BOY FRIEND ||JJK [Completed]

ТӨГСГӨЛИЙН ХЭСЭГ

     Санаж байна...

Түүнийг санаад үхэх нь!

     Би тэнгэр өөд ширтэн хүндээр санаа алдчихаад дотогш орлоо.

Цаг, минут, секунд... Хором, мөч бүр, амьсгаа авах бүртээ түүнийг санана.

     Тэр өдрөөс хойш аль хэдийн нэг сарын хугацаа өнгөрчээ.

     Энэ бүх зүйлийг сэдэж, Сэраг аюулд оруулсан бүх хүмүүст тохирох шанг нь хүртээсэн.

"Жонгүг..."

"Сэра..."

     Хэрвээ тэр минь нэг сарын өмнө надаас явчихсан бол...

Амлаж байна. Би тэр новшнуудыг бүгдийг нь алчхаад өөрөө ардаас нь үхэх байсан юм.

"Санаад үхэх шахлаа..."

     Хар өнгийн жижигхэн цүнх чирэн, гартаа ягаан өнгийн туулай атгачихсан тэр инээд алдсаар над руу гүйх шахам ирэн тэврүүлэв.

"Хоёр л хоносон шүү дээ..."

     Тэр хоёр хоног Япон явчхаад ирсэн юм.

"Тэгсэн ч гэсэн... Золтой л хамаг хичээлээ хаяад ардаас чинь явчихсангүй."

Намайг хошуугаа унжуулахад тэр инээд алдсаар гартаа байх туулайгаа дээш өргөв.

"Чамд зориулж авсан юм. Хараад л шууд чи бодогдсон. Хөөрхөн байгаа биз?"

Бурхан минь...

Үүнээс илүү тэр хөөрхөн байна.

"Чамтай адилхан байгаа биз дээ? Бэлэг шүү!"
 
     Намайг тэр туулайг авахгүй байсанд Сэра хошуугаа унжуулсаар надад наалдах аж.

Хоёрхон л хоноход энэ хүнээр ингэж их дутах гэж дээ.

"Адилхан гэж үү?"

"Тийм ээ..."

Би түүнээс тэр туулайг аваад "Би ч бас бэлэгтэй ирсэн." гэвэл тэр гайхан инээмсэглэлээ.

     Үнэндээ тэр өдрөөс хойш би зүгээр л бүх цаг хугацааг нандигнах хэрэгтэй гэдгийг ойлгосон юм.

     Хэн хүнээс илүү надад заяагдсан тэр хүнтэй байх бүх хугацааг...