❣️خلطة غرام ❣️

☹️اعتذار شديد ☹️

انا حاولت اكتر من مره والله انزل الصور بتاعت الابطال ومردتش تحمل والوصف بتاعهم كان هيتحذف فأنا قولت لحد ما اعرف المشكله فين هقولكم كدا صوره كل شخصيه وانتم تشفولهم بدل الصوره 100على جوجل بقا وبكرر اعتذارى وعلى فكره الشخصيات اللى فى دماغى كلهم ممثلين عرب واغلبهم مصريين عشان متحسوش بالغربه كدا. 😹

اولا:-(الليث) هو(احمد صلاح حسنى).
ثانيا:-(غرام)هى(شرين ابو العز).
ثالثاً:-(اسد)هو(هانى سلامه).
رابعاً:-(فريده)هى(امينه خليل).
خامساً:-(فهد)هو(اسر ياسين).
سادسا:-(قمر)هى(ميرنا نور الدين).
سابعا:-(شبل)هو(حسن الشافعى).
ثامنا:-(ڤيڤا)هى(كارولين عزمى).
تاسعا:-(علا)هى(داليا مصطفى).
-----------------------------------------------------------
وبس كدا وطبعا مش معنى انى كتبت اسماهم انى كدا بحدد تفكركم او بوقف خيالك لا بالعكس الفكره انى بحاول ادخل لعقولكم ان الابطال مش لازم يكونو اجانب وكدا لا احنا عندنا ممثالين مزز كلهم اه اومال اى. 😂😂😂

اتمنى الشخصيات تكون حلوه كدا وتعجبكم يارب.  وقريب اوى اول بارت من الرواية.
################################
                   💝الفصل الثاني💝
                       ...................
التفت لمريم قائلاً:-ممكن اتكلم مع الطباخ لو سمحتى.
لتقول مريم فى سعاده لصديقتها غرام فهى تعرف انه يريد ان يبدى اعجابه بالطعام كباقى من تذوق خلطة غرام
مريم:-اكيد حضرتك ثانيه واحده بس.
ودخلت بخطوات سريعه للمطبخ وتجد غرام جالسه تستريح تجرى عليها وتسحبها من يديها لتقول لها غرام فى استغراب من فعلتها:-فى اى يابنتى هتوقعينى استنى طيب افهم عاوزه ايه؟!.
مريم:-تفهمي اى الناقد اول ما اكل طلب يشوفك اكيد عاوز يشكرك على الاكل اللى عمره ما هيدوق زيه أبداً.
لتقول غرام بنبره مليئه بالثقه:-طبعا يا بنتي هى يعنى اول مره اكلى يعجب ناقد.
تكمل جذبها مريم قائلة:-طب يالا يختى بسرعه انا قولت له ثوانى باقلنا ساعه بنرغى.
تخرجها مريم من باب المطبخ وتبتعد لتسير غرام بهدوء وتتجه له وتقول:-افندم حضرتك طلبتنى.
ليتفت لها وهو يقول:-انتى اللى طابخه الاكل دا.
تكتفى بالصمت وتهز راسها فقط لتسمعه وهو يقول:-انا عاوز انصحك نصحيه صغيره شوفيلك حاجه تانيه غير الطبخ تعمليها قدام مبتعرفيش تطبخى.
تقف امامه مصدومه فارغة الفم وكأنها تكذب اذنها فهى لم تتخيل او يخطر فى بالها ان يقول احد لها هذا الكلام الجارح تقول ومازالت مصدومه:-افندم انت بتكلمنى انا كدا.
يقول لها فى سخريه:-لا بكلم شبحك هو فى حد واقف هنا غيرك.
غرام:-انت ازاى تكلمني كدا انت مش عارف انا مين انا غرام العمرى احسن شيف فى شرم الشيخ كلها ان مكنش فى مصر اصلاً.
ليقول لها فى حده وقد اغاظه غرورها:-لا والله ومين بقا الحمار اللى قالك كدا انا اصلا ما استبعدش انه يكون فاقد حاسه التذوق وبيجاملك والسلام.
غرام بعصبيه شديده وقد جن جنونها:-والله ماحمار الا انت يا بنأدم يا قليل الذوق ياللى مبتفهمش فى الاكل حاجه انت.
يقوم فى عصبيه ويهشم الطربيزه بما فوقها قائلاً:-انتى اتجننتي بتتكلمي كدا مع ليث الهوارى دا انا هوديكى فى داهيه.
يأتى لهم صاحب المطعم وهو يلهث فقد ابلغته مريم عنا يحدث بين غرام وهذا الناقد فى الاسفل قال وهو مازال يلهث من كثرت الجرى:-فى اى بس يافندم ايه اللي حصل ويلتفت بحديثه لغرام فى اى ياغرام مضايقه الباشا ليه بس.
غرام فى استغراب ففى نظرها هى لم تخطأ أبداً بل هو من قال عن طعامها كلام مزعج مثله تماماً:-لا والله لهو انا اللى هطلع غلطانه فى الاخر دا بنادم مهزق مبيعرفش يتكلم باحترام.
ليث وقد اعماه غضبه وتقدم منها ممسك بمعصمها ضاغط عليه بشده:-انا مش بس هكتب فيكى مقال زى الزفت دا انا هرفدك من الفندق كله.
غرام وهى تحاول ان تخلص يدها:-سيب ايدى ياحيوان وبعدين بانهى حق ترفدنى مين انت.
الليث:- انا ليث الهوارى صاحب مجموعه فنادق الهوارى واللى انتى بتشتغلى فى واحد منهم مش بس ارفدك من الفندق دا انا اطردك من شرم كلها.
لا تنكر انها صُدمت ولكن تمالكت نفسها قائله له فى سخريه:-وايه يعنى طظ حموك فى كنكه ياخويا.
ليث بصراخ عليها:-برا اطلعى برا.
غرام:-مابرا برا يخويا يعنى هخرج من جنة الخلُد ياخى.
وتدفع يده عنها وتذهب بخطوات سريعه فى اتجاه المطبخ وهى تنذع عنها الطقيه والاڤارول الخاص بالمطعم.
مريم وهى تحاول ان تلحقها:-خدى بس ياغرام استنى اما اقولك وتجذبها لتقف أمامها استنى بس انتى اى اللى عملتيه دا بس.
غرام:-انتى كمان هتقوليلى اللى عملتيه هو اللى غلط فيا مش انا.
مريم:-طيب هو غلط انتِ هتعملى اى بصى روحى اعتذرى ليه وهو انشالله مش هيرفدك.
غرام بغضب وكبرياء:-انتى اتجننتى انا كمان اللى اعتذر لا طبعاً.
مريم محاوله تهدأتها:-طيب بلاش تعتذرى قوليلى هتعملى اى دلوقتى.
غرام فى شرود وقد بدات تخطت لشئ ما فى رأسها:-همشى زى ما قال بس لازم الاول اعمل حاجه مهمه.
ثم تبتسم فى سعاده وخبث وكأنها تخيلت نفسها تخنق الليث.
------------------------------------------------------------------------تفتكرو غرام ناويه تعمل ايه؟!
وايه هيكون رد فعل الليث؟!
هنعرف الفصل اللى جاى مع:- (❣️خلطة غرام ❣️).