تزوجت داعشي باللهجة اليبييه

حقيقه

وييي جيت ف الموعد ولا 😍
عارفه لا سوري 💔💜
هي هي اهيا الحلقه تع اليوم 🤤💜

____________

مالك : حكا كل شي ل محمد
محمد : مرعوب و الصدمه ع وجهة كانت كل الطرق عندهم مسدوده و بعد عرف حقيقتهم الوسخه زاد تأكد ان مفيش مفر ولازم يخشو معاهم في أعمالهم الجايه و قتلهم و ضلمهمو و الا بيموتوا !!!!!!!

.. حني مستحيل نقدرو نطلعو مستحيل يا مالك معاش ف حل الطرق كلهم نهايتهم الموت يا مالك حني منموتو في اي وقت شن جابنا هنا بس نبي نشوف اهلي استاحشتهم ليا شهرين مسمعتش حتى صوتهم بس و نطلب السماح من امي علي درته كل عمري كنت عاصي و عنايدي و مش مهنيها يارب تسامحني على لي درته فيها

_____________

ردو بالكم تزعلوا أمهاتكم ويبعدوا عليكم و تعرف الكنز ل كان بين أيديكم و محافظتوش عليه صدقوني الام اغلى ما في الدنيا لا يغركم المال والبنون والازواج والشهوات و الملهيات كلهم هادو بيفنو ولا بيمشو ل شخص تاني يوم من الايام وبيسيبوك لاكن الشخص الوحيد لي يفني عمره ع خاطرك هوا امك
يجيكم يوم وتندمو و ما ينفع الندم !!

_____________

مالك : تأثر واجد و تفكر امه واهله و خطيبته لي راجاته خمسه سنين بيش يكمل قرايته برا و ل توا متإكد إنها قاعده تراجي فيه لأنها تحبه واجد
زعما يسحابوني متت ولا مزال عندهم امل فيا بعد 5 شهور هادو والله انا نستاهل لأن قلبي ميت و مكلمتمهمش معا انه نقدر نكلمهم مش زي احمد !!!

_____________

نادر: شن صار معاك خيرها رجلك
فهد: شي حصلت شوي خبطات منهم و خدو التيلفون و خلاص
نادر: عاجبك توا هكي اركح و هني روحك خيرماتجي المره الجاية ع رقبتك
فهد: نادر ريحني انا مدرتش شي
نادر: ت باه باه اني ننصح فيك بس

_____________

الراويه بسملة : منوضحلكم شوي حاجات يا حلوين😍
. مالك جاي قبل محمد و فهد و نادر هما صاحب من ليبيا 😁💜
.فهد و نادر في مخيم تاني معا بعضهم حتى هما فهد و مالك كانو ع تواصل لاكن فهد بلغو فيه و يسحابوه جاسوس لاكن ملقوش اي دليل ولا اي شي غير مكالمات معا مالك و اهله..!!!
. معا هاذا فهد تلقا ضرب قبل ما يكتشفو انه مش جاسوس لأنه كان شخصيته قويه و ميسكتش ع حقه و لا يرضا بالاهانة و الذل

_____________

في ليبيا ...

سحر "خطيبة مالك": توا قوليلي شن اندير هي
مرام "صاحبتها " : اني نقولك افسخي المطبخ معقولة مش مدارك وأهله عاساس ميعلموش بي شي توا كذابين غر ميبوش يقولولك هادو خزي هالمايتحشمو
سحر : زعما نفسخ بعد كل هالسنين رآهم مش شويه يا مرام كيف نفسخ
مرام : ت من قالك حتى انه حي بكل هوا انا سمعت من الجيران انه مفيش عليه أخبار لا هوا ولا صحابه ل معاه ف احتمال كبير انه يكون ميت
سحر : وجعها خاطرها و بعد كل السنين ل راجتهم و حبها ليه مش ح يتزوجو و يمكن يكون ميت 🥺💔
مرام : متزعليش يا حبيبتي في غيره هلبا وانتي ماشاء الله جمال و اخلاق مجرد ما تفسخي توا تاخدي ولد الناس لي يحبك و يهتم بيك مش زي الكلب هذا حسبي الله ونعم الوكيل فيه
سحر : علاش تتحسبي عليه توا
مرام: لأنه زعلك وانا والله ما نرضا زعلك
سحر : يكون و صلت شاهي و تفكر هل تقول ل اهلها إنها تبي تفسخ ولا تزيد تصبر!!
مرام: هوا قرارك و حياتك ننصحك و ماحد دخله بيك ولا يقدر يتحكم فيك