(حكاية حور(🦋♥️
حور بود: لا عادي ولا يهمك عن اذنك.
وذهبت من امامه وهو اكمل طريقه الى الحفل واخذ ايمى وذهب إلى المنزل.
****************************
في اليوم الثاني.....
أسر يتجهز للذهاب الى عمله
ايمى بضحك: صباح الخير يا اسوره.
أسر بتذمر:مبلاش اسوره دى مش بحبها.
ايمى بزعل مصتنع: كده اخص عليك انا زعلانه منك هااا.
أسر بضحك: مقدرش على زعلك يا قلب اسوره انتى صباح النور يا ستى.
ايمى: طيب والله اخويا قمر خد بوسه صح هروح احضرلك الفطار تحب اعملك ايه.
أسر وهو ينظر الى ساعته: لا أنا متأخر خالص يدوب الحق.
ايمى: ماينفعش كل اى حاجة.
أسر: خلاص اعمليلى قهوه علشان افوق.
ايمى بمرح:اشطااا.
أسر بضحك: اشطاا يا اختى.
وهى تمشي لقد حصلت على رمز الاخوه اخدت على قفاها..
ايمى: متعرفش تتكلم من غير مدت ايدك أبدا.
أسر بضحك: دى محبه يا جزمه محبه.
ايمى بتوعد: ماشى مااشى هروح اعملك القهوه أنا.
وذهبت لتعد له القهوه ووجبه خفيفة...
ايمى بابتسامة خبيثه: اتفضل القهوة.
اسر بضحك: مع انى مش مرتاحلك بس هاتيها علشان متأخر.
وهو يشرب القهوه وايمى تضحك...
أسر بزعيق: يا خربيتك حطالى شطه يا إيمى شطه .
ايمى بضحك: بصبح عليك يا قلبى.
أسر بسرعه: هاتى مياه بسررعه.
واحضرت له الماء وجريت على غرفتها وهى تضحك بشده على اخيها...
اسر بوعيد وغضب: ماشى لما اجيلك..
وذهب إلى عمله
***************************
في مكان آخر..
حور بمرح: صباح الفل يا ست الكل.
مجيده بود: صباح النور يا روحى تعالى افطرى.
حور بجوع: حاضر يا نجنج هروح اصلى وارجع.
مجيده : ماشى .
وذهبت وادت فرضها وذهبت إلى والدتها..
ميجده: انا كلمت باباكى امبارح أنك هتروحى عنده النهارده.
حور: ايوا أن شاء الله الله هروح النهارده بس يا رب يوافق.
مجيده: يوافق على اى .
حور بابتسامة: بعدين هتعرفى هروح اجهز نفسي.
مجيده: روحى يا حبيبتى.
وذهبت حور لتجهز للذهاب الى والدها..
****************************
في الشركة..
حور بود: صباح الخير يا عم عبدو.
عم عبدو ( كان يعمل في منزلها بواب ولكن تركه وذهب ليعمل في الشركه): صباح النور يا ست حور عامله ايه.
حور بابتسامة هادئه: بخير الحمدلله لو سمحت اركن ليا العربيه عقبال ما اطلع لبابا يا عم عبدو.
عم عبدو:ماشى يا ست حور هاتى.
أعطته المفتاح وذهبت إلى مكتب والدها ..
((ملحوظه))
لا احد يعرف أن حور بنت صاحب الشركة غير عم عبدو لانه كان يعمل في منزلها مسبقا....
حور للسكرتارية: لو سمحتى عاوزه اقابل استاذ محمد السيد.
السكرتاريه بعمليه: حضرتك معاكى معاد سابق.
حور: لا بس من فضلك قوليله الانسه حور بره.
السكرتاريه بعمليه: حاضر يا فندم ثوانى.
وبعد عده دقائق...
السكرتاريه : اتفضلى يا انسه حور في انتظارك.
حور بود: شكراً.
وذهبت إلى مكتب والدها...
حور بمرح: السلام عليكم ياا حج.
محمد بضحك: وعليكوو ... أنا مش قولتلك لما تيجى قولى أنك بنتى وتدخلى علطول.
حور بمرح: أنت عارف يا بابا عاوزهم يتعملوا معايا بطبعيتهم.
محمد بيأس من ابنته: طيب يا حبيبتى اى سبب الزياره الجميله دى.
حور بمرح: باباا انت عارف انى بحبك ولا لا يا حبى الاول والاخير.
محمد بضحك: عارف عارف انتى هاتقولى..خشى على الموضوع علطول.
حور بجديه مصتنعه: يا فندم انا جايه اشتغل عندك لو مش عندك مانع.
محمد بنفس الجديه: تمام يا انسه بس اي اللى يخلينى اقبل انك تشتغلى معايا فين السيڤى بتاعك.
حور بمرح: انت متعرفش.
محمد بضحك: لا معرفش يا ريت تعرفينى لو سمحتى.
حور بغرور مصتنع: أنا أبقى بنت صاحب الشركة.
محمد بدهشه مصتنعه: بجد اتفضلى اتفضلى خلاص قبلتك.
حور بجديه: بجد يا بابا عاوزه اشتغل معاك بس من غير ما حد يعرف انى بنتك.
محمد بتفهم: ماشي يا حبيبتي من بكره تبدئى شغلك من الساعه 8 الصبح واى تأخير هيتخصم منك زى اى موظف هنا.
حور بمرح: تمام يا فندم اى اومر تانيه.
محمد: لا كفايا عليكى كده.
حور: هروح أنا بقا سلام يا حبيبي.
محمد بحنان: سلام خدى بالك من نفسك.
حور: حاضر من عنيا.
وذهبت وهيا في طريقها الى خارج الشركه اصتدمت في شخص..
حور باسف: اسفه.
أسر: ولا يهمك.
حور/أسر في نفس اللحظه: هو انت/هو انتى.
حور بضحك: اسفه مره تانيه.
اسر: عادي ولا يهمك بس لتانى مره ومعرفش إسمك.
حور بابتسامة هادئه: اسمى حور.
أسر: وانا أسر اتشرفنا.
حور: الشرف ليا.
وهنا اتت من خلفهم مريم...
مريم وهى تتطلع على حور بتكبر : أسر استاذ ايهاب (يعمل ضمن فريق أسر ) عاوزك.
أسر بعمليه: تمام جاى ومن بعدها نظر لحور عن اذنك.
حور: اتفضل.
ثم رحلت باستغراب من هذه الفتاه (مريم) التى كانت تنظر لها بضيق وتكبر ...
****************************
حور وهي في طريقها إلى المنزل رن هاتفها..
حور: الو ازيك يا جيسي.
جيسيكا: ازيك يا قلبى فينك.
حور: مروحه البيت تعالى.
جيسي بفرح: مش هقدر النهارده عاصم هيطلعنى.
حور بمرح: ايوا يا عم ولاعه معاكى .
جيسي بضحك: قري يا اختى ما هيا ناقصه.
حور بغرور مصتنع: مش هينفع اقر أنا عينى زرقه.
جيسي بضحك: طيب يا حبيبتى يا أم عيون زرقه سلام علشان اجهز نفسي.
حور بود: سلام يا قلبى بس عاوزه تقرير كامل مكمل بدل ما انتى عارفه.
جيسي بضحك: حاضر.
واغلقت الخط واكملت طريقها إلى المنزل..
****************************
حل الليل وانزل ستائره...
في منزل أسر...
أسر: مسا الخير.
الكل: مسا النور.
أسر بخبث: اومال فين ايمى يا ماما.
سالى بضحك: اول ما سمعت صوت العربيه جريت على اوضتها بتقول قولوه ماتت.
اسر بضحكه خبيثه: بقا كده وانا اللى كنت جايبلها شكولاته.
جريت ايمى ناحيه اخيها لأنها كانت مستخبيه وراء الكرسي...
ايمى بمرح: اخويا حبيبي انت جيت.
أسر ولقد امسك بها: ايوا يا قلبى .
ايمى بخوف: انت ليه ماسكنى زى الحراميه كده وبعدين فين الشكولاته.
أسر بوعيد: بقا انت تحطيلى شطه يا ايمى في القهوه .
ايمى بمرح: قلبك أبيض يا خويا الله.
اسر وهو ينظر الى سالى: سالى
سالى بضحك: نعم.
اسر وقد غمز لها: تعالى خدى الشكولاته دى لوحدك.
وذهبت سالى لتأخذ الشكولاته منه تحت حسره ايمى..
ايمى لاسر: كده يا أسر وانا.
أسر بجديه مصتنعه: اعتذرى.
ايمى وقد اوشكت على البكاء: اسفه.
لم يستحمل أسر منظرها لانه قد قطع وعد علي نفسه انهم لا يبكون ابدا حتى لو فرح..
أسر بحنان: تعالى يا اخره صبرى ثم اخرج لها الشكولاته بتاعتها من جيب بدلته..
ايمى بفرح: كنت عارفه .
واخذتها وجريت على غرفتها.
أسر بضحك: مافيش شكراً حتى.
والدته بحنان: احضرلك العشا يا حبيبي.
أسر وهو يذهب إليها ويعطيها الشكولا خاصتها: لا يا امى مش جعان هروح انام تصبحى على خير.
فاتن بحنان: تلاقى الخير.
وذهب إلى غرفته واخذ حمام ساخن وغط في نوم عميق..
****************************
في مكان آخر
تحديدا في مطعم راقى..
عاصم وهو يبعد الكرسى لجيسيكا لتجلس: اتفضلى يا حبيبتي.
جيسيكا بخجل: تسلم.
عاصم وهو متعمد اخجالها: اى القمر ده حلوه اوي النهارده..فانها كانت ترتدي فستان بالون الاسود ومزين ببعض اللؤلؤ البسيط فاكانت جميله للغايه...
جيسيكا بابتسامه خجله: مرسي.
عاصم بضحك: يالهوى قفص طماطم قاعد على خدودك.
جيسيكا: مخلاص يا عاصم الله.
عاصم بمرح: خلاص حاضر...
****************************يتاااابع
أنت تقرأ
حكاية حور♥️
Romanceمحتوى الروايه أن الذى يحب لا يعرف المستحيل ويفعل المستحيل للوصول الى حبه.. و الذى ظلم سوف يأتى يوما ويرجع نادما ويظلم كما يقولون (كما تدين تدان ولو بعد حين) وهى اول مره اكتب فيها روايه وياريت تعجبكم..❤️🦋 "كل مَنا لديه حكاية، ولكن حكايتها تختلف."
