Your Humble Servant is Guilty! (Burmese Translation) [ＣＯＭＰＬＥＴＥＤ]

Chapter(3)_Unicode

နန်းတွင်းသမားတော်၏ ကြေကွဲစရာဇာတ်လမ်း(၃)

လျိုရှီက ယန်ရှောင်းဝူကို မဘောမကျဘူးဆိုတာ ငါအခုမှ ရေးတေးတေး သဘောပေါက်လာတယ်၊ ယန်ရှောင်းဝူကို မေးကြည့်ဦးမှ သူအရင်က လျိုရှီကို တိတ်တဆိတ် အနိုင်ကျင့်ခဲ့ဖူးလားလို့...မဟုတ်ရင် လျှိုရှီက ဘာလို့ သူ့ကို အမြင်မကြည်ဖြစ်နေမှာလဲ?

ယန်ရှောင်းဝူနဲ့ငါ သစ်ပင်ကြီးတစ်ပင်အောက်မှာ တစ်နေ့ခင်းလုံး ထိုင်ပြီး အဲ့အကြောင်းကို စဉ်းစားခဲ့တယ်၊ နောက်ဆုံးမှာတော့ လျိုရှီက ယန်ရှောင်းဝူရဲ့ ကျန်းမာကြံ့ခိုင်တဲ့ ခန္ဓာကိုယ်နဲ့ ယောက်ျားပီသမှုတွေကို Jဝင်နေတယ်လို့ ယန်ရှောင်းဝူတစ်ယောက် တစ်ဖက်သတ်ကြီးဆုံးဖြတ်လိုက်လေရဲ့

ငါ ယန်ရှောင်းဝူကို ဗုဒ္ဓလက်ဝါးနဲ့ ပိတ်ရိုက်လိုက်တယ် (ဟောင်ကောင် ရှေးခေတ်ရုပ်ရှင်တစ်ခုထဲက အကြမ်းဆုံး သိုင်းကွက်ပါတဲ့😂) ဘယ်နေရာ ဂျေဝင်ရမှာလဲ? သူ့ရဲ့ အောက်သိုးသိုး ချွေးနံ့နဲ့ နံစော်နေတဲ့ ခြေထောက်တွေကိုလား? ပြောရရင် လျိုရှီရဲ့ ကိုယ်ပေါ်မှာလည်း အနံ့သိပ်မကောင်းတဲ့ ခါးသက်သက် ဆေးနံ့ရှိနေတယ်၊ ဒါပေမယ့် အနည်းဆုံးတော့ အဲ့အနံ့က ငါနဲ့ပိုရင်းနှီးသေးတယ်။

တစ်ချိန်တည်းမှာ ယန်ရှောင်းဝူတစ်ယောက် သူ့ရဲ့ ပေါက်ကရ ထင်မြင်ချက်တွေကို ပြောလာပါတော့တယ်။

"သူမင်းကို ကြိုက်နေတာများလား... ဒါကြောင့် ငါမင်းနဲ့ ရင်းနှီးနေတာကို မနာလိုဖြစ်နေတာ ဖြစ်မယ်"

ငါ ခပ်တည်တည် ပြန်ပြောလိုက်တယ်။

"ပထမအချက် ငါ နင်နဲ့ လုံးဝမရင်းနှီးပါဘူးနော်၊ ဒုတိယအချက် သူငါ့ကို ကြိုက်နေတာနဲ့ လုံးဝ မတူဘူး"

ဟုတ်တယ်...သူငါ့ကို ကြိုက်တယ်ဆိုရင် ဘုရင်ဖြစ်သွားပြီးတဲ့နောက် ငါ့ကို ဘာလို့ အေးစက်စက် ဆက်ဆံနေမှာလဲ?၊ အထူးသဖြင့် အဖိုးသေသွားပြီးတဲ့နောက်မှာပေါ့၊ သူငါ့ကို ကြိုက်တယ်ဆိုရင် ဘာလို့ သူ့မှာ ကိုယ်လုပ်တော် နှစ်ယောက်၊ သုံးယောက်မက ရှိနေတာလဲ?

ဒါကို ငါ့ကိုကြိုက်နေတယ်လို့ ပြောလို့ရတယ်ဆိုရင် အဲ့လိုပေါများနေတဲ့ မေတ္တာတွေ ငါအလိုမရှိဘူး။