အခန်း(၅)
ငါ ကိုယ့်ကိုယ်ကို ထိန်းလိုက်ပြီး အသက်ပြန်ရှူနိုင်လိုက်တယ်...
လျိုရှီက ငါ့ကို ဖက်ပြီး နမ်းနေတယ်!!!
ဒီဖြစ်ရပ်က ငါ့ကို သေလောက်အောင် လန့်သွားစေတယ်။ ငါမြေအောက်ခြောက်ပေ အကွာလောက်ကို ရောက်နေတဲ့ အဖိုးကို ထပ်ပြီး ကျိန်ဆဲလိုက်တယ်။ ယန်ရှောင်းဝူက လျိုရှီထက်ပိုပြီး စိတ်ချရတယ်လို့ သူပြောခဲ့ပြီး ငါ့ကို လျိုရှီနဲ့ ခပ်ခွာခွာ နေခိုင်းခဲ့တယ်။ အဖိုးပြောခဲ့တာက အကျိုးအကြောင်းလည်း မဆီလျော်ဘူး၊ လျိုရှီ ဘုရင် ဖြစ်ပြီးတဲ့နောက် ငါခပ်ခွာခွာ နေချင်ပါတယ်ဆိုရင်တောင် ငါနေလို့မရတော့ဘူး။ ရေမြေ့သခင်က သူ့အမှုထမ်းကို သေစေချင်တယ်ဆိုရင် သူမ မသေချင်ရင်တောင် သေရမှာပဲ။
ငါ့ကို ဖက်နမ်းပြီး စိတ်ကြိုက်အသားယူပြီးတဲ့နောက်မှာ လျိုရှီက ကျေကျေနပ်နပ်ကြီး ပြောလာတယ်။
"မင်း အကြာကြီး စောင့်ဖို့ မလိုတော့ပါဘူး၊ ငါမင်းကို နန်းတော်ထဲကို ခေါ်ထားနိုင်တော့မယ်"
အဲ့ဒီစကားက ငါ့ကို ထပ်ပြီး သေလောက်အောင် ကြောက်လန့်သွားစေတယ်။
ငါ ကြောက်လန့်ပြီး တုန်ယင်နေတာကို ဖော်မပြရဲတာကြောင့် ဘာမှမတုံ့ပြန်နိုင်ဘဲ ပြန်ထွက်လာခဲ့တယ်။
သူ အရက်မူးနေလို့ ကိုယ်လုပ်တော်တစ်ယောက်ယောက်နဲ့ ငါ့ကို မှားတာပဲဖြစ်မယ်။ အချိုကြွေးပြီး ဇနီးအဆင့်အတန်းနဲ့ အနာဂတ်တစ်ခု ကတိပေးခဲ့ပေမယ့် ငါ လုံးဝ သူ့ကိုယ်လုပ်တော် မဖြစ်ချင်ဘူး။
ငါ စိတ်နဲ့လူနဲ့မကပ်ဘဲ ငါ့ရွက်ဖျင်တဲကို ပြန်ရောက်လာတယ်။ ယန်ရှောင်းဝူက ဆီးပြီး ပြောရှာပါတယ်။
"နင်ကျောက်ပုစွန်(crayfish)တွေ စားလာတာလား...နင့်နှုတ်ခမ်းတွေ ယောင်နေတယ်"
ငါသူ့ကို သူ့ကို ကြည့်ပြီး အားမရှိစွာ ပြောလိုက်တယ်..
"ယန်ရှောင်းဝူ...ဒီတစ်ခါ နင်မှန်တယ်၊ ငါတကယ်သေတော့မယ်"
ယန်ရှောင်းဝူရဲ့ အသားအရောင်က ပြောင်းသွားပြီး အလေးအနက်ပြောလာတယ်
YOU ARE READING
Your Humble Servant is Guilty! (Burmese Translation) [ＣＯＭＰＬＥＴＥＤ]
Historical FictionNative title_微臣有罪 English title_ Your Humble Servant is Guilty!! Author_ 随宇而安 Status_Completed(7Chapters) Original source_ Novel update (Written in both Zawgyi & Unicode) All credit to original author & translater*
![Your Humble Servant is Guilty! (Burmese Translation) [ＣＯＭＰＬＥＴＥＤ]](https://img.wattpad.com/cover/199710135-64-k930253.jpg)