XNUT (Published under Pop Fiction)

xx1: One Crazy Start

xx1: One Crazy Start

[HAZELNUT's PoV]

Haaay, Hazelnut P. Guillermo..

Bakit ba ang ganda-ganda mo? AT SEXY PA.

Umikot ako at tinignan ang sexy kong katawan sa salamin. Grabe lang. Mas gumanda pa ko sa suot kong toh na fitted & black party dress!

"Hi miss." bati ng isang unknown male species na sumulpot sa likuran ko.

Nilingunan ko sya pero..ako lang ba o ano? Para kasing nagbago bigla ang paligid ko?

"Want some?" inabutan nya ko ng isang shot ng alak.

Tinanggap ko yun at ininom.

AY TEKA HAZEL! BA'T MO YAN ININOM?! Baka may something yan na makasasama sa beauty mo, lalo na sa ka-inosentehan mo!

Ehhh~ Bakit ba parang ayaw sumunod ng katawan ko sa isip ko? Sinimot ko pa yung inumin eh kahit alam ko na hindi ko yun dapat ininom!

"WEW!" nilapag ko sa countertop itong shotglass.

Huh? Teka. Kelan pa pala kami nakaupo dito sa counter ng isang bar?

Umakbay naman sakin itong lalaki at bumulong sa tenga ko. "Type ko ang tulad mo, miss."

Tinignan ko sya at tinaasan ng kilay. Ang labo ng itsura nya pero pamilyar sya ah. Feeling ko nagkita na kami dati.

"Type? Sorry pero taken na ko eh." tumayo na ko at iniwan yung lalaki.

Tinahak ko na ang madilim na daan palabas nitong bar. Pero napahinto ako bigla kasi nagbago na naman ang paligid ko eh! Bigla na lang akong nakatayo sa tapat ng isang kalsada!

"Tara, dun naman tayo sa bar ng kaibigan ko." rinig kong sabi ng lalaking iniwan ko kanina. AT ABA! Kumag toh! Akbayan ba raw ako ulit?!

Inalis ko ang pagkakaakbay nya sakin at tumawid na ko ng kalsada.

Pero hangkulet lang talaga ng kumag na toh! Sinabayan nya ko sa pagtawid at muling umakbay sakin! Bulong pa sya nang bulong ng kung anu-anong pangbobola! Ugh!

"ECHOSERO KA! Tantanan mo na ko, pwede?!" sigaw ko sa sakanya.

Biglang may nahagip ang mga mata ko na isang lalaki. Pababa sya ng kotse nya at napatingin sya sakin. Oops, inalis nya agad ang tingin mula sakin at tuluyan nang bumaba ng kotse nya.

Ampucha. Nakatawid na pala ko't lahat eh nakaakbay pa rin tong kumag sakin?!

AHH.. HAHAHA.. MAY NAISIP AKOW~

"GOSH! Bitawan mo na ko sabi!" sigaw ko na ulit kay kumag. "Nandyan na boyfriend ko!"

Nang makawala ako sa pagkakaakbay ni kumag ay mabilis akong tumakbo! Tumakbo ko palapit sa lalaking nakatitigan ko kanina then niyakap ko ang braso nya!

"SORRY BABE NATAGALAN AKO PUMUNTA DITO! MAY KUMAG KASI NA PINIPILIT ANG SARILI NYA SAKIN KAHIT SINABI KO NANG TAKEN NA KO!" dire-diretso ko yang sinabi dito sa lalaking niyakap ko. Sana naman, magets nya na kailangan ko syang umarte bilang boyfriend ko. Sana wag nya ko ipahiya!

Uh. Natigilan ako bigla.

Rinig kong kinukwestyon ni kumag itong ginawa ko pero yung mga salita nya, parang lumalabo ang dating sakin. Para bang nabibingi ako. Pero higit sa lahat, parang..

PARANG NANGYARI NA TOH DATI.

Bumalik na lang sa normal ang senses ko nang hawakan ako sa braso ni kumag.

"Halika nga dito nang mapatunayan natin yan!" sabi nya sabay hatak sakin!

"POTEK HA! WAG NA WAG MO NGA KONG MAHAWAK-HAWAKAN ULIT KUNDI MASASAPAK NA TALAGA KITA!" sigaw ko kay kumag at binawi na ang braso ko mula sa pagkakahawak nya. "KUNG GUSTO MONG PATUNAYAN KO YUN, DI KO NA KAILANGANG LUMAPIT PA SAYO! MAPAPATUNAYAN KO YUN DITO MISMO!"