون هو جرني و طبينة للبيت قبل لا ادخل ذبحوا الدجاجة جوا رجلي و دخلت برجلي اليمنة للبيت

طبيت للصالة ظليت كاعدة على الكرسي و الناس تباوعلي عشوا الناس و اني على كعدتي بس اتبسم بوجوه الوادم ..

اجت سرى اخذتني للغرفة و ظلت كاعدة ترتب بمكياجي و كالتلي : " حبيبتي لارا شوية و يجي علي اوك "

: " اوك "
ابتسمتلهة باركتلي و طلعت ظليت كاعدة على حافة الجرباية  ... عشر دقائق و سمعت الهوسات ورة ثواني طب علي للغرفة و سد الباب ورا ..

تقرب علية لزم ايدي و كومني ظل يباوعلي بنظرات حلوة كلش نظرات حب و اشتياق .. باسني من كصتي ..

و نزل علكيف ببطء على رقبتي شمهة حييل و باسهة اني احس روحي ماعت هو حاوط خصري بأيدة ..

جسمي كلة ارتعش كل خلية بجسمي انتفضت قشعر جسمي .. احساس حلو وخر عني و ظل يباوعلي بعيونة العسلية ..

خلة ايدة الثانية على رقبتي و قرب شفايفة يم اذني و باسهة

مرات اكفر .. بالعشگ
و استغفر الله گبالهة
زغيرونة مو مالة عشگ
حيل أنا أحب اخبالهة

باوعلي ابتسمت كال : " احبج لارا .. احب كل شيء بيج يا مخبلة .. احبج هواي احب شعرج و عيونج و جسمج و شفايفج اووووف لسة طعمهن بشفايفي تسمحيلي  "

يا ربي شريد اكثر من هيج .. كمل كل شيء و صرت ملك لعلي قلباً و قالباً ..

نمت على صدر علي و جانت هاي اول مرة انام بدون ما افكر او اخاف او احس بقلق ..

سألت : " علي لعد انت مو جنت تحب بنت خالتك و رايدهة ؟ ليش عفتهة ليش اتزوجتني "

رد علية بكل حب : " لارا الي جنت عايشة وي اسيل مو حب مجرد علاقة عابرة اني عشت الحب و حسيت بقلبي ينبض من شفتج لارا "