حكاية حور⁦⁦♥️⁩

البارت الخامس والثلاثون⁦♥️⁩🦋

(حكاية حور⁦♥️⁩)

وصلنا البارت اللى فات لما أدهم كان عاوز يقول لروان حاجه..
روان:عاوز ايه بقا.
أدهم: عاوزك تدينى فرصة اعبرلك عن مشاعرى مش كل حاجة دبش ولا هو من حقك تعملى كده لأنك لسه عرفانى قريب بس مش كده.
روان لنفسها.. أنت بتقول أى أنا حاسه انى اعرفك من زمااان..: هااا وبعدين.
أدهم: ولا قبلين هتدينى الفرصة دى!!
روان بتفكير: ماشى هديلك بس هى فرصه واحده.
أدهم بفرح: تمام.
*****************************في يوم جديد...
في مكتب أسر..
هدى: استاذ اسر في حد عاوز يقبلك.
اسر باستغراب: مين!
هدى:مش عارفه.
أسر بهدوء: طيب دخليه.
الشخص: ازيك يا ابن عمى.
أسر: سالم .
سالم: ايوا عامل ايه.
أسر: بخير والحمد لله بس اى سبب الزياره .
سالم: أنا عارف أن ابويا عمل حاجات كتير و
ليكم وحشه بس عارف أن قلبك ابيض وهتسامحه.
أسر بانفعال:ااسامح مييين ده ابوك حرمنى من ابويا عيشنى يتيم وفوق ده كله عاوزنى أسامحه!
سالم: عارف وليك كل الحق انك ماتسامحوش بس أنا جايلك النهارده علشان اعتذرلك على اللى حصل وفات نيابة عن ابويا واتمنى انك تقبل الاعتذار علشان خاطري.
أسر: خاطرك على دماغى من فوق  بس أنا مش هقدر اسامح ابوك مهما حصل.
سالم: خلاص على راحتك..المهم الف مبروك على الفرح .
أسر: الله يبارك فيك واكيد جاى.
سالم: أكيد من غير ما تقول.
اسر: هااا بقا تشرب أى الكلام خدنا ومسئلتكش.
سالم:خيرك سابق انا هروح أخلص شغل اللى ليا هنا علشان ارجع البلد.. سلام.
أسر:مع السلامة.
******************************
في منزل أسر..
إيمى بفرح: بجد يا مارو هتنزل بكره القاهره.
مراد: ايوة يروحي كل حاجة تمام وهنزل بإذن الله.
ايمى: مستنياك بفارغ الصبر.
مراد بخبث: وحشتك.
ايمى بحب : جدا جدا جدا كمان ونفسي اشوفك.
مراد: وأنتى أكتر يلا سلام هروح احضر الشنط لسفر بكره.
ايمى: ماشى يا ظبوطتى يا قمر انت.
مراد بمرح: أى ده أنتى بتعاكسينى.
إيمى:ايووون بعاكسك .
مراد:اعتبر ده اعتراااف.
ايمى بحب: أيوا والقضية أنى واقعة في حبك.
مراد ضحك: أى التطور ده مين اللى كانت بتتكسف من خيالها .
ايمى بضحك:انسي ده كان زمان دلوقتي أنت جوزى وحبيبي وكل حاجه ليا.
مراد:تصدقى أنا هنزل دلوقتي.
إيمى بضحك:لا الدنيا ليل النهار ليه عنين انزل بكره.
مراد:ماشى يا حبيبتي تصبحى على خير.
ايمى: وانتى بخير.
ايمى بعد أن اغلقت اخط...
ايمى:هييييه هيجى اخيرا هشوفه الحمدلله يااارب.
اسر بضحك:يوم الاقيى معيطة وخاربه الدنيا ودلوقتى الاقيكى عامله زي القرد بتتنطتى على السرير.
إيمى بخضه: أى يا عم خضتنى ثم اكملت..بس عارف هسامحك علشان أنا مبسوطه دلوقتي.
أسر بضحك: شكراً لكرم اخلاقك بس أى المناسبه.
ايمى بفرح:مراد جاى بكره.
اسر لنفسه ازاى ده…:اها حمدلله على سلامته يا قلبى وتفضلى مبسوطه دايماا.
ايمى: يااارب.
أسر: تصبحى على خير.
ايمى: وأنت بخير
وخرج واتصل على مراد......
مراد بمرح: أهلا أهلا أهلا باعز الحبايب اهلاااا.
أسر بضحك: اهلا اهلا اهلا بالقمر اللى غايب اهلااا.
مراد:عامل ايه .
أسر: الحمدلله بخير وأنت قال نازل بكره.
مراد: ايوا أن شاء الله فاكر الموضوع اللى كلمتك عنه طلع مش حقيقي وانا سليم ومافيش عليا حاجة وبكده قبضت عليهم وخلصت المهمة وراجع..
فلااااش باك.. مراد:صحبى يا صحبى.
أسر بغضب: مزعل ايمى ليه يا حيوان.
مراد: هى قالتلك.
أسر: لا كنت داخل اوضتى سمعت بكاها.
مراد بزعل: طيب هى عامله ايه دلوقت.
أسر: الحمدلله كويسه خلتها تنام.. في أى بقا.
مراد:فى أن العصابة اللى المفروض اقبض عليها لافقتلى قضيه وحطولى مخدرات في عربي وأنت عارف مافيش حد عالى على القانون بس أنا أصلا بكلمك من مكتب الرائد محمد لغايت بكره لان هما ميعرفوش انى مركب كاميرات مراقبه في العربية وبكده هقبض عليهم وده محتاج وقت.
أسر بدهشه:حصل امتا كل ده ومقولتيش ليه.
مراد: أنت في ايه ولا ايه.
أسر: برضو كان لازم اعرف.
مراد:معلش يا أسر متزعلش.
أسر بتفهم:تمام...
عوده للوقت الحالى
أسر: ترجع بالسلامة.
مراد: الله يسلمك.
******************************
عدت الايام ومافيش جديد...
وآت اليوم المنتظر...
*يوم زفاف حور وأسر ومراد و ايمى*
حور:جيسييي الفستان مظبوط. ..فكانت ترتدى الفستان الابيض ذو التصميم الرقيق و الرائع وكانت في غاية الروعة والجمال وكانت تضع بعض من مساحيق التجميل.
جيسيكا بفرح وعيون مليانه دموع: يروحي طالعه شبه الملاااك ربنا يسعدك.
ايمى بمرح من خلفهم:طيب وانااا.
جيسيكا:لا بقا انتوا لازم تتبخرو علشان متتحسدوش طلعين حلوين اوي.
حور بفرح: طالعه قمر يروحي.. ثم اكملت عقبال ناس ورانا.
روان بضحك: طيب معطلكمش أنا هخرج شويه وصح طالعين زى القمر وخرجت.
حور والبنات ضحكو عليها..
مدام نسرين:يلا يا انسه حور والانسه ايمى علشان نجهزكم لان العرسان على وصول.
حور،ايمى:يلا.
******************************
في منزل حور..
مجيده ببكاء وهى تمسك فستان حور وهى صغيرة:كبيرتى يا مفعوصه وهتتجوزى اصحى مين أنا دلوقتي ولا اهزأ مين.
محمد حزين أيضا على فراق ابنته ولكن تحدث بضحك ليخفف عن زوجته: خلاص يا مجيدة مش هتموت دى هتتجوز ولا اقولك أنا هالغى الجوازه دى والبنت مالهاش اللى بيت ابوها ولا أى يا أدهم.
أدهم بضحك:زي ما قولت يا حج البنت مالهاش اللى بيت ابوها.
مجيده:لا ربنا يسعدها ويكرمها في حياتها.
محمد:ياارب ..يلا بقا علشان نروح على القاعة نستقبل الناس .. ثم نظر لادهم وأنت روح جيب حور مع أسر.
ادهم بفرح:حاضر وانا كلمته وهنتقابل هناك.
مديحة:يلا يا مجيدة وسام مستنى تحت بالعربيه.
مجيدة: ماشي.
وذهبو جميعاً..
******************************
في مكان آخر..
أسر:يلا مراد علشان نروح نجيب حور وايمى من الكوافير.
مراد بضحك:اسمه بيوتى سنتر يا جاهل.
أسر بضحك: راح جيه كوافير.
مراد: طيب يلا يا أخويا..
******************************

أمام البيوتى سنتر...
مدام نسرين: يلا يا بنوتات عرسانكم وصلوا.
نزلت حور وكانت تشبه إحدى الاميرات..
أسر بدهشه:مين أنتى .
حور بمرح:مالك يا شبح مش عارفنى.
أسر بصلها بقرف: لا عرفتك بس صوتك مش ماشى مع شكلك خاالص.
حور بدلع: كده يا اسورتى.
أسر بضحك:لا والنبى اتلمى كده بدل ما أقول مافيش فرح واخطفك.
حور ضحكت:شكلى عامل ازاى.
أسر: عارفه سندريلا.
حور: اها.
أسر بحب: انتى طالعه أحلى منها.
نسيب دول بقا ونروح لايمى ومراد..
إيمى بفرح: ماارو أى رايك في فستانى.
مراد بحب:قمر يروحي قمر.
ايمى: بجد.
مراد: جدا جدا جدا جدا لدرجة اني عاوزه اخبيكى جوا عيونى ومحدش يشوفك.
ايمى بصتله بحب وضحكت..
جيسيكا من خلفهم: احم احم في ناااس مستنيه يلا.
ضحكو ..مااشي وركبوا العربيات ليذهبو ولكن لم يوجد مكان لروان او (هذه خطة ادهم مع جيسيكا أيهما أقرب ⁦❤️⁩😹)
أدهم بأسف مصتنع:اووبس مافيش مكان بس ممكن تيجى معاياا.
جيسيكا بضحك: ايوا يا رونى روحى معاه.
روان بصتلهم بغيظ:طيييب.
أدهم بفرح:اتفضلى..وفتح لها باب العربيه..
روان: شكراً وركبت.
وهما في الطريق..
أدهم:تعرفى إنك طالعه قمر خالص يا ذات البنفسج.
فهى كانت ترتدي فستان بالون البنفسجي ومزين بالورد الابيض وكانت رائعة بمعنى الكلمه.
روان بكسوف: شكراً.
أدهم ضحك: أى القمر اتكسف.
روان بتهديد: سوق وأنت ساكت.
أدهم:طيب.
*****************
وصلوا جميعهم إلى القاعة التى تعتبر اكبر قاعات افراح فى القاهرة...
وبدأت السهرة برقصهم على أغنيه رومانسيه هادئه...
ثم اكملو الحفله بالرقص على المهرجانات وكان الكل سعيد (ياااااااه أخيراً اتجوز ده أنا كنت قربت ايئس🙂😹😹)
أسر وحور قعدين على الكوشه واشتغلت أغنيه..عود البنات عالى شقلبلى أنا حاالى..

حور: ااااسر.
أسر: أى.
حور: عاوزه ارقص على الاغنيه دي والنبى والنبى.
أسر: لا كفايا عليكى كده.
حور:معليييش معلش.
أسر: طيب.
حور:هييييه يلاا.
ونزلوا ورقصو عليها هما الاتنين ومراد وايمى بيرقصو بسعادة ...وهنا اسر ومراد بصو لبعض وقالو..
1-2-3
وكل منهم حمل اميرته و وصار يدور بها.
وانتهى اليوم بكل فرح وسعادة...
******************************
في منزل مراد إيمى واقفه مش راضيه تدخل الشقة.
مراد:ااى عجبك السلم!!
ايمى: لا شيلنى زى الافلام ودخلنى.
مراد بمرح:ما أنا لسه شايلك.
ايمى: مااليش دعوه.
مراد وهو يحملها: مبسوطه كده.
إيمى قبلته على وجنته: اووووى.
*****************************
في منزل أسر وحور...
أسر بخبث:حور تعالى أقولك على حاجة.
حور بقلق: مش مستريحالك.
أسر ببراءة مصتنعه:ليه بس.
حور ضحكت: مش عارفه.
أسر:هتيجى اقولك ولا اجيلك أنا.
حور: اااااسر.
أسر بحب:قلبه.
حور:بحبك.
*****************************يتاااااابع
أى رايكم في البارت..
#شروق_محمود.🖤✍🏻