قصة حقيقية باللهجة العراقية تتكلم عن فتاة لم تحظى بطفولة دافئة في احضان والدتها و بدل ذلك عاشت ايام مليئة بالرعب و المعاناة بسبب تصرفات والدتها الغريبة ..
و هل سترى السعادة مع حبيبها إم سيعذبها مثل الباقين ...
لا تقرأ النبذة التعريفية و تحكم على الر...
سويتلة البيضة و كعدت حتى اوكل اجت ميس يمي و احسهة مثل الخجلانة : " خيتي لارا اكو شغلة اريد اكلج عليهة .. و ما اعرف شلون اكلج "
: " شكو ميوسة احجي شبيج لا تخوفيني .. صاير شي اكو واحد مأذيجن متجاوز عليجن .. "
: " لا لا بس اكو ولد يريد يخطبني " : " منو هذا و شلون تواصل وياج ... احجي ميس "
: " لارا بس اهدئي ماكو شيء انت تعرفي ابن جوارينة بيت ابو مهند .. مهند يريد يخطبني "
: " اي و بعد .. " : " اي و هو كال ما اجي الا اعرف انتي قابلة لو لا "
اني حاولت اجمع افكاري و ارد عليهة : " لارا اني اشوف الولد زين و مرتب و ما عليهم سمعة و همة عائلة صغيرة و حالتهم المادية نفسنة يعني لا بأس بيهة .. بس "
: " بس شنو يا روحي " : " بس لارا اخواتي منو يبقة يمهن اذا انتي عرستي و اني عرست منو يبقة الهم .. و اني اشوف نفسي صغيرة على الزواج و اجيت اخذ بنصيحتج انتي اكبر مني و تعرفين احسن مني "
: " حبيبتي ميوسة هاي حياتج سوي الي يعجبج .. لا تخلين اي احد يعيقج عن شئ .. بس اذا تريدين نصيحتي كأخت انتي بعدج صغيرة على الزواج و شلعان القلب .. ادرسي و صيري فد شي مهم و اخذي شهادة .. "
المهم ضلينة نحجي هواي و نتناقش و نسولف شوية و نضحك شوية : " لارا اني باجر من اروح لبيت ابو مهند اكول لمهند و اكلة اني بعدني صغيرة على الزواج "
