احببته طبيبا

الفصل الاول

بعد عناء سبع سنين واخيرا تخرجت دفعة الطب بعد ما سميت هذه الدفعة بالدفعة المشئومة نظرا للظروف التى واجهتها والتى دفعت لجنة الجامعة الى تأجيل حفل التخرج
*****
-حازم: وأخيراً هابقى دكتور يا حنين ويبقى عندى بالطو
-حنين: هو يعنى واقف قدامك ميكانيكى وانا كمان هابقى دكتورة ويبقى عندى عربية واضرب فى كلكسات
- حازم: انتى مش ملاحظة أن احلامنا هايفة اووى يعنى انا بقالى 7 سنين بيتمسح بيا بلاط الكلية علشان اجيب بالطو وانتى كمان ابوكى خلص فلوسه على جزمك من كتر المشاوير وفى الاخر عايزة تطلعى دكتورة عشان تشترى عربية ده لو ابوكى حوش ثمن الجزم كان جابلك عربية والله
- حنين: لا انا هدفى من ده كله انى انقذ الناس واحاول اخفف الالم بتاعهم انا مش عايزة حد يبقى تعبان يا حازم
- حازم : الود ودى اديهم روحى ولا انى اشوف واحد بيتألم وانا حلفت انى لو كلف الامر انى اخسر حياتى وانقذ المريض مش هتردد ابدا
- عامر: ايه يا شباب اتخرجنا وبقينا دكاترة هانفضل قاعدين كده واحد يقول الود ودى والتانى يقول كلاكسات عارفين انا دلوقتى نفسي فى ايه
- منار : ايه يا ابو دم خفيف
- عامر : نفسي اروح دلوقتى أدى للدكتور بتاع الجامعة حقنة هوا وتبقى دى اول جريمة فى عالمى المهنى
- حازم: طب يا منار خدى خطيبك وروحوا عشان شكله مخه ضرب خالص
- عامر: لا يا عم انا فل وعشرة على عشرة وبعدين خطبيتى دلوقتى هتروح عشان تلبس واخرجها وطفحها
- حنين: طب خدونى معاكوا نفسي اخرج
-حازم: بس يا هانم معندناش بنات تخرج مع ناس مخطوبين وبعدين هتخرجى معاهم تعملى ايه
- عامر: حازم اتلحلح بقا كده يا تبت البت هتضيع من ايدك
- حنين: بت مين انت هاتتجوز يا حازم
- حازم: اه هتجوز، انتى عبيطة يبنتى هتجوز من غير ما اخطب وبعدين انا لسة مش عارف مين اللى امها داعية عليها
- منار: طب يلا يا حنين نروح وكمان نعدى على صاحب الشقة نديله الايجار
- حنين: ماشى يلا
- حازم: طب استنى هاوصلك
- حنين * بصوت كله غيظ*: لا روح دور على خطبيتك، يلا يا منار
فى الطريق لبيت منار وحنين
- منار: مالك يا حنين متغيرة من اول ما حازم اتكلم
- حنين: بصى بقا انا حاسة بمشاعر تجاه حازم بس مش متأكدة يعنى مش بحس بأحساس الحب معاه بس بغير عليه جدا كده بحبه ولا ده اوهام بسبب انه معايا فى الكليه من 7 سنين ممكن اكون بحبه زى اخويا
- منار: بصوا انتوا الاتنين الواحد ما يعرفش يحدد مشاعركوا بتمشى ازاى انا ساعات بشوف فى عينيكى حب لحازم وساعات لاء اومال حازم انا مش بشوف فى عينيه حاجة خالص
- حنين: طبعا ده المغرور ابو رموش حلوين كتير الكبرياء معمول علشانه ما يعرفش يعنى ايه رومانسية مستنية تلاقى فى عينيه حاجة ده واحد حلوف
- سواق التاكسى:طب ما تقوليله يبنتى وتريحى دماغك ودماغ سواقين القاهرة
- حنين: انت بتسمعنا من الاول صح طب انصحنى يا عمو وهو ما ينفعش اروح اقوله حنين واقعة فى دبادبيك يا حازم فى الاول والاخر انا بنت وما ينفعش اعمل كده
- سواق التاكسى: معاكى حق والله يبنتى هو لو بيحبك هيقولك انتى ما تعمليش حاجة سبيه هو اللى يحس بالحب ده اه وحاجة كمان هازود عليكى الأجرة عشان اجيب شريط بنادول عشان انتى عملتيلى صداع
- حنين: طب فكر معايا وهاجبلك بنادول لمدة سنة
- سواق التاكسى: لا وانا مش هاركبك معايا تانى يلا وصلتوا خلوا بالكوا من نفسكوا
- حنين: يلا يا منار اجهزى عامر بيرن عليكى
- منار: خلاص انا جهزت اهو هو انتى هاتعدى لوحدك تعالى معانا وابقى اعملى نفسك مش واخدة بالك
- حنين: يلا يستى مليش فى المحن ده انا هاقعد اتفرج على فيلم واكل فشار
-منار: طب خلى بالك من نفسك
- حنين: خلصى الواد بيرن
- منار: اسمه خطيبى وقريبا جدا جوزى قرة عينى يا سنجل
- حنين: ااااه طبعا ما انتى لقيتى عامر حب عمرك لازم تعملى كده
- عامر: فى ايه يا حازم رنيت12 مرة
- حازم: انا زقهان ومش لاقى حاجة اذاكرها
- عامر: طب لو حد غيرى سمعك هايفتكرك مجنون يبنى انت لسة متخرج من 7 سنين ضرب نار فرفش كده مش تقولى عاوز اذاكر انا كنت لازم اصاحب واحد فاشل اقولك على حاجة روح اقعد مع عبدالله هو سنجل زيك هتلاقيه قاعد لوحده
- حازم: ماشى هاروح بس عبدالله هايعد يحكى تجاربه السابقة مع البنات ويوجعلى دماغى بس انا معنديش غيره دلوقتى هاضطر انزل
- عامر: ماشى اقفل بقا
- حازم: صحيح انت فين يا حيوان
- عامر: انا قدام بيت منار وحنين مستنى منار عشان نخرج
- حازم: ماشى خلى بالك على نفسك يا صاحبى
- عامر: منار مش بتعض يا زميل بس برده حاضر هاخلى بالى الاحتياط واجب برده يلا اقفل حببتى نزلت
انا حبيبى قمر يجدعان
- منار: يلا عشان جعانة
- عامر: مفيش كلمه حلوة
-منار قربت جنب ودنه وقالتله عااوزة اكل
- عامر: ربنا يصبرنى
-عبدالله: ردى يبت الجزمة انتى كمان عملتى بلوك هو انتوا كده مش وش نعمة
- حازم: الو يا عبدالله تعالى نخرج
- عبدالله: والله جت فى وقتها انا لسة خارج من علاقة فاشلة
-حازم: انا كل ما اكلمك الاقيك خارج من علاقة فاشلة
- عبدالله : طب تعالى ونكمل كلامنا
- حازم:ايه فى ايه بقا انت كل شوية تصاحب بنت وتسبها
- عبدالله: هما مش موافقين على شروطى
- حازم: وشروطك دى انك تتجوزهم عرفى صح يا اخى اللى متردهوش على اختك متردهوش على بنات الناس
- عبدالله: طب انت رايح فين دلوقتى انت لسة جاى
- حازم: انا ماشى يا عبدالله واول ما تفكر تتعدل وتحب بجد هتلاقينى اول واحد فى ضهرك وبيساعدك غير كده لاء سلام بقاا
- عبدالله: استنا بس انت يلا رايح فين
- حازم: رايح اتمشى وانت كمان روح
- حنين: طب اقوم انا بقا اعمل بيتزا عشان الفشار والشبيس جوعونى واتصل بمنار اشوفها اتأخرت ليه
- منار: ايه يا حنين خير فى حاجة
- حنين: انتى فين لحد دلوقتى
- منار: هو انتى حنين ولا ماما
- حنين: مناااار
- منار:خلاص يستى ام عامر تعبت وكان لازم نروح عشان ننقلها المستشفى وانا دلوقتى مع عامر فى المستشفى
- حنين: خلى بالك على نفسك وما تتأخريش بس
-منار: حنين اوعى تعملى أكل وانا بره مش شقتنا عشان نحرقها
- حنين: لا لا انا داخلة انام اصلا تصبحى على خير
- منار: انا خايفة بس هاقنع نفسي انك هتنامى هضطر اقفل دلوقتى عشان الدكتور جه وعامر اعصابه بايظة
-عامر: خير يا دكتورة
-الدكتورة: ضغطها وطى شوية هى بقالها اد ايه قاطعة الاكل
-عامر: يومين،تلاته مش فاكر بس هى كانت بتاكل حاجات بسيطة يعنى
- الدكتورة: عموما هى بقت كويسة دلوقتى ما تخافش عليها انا معها
- منار باستفزاز: لا يحببتى حماتى واقعد معها روحى انتى شوفى حد تانى ملكيش اكل عيش هنا
-الدكتورة: بعد اذنك يا استاذ عامر لو عزت حاجة معاك رقمى
- عامر: لا وانا دكتور مش استاذ يا فاطمة
- دكتورة فاطمة : بجد بقيت دكتور كده بقاا تيجى تشتغل معايا
-منار : لا هو ميكانيكى مش دكتور ده بيضحك عليكى
-عامر بصوت كله ضحك بعد ما منار كالعادة عرفت تنسيه زعله: ماشى يا فاطمة هاكلمك النهاردة وتيجى ونشوف الموضوع ده سوا وبالمرة اعرفك على ماما
- منار: كك مو يا حبيبى
- منار: محسوبتك ميكانيكى قصدى دكتورة زيك كده اسمى منار ومرات عامر وحامل فى تؤام يا اسمك اييه
- عامر: ايه ده احنا اتجوزنا وكمان حامل فى توأم كل ده ومش قايللى يا مفترية وانا اللى كنت فاكر اننا مخطوبين وراح بسها من خدها
- منار: عاااااامر انت حيوان
- عامر: ايه مراتى وابوسها براحتى عندك مانع يا مدام عامر الرافعى
- منار: انت شكلك شارب حاجة احنا مخطوبين يا بنى ادم انت نسيت
-دكتورة فاطمة بصوت كله ضحك على غباء منار وكشفها لكدبها : طب هاسيبك مع خطيبتك دلوقتى يا عامر وهاجيلك تانى
-منار: شفت الصفرا مركزة على كلمة خطبيتك ازاى وانت حيوان ازاى تبوسنى كده
-عامر : الله مش قولتيلى انى مراتك
-منار: كدبة...كدبة عشان الحرباية الزرقة دى تشيل عينيها من عليك
-عامر: اولا دى جراتى من زمان جدا واكبر منى بسنة وطيبة جدا ثانيا حتى لو هى حاطة عينيها عليا فعينى انا مش شايفة غيرك يمنار ولا هتشوف عشان انتى ببساطة حببتى وهتبقى مراتى
- منار: ايوا كل بعقلى حلاوة
- عامر: بس سيبك انتى ايه دور فوزية الراقصة اللى كنتى عاملاه ده ده انا كنت ماسك نفسي من الضحك بالعافية وعملالى فيها كيوتة اووى ده انتى طلعتى ارجل منى
-منار: انا كيوتة غصب عنك طول محدش بيجى جنب حاجة تخصينى وبتاعتى هبقى مؤدبة حد هايجى ويبص هاخرم عينها وعينك ساامع
-عامر بيضحك بصوت عالى : ماشى يبشاا
عند حنين
دلوقتى بقا يترى اعمل بيتزا بالفراخ ولا بالخضار عشان الدايت
-حنين الطيبة:انتى يبت يا حنين مش منار قالتلك ما تولعيش البوتجاز
- حنين الشريرة:اه هى فعلا قالتلى ما تولعيش البوتجاز بس هى ما قلتليش ما تولعيش الفرن
- حنين الاصلية: جدعة يبت يا حنين يلا نروح نشوف البيتزا بقا الفرن فرننا والمطبخ مطبخنا
ودلوقتى اقدر احطك ف الفرن يجميلة انتى
ايه ده حازم بيرن، خير الله ما اجعله خير
- الوو
- حازم: فاضية نخرج
-حنين: الملل هايقتلنى
- حازم: خلاص انا واقف قدام الباب
- حنين: طبعا المفروض انى ادخلك بس ده مش هيحصل لانى لوحدى
-حازم: هو حد قالك انى هادخل انا بس واقف قدام الباب عشان مش عايز اقف ف الشارع
- حنين: ماشى ربع ساعه وهاكون جاهزة
حازم بصوت مش مسموع ياربى ايه الجمال ده كانت لابسة فستان بيبي بلو وعليه طرحة اوف وايت كانت زى الملاك بخدودها الحمرا ورموشها وغمزاتها لا انا كده مش هقدر اغض بصرى
-حنين: بتقول حاجة يا حازم
-حازم: ااه بقول..بقول انتى بجد خلصتى فى ربع ساعه انا كنت عامل حسابى فى ساعة الا ربع😅
-حنين: لا وانا مش زى بقيت البنات بدل قولت ربع ساعه يبقى ربع ساعه وبعدين هو انا هاتشيك ليه خارجة مع الشرنوبى مثلا ده انا خارجة معاك
- حازم بصوت مش مسموع كده ومش مشيكة امال لو كنتى مشيكة كنتى عملتى فيا اييه
- حنين: بتقول حاجة يا حازم
-حازم: خلاص يستى هاتضربينى بالله عليكي خلينا نكلم مع بعض مرة من غير ما نتخانق
- حنين: ماشى هاتودينى فين بقاا
- حازم: الجامعة
-حنين: لا ودينى المقابر احسن
- حازم: بهزر الله تعالى نروح نقعد فى اى كافيه
- تشربى ايه يفندم
- حنين: برتقال فريش لو سمحت
- حازم: احم احم على فكرة فى فندم كمان قاعد هنا لو انت مش واخد بالك قهوة سادة بعد اذنك
- حنين: ايه قهوة سادة دى انت داخل عزا ولا قاعد مع مرات ابوك بعد اذنك هاتلو عصير
" ايه يا ناس البت زى القمر كل يوم عن يوم بتبقى احلى طب وبعدين يا حازم هتفضل قاعد زى قرد قطع كده لحد ما تطير منك خلى كده كبريائك واخدك لما نشوف اخرتها ايه"
- حنين: ممكن متبصليش كده
- حازم.........
- حنين: يا دكتور ...انت فين...ياباا...يسطااا...انت يزفت
- حازم: ااااه...نعم خير
- حنين: هو انا مملة للدرجادى عشان كده سرحان طول القعدة
-حازم: حنين انا...
-حنين: انا عايزة امشى
- حازم: طب والعصير عايز اجرب زوقك
- حنين: خلاص اقعد وانا هروح لوحدى
- حازم: لا يا هانم معندناش بنات تروح لوحدها طب
فى الطريق
طب يستى انا هقولك كنت سرحان فى ايه انا...اناااا...انا كنت بفكر بما اننا خدنا الشهادة واتخرجنا....اه صح انا عايز يعنى..... عايز اشتغل وكده يعنى بس انا اسف مش هاسرح وانا معاكى تانى
- حنين: خلاص بقاا قولى كنت بتعمل ايه اول ما كلمتنى
- حازم: كنت عند عبدالله وبعدين خطرت فى بالى وكلمتك وبعدين انتى كمان كنتى بتعملى ايه اول ما كلمتك
- حنين: انا يسيدى عملت فشار وبعدين اتفرجت على فيلم لقيت منار اتأخرت فقمت اعمل بيتزا....
يلههوى البيتزا
- حازم: ايه اللى حصل
- حنين: اول ما كلمتنى كنت ماسكها وبعدين حطتها فى الفرن هى....يخبر ازرق انا حطيت الفوطة فى الفرن
وعندما وصلوا الى البيت كانت هناك رائحة حريق ملحوظة جدا
- حنين : اكسر الباب
- حازم: بس ارجعى لورا.......انا اتصلت بالمطافى مش هنعرف ندخل
- حنين : بس انا هدخل
- حازم بعصبية حنين.....حنين روحتى فين يا مجنونة حنين.....ردى عليا انا مش شايف حاجة