(حكاية حور♥️)
في الشركة....
في غرفه الاجتماعات..
حور وهى تنظر الى والدها بسعاده فهو يعمل كمدير جيد وكأب رائع وتحمد ربها عليه كثيرا وقطع تفكريها صوت والدها وهو يحدث أسر......
محمد بدهشه: أسر مين عمل الملفات دى.
أسر بهدوء: انسه حور يا فندم.
محمد وهو ينظر لها بغموض: كويس جدا يا انسه حور اتمنى تبقى احسن.
حور بارتباك: شكرا يا فندم وأن شاء الله اكون عند حسن ظن حضرتك.
محمد بهدوء: تمام.
ثم اكمل الاجتماع......
****************************
في منزل جيسيكا...
عاصم يرن..
جيسيكا: الو.
عاصم: الو يا جيسي عامله ايه.
جيسيكا: بخير الحمدلله.
عاصم بسرعه: جيسيى عاوز احدد يوم كتب الكتاب.
جيسيكا بخجل ممزوجه بفرحه: ليه السرعه دى.
عاصم بضحك: سرعه اى انتى ناسيه اننا مخطوبين لينا سنتين ولا إيه.
جيسيكا بمرح: انت حاسبهم بقا.
عاصم: ايوا حاسبهم وخلاص قرارت النهارده هاجى وهنحدد.
****************************
مر عده أيام وحور تثبت كفائتها في العمل وجيسيكا تحدد موعد زفافها على عاصم... وقد أعجب بها أسر وبشده وقرار ان يصراحها بماشاعره اليوم...
**************
حور في مكتبها تعمل وتذكرت ان بكره زفاف جيسيكا والمفروض تقدم على اجازه....
حور لنفسها: انا هروح اخد اجازه من عند أسر.
وذهبت......
أمام مكتب أسر...
حور بارتباك: احم احم أستاذ أسر.
أسر بهدوء: انسه حور اتفضلى.
حور: شكراً كنت عاوزه اقولك انى هاخد اجازه يومين وبما انك المدير بتاعى ينفع توافق.
أسر وهو يفكر ..ازاى عاوزه تغيب يومين ده انا باجى الشغل علشانها انا هقولها النهارده واللى يحصل يحصل: احم تمام موافق بس استاذنك أنك تشربى معايا القهوه بعد الشركه.
حور باسف: اسفه جدا مش هقدر علشان انا بعد الشركه هروح لجيسيكا اصل فرحها بعد يومين وأتمنى حضرتك تيجى.
أسر بهدوء: تمام ان شاء الله هاجى.
حور: تمام .
واستاذنت ورحلت لتكمل عملها واسر ظل يفكر...
أسر لنسفه: يعنى ست جيسيكا تتجوز وانا معرفش اقول لحور انى معجب بيها يخرب بيت حظك يا أسر.
****************************
في مكان آخر..
تحديدا منزل جيسيكا..
مجيده
خالتها: والله وكبرتى يا جيسي وبقيتى عروسه ربنا يحفظك يا حبيبتي.
جيسيكا بفرح: يارب يا خالتو هيا حور مش جايه ولا إيه.
مجيده: لا هتيجى طبعاً بس تخلص الشغل النهارده.
جيسيكا بتذمر: ما انا قولتلها ماتروحيش وبرضو راحت هروح اتصل بيها.
مجيده: طيب يا حبيبتى وانا هروح اساعد مديحه.
وذهبت إلى اختها..
جيسيكا ترن على حور..
حور: الو.
جيسيكا بغضب: يالهوى على الروقان الو يا هانم اتاخرتى ليه يا جزمه وغير كده مش قولتلك ماتروحيش وبرضو روحتى انا عارفه انك مش بتحبينى وبدأت تبكى بكاء مصتنع اهئ اهئ.
حور بسرعه: اهدى يا جيسي يا حبيبتي انا جايه اهوا وبعدين مين اللى مش بتحبك يا واطيه لما اجيلك بس.
جيسيكا: مستنياكى يلا يا حور ورانا حاجات كتير.
حور: حاضر هخلص الملف ده واجيلك علطول.
جيسيكا بفرح: حوور.
حور بضحك: يانعم.
جيسيكا ببراءة: هتجبيلى ايس كريم.
حور بمرح: ربنا يعينك يا عاصم هتتجوز طفله.
جيسيكا بزعل: خلاص خلاص يا حور مش عاوزة سلام.
حور بمرح: خدى يا بت هجبلك والله هجبلك اتنين مش واحده افرحى.
جيسيكا بفرح: طيب سلام.
حور: سلام.
****************************
إنتهى دوام العمل ورحل كل المواظفين الى منازلهم....
****************************
في منزل مريم....
محسن بغضب:. اهو شرفت ست الحسن والجمال .
مريم: عاوز ايه انا مش فايقه خالص ليك.
محسن بغضب: نعم يا اختى وانا هعوز منك أى وضربها بالقلم غورى من وشي.
مريم وهو محاولة تبين انها قويه قالت ببرود: هغور من وشك اللى شبه قفاك ده .
وذهبت الى غرفتها لتنهار حصونها وتبدا في البكاء المرير وهى تتحدث مع صوره والدها..
مريم ببكاء: ليه سبتنى اتعذب ماكنت روحت معاك كان لازم اتعذب واشوف المر اللى انا فيه ده وكمان سي زفت (أسر) مش حاسس بيا خالص كانى هواء جنبه نفسي يعجب بيا ويتجوزنى وابعد عن كل ده ياااارب..
ومن بعدها مسحت دموعها بقوه وقالت.. بس انا هعمل المستحيل علشان اوصله وغطت في نوم عميق..
****************************
منزل أسر..
أسر : مسا الخير.
كلهم: مسا النور.
ايمى: احضرلك الغدا يا حبيبي.
اسر بتعب: لا انا هروح انام.
ايمى: ماشى تصبح على خير.
اسر: وانتى من اهل الخير.
وذهب الى غرفته لياخذ قسط من الراحه...
****************************
في منزل جيسيكا..
حور وهى تخبط على الباب: جيسي يا زفته افتحى.
جيسيكا من ورا الباب: لا اعتذرى الاول.
حور بغضب: هعتذر ليه يا بنتى افتحى.
جيسيكا باصرار: اعتذرى.
حور: اسفه اهو اخلصى بقا.
جيسيكا بانتصار: كويس وفتحت الباب واخذت الايس كريم وجريت الى غرفتها وحور تجرى ورائها لتمسك بها..
حور بغضب: جيسيكااااا والله لموتك انتى يا زفته.
جيسيكا بضحك: هتموتينى وانا بعد يومين فرحى اه يا جاحده.
حور بقله حيله: اااه يا ربى .
وذهبو ليجهزو الاغراض التي تخص الزفاف...
****************************
حل الليل وانزل ستائره..
في منزل اسر..
ايمى: اااسر يا اااسر.
أسر بغضب: اااي هو انا مش جنبك.
ايمى بضحك: ما هو انت مش معايا خالص.
أسر: طيب عاوزه اى.
ايمى ببراءة:عاوزه اروح فرح صحبتى.
اسر : امتا.
ايمى:بعد يومين بس عاوزه انزل معاهم اجيب فستان ليا ونجهز شويه حاجات.
اسر : بعد يومين مش فاضى خديلك اوبر.
ايمى بدهشه: اوبر يا أسر يعنى مش هتوصلنى.
أسر ببرود: وهو كذلك.
ايمى بمرح: طووويب براحتك .
وذهبت إلى غرفتها...
ايمى رن هاتفها..
ايمى: الو يا روان.
روان: ازيك يا إيمى.
ايمى: الحمدلله هتنزلو امتا.
روان: انا كلمت جيسيكا وحور وقالوا بكره على الساعه 9.
ايمى: تمام الساعه 9 أن شاء الله هكون مستنياكى نعدى عليهم.
روان: طيب تصبحى على خير يا قلبى.
ايمى: وانتى بخير.
واغلقت هاتفها وخلدت الى النوم..
****************************
في صباح اليوم التالي...
ايمى لسالى: هتروحى معايا.
سالى: لا مش فاضيه هروح في الفرح علطول انزلى انتى.
ايمى: طيب سلام انا رايحه عاوزه حاجه يا ماما.
فاتن: لا يا حبيبتي سلام.
سالى: سلام.
وذهبت لتقابل روان...
****************************
في الشركة..
مريم : أسر يا أسر.
اسر بعمليه: نعم يا انسه مريم.
مريم بارتباك:..........................
****************************يتااااابع
بقلمى..
#شروق_محمود🖤🦋
أنت تقرأ
حكاية حور♥️
Romanceمحتوى الروايه أن الذى يحب لا يعرف المستحيل ويفعل المستحيل للوصول الى حبه.. و الذى ظلم سوف يأتى يوما ويرجع نادما ويظلم كما يقولون (كما تدين تدان ولو بعد حين) وهى اول مره اكتب فيها روايه وياريت تعجبكم..❤️🦋 "كل مَنا لديه حكاية، ولكن حكايتها تختلف."
