النهارده هيكون البارت مختلف شويه يعني مش قصه زي ما اتعودنا النهارده هيكون الكلام عن ............
"لعبة بابچي"
عمري ما كنت اتخيل اني فى يوم من الأيام هكتب عن لعبة😂💔
يلا صلوا على الحبيب
الفترة دي الدنيا مقلوبة بسبب لعبة بابچي لانهم بيعلمونا فيها ازاي نتوسل للأصنام!!!!!
الموضوع عبارة عن انك بتبقي محتاجة أسلحة فلازم تروحي تتوسلي لصنم معين وهو هيعطيكي الأسلحة دي..
طبعا ناس كتير هتقول انتم مكبرين الموضوع وعادي دي لعبة وعمرنا ما هنعبد أصنام يعني!!
هرد عليكم واقول لكم ان فعلا بفضل الله وحده عمرنا ما هنعبد أصنام ولا هنفكر فيهم أساسا..
لكن مسألتوش نفسكم سؤال "الناس اللي عملت بابچي دي ايه هدفهم انهم يخلوا جيل بحاله يروح يتوسل لصنم علشان يحققله اللي عايزه؟!!!"
انتم متخيلين ان الناس دول بيعلمونا ازاي نتوسل لغير الله؟!!
لأ وكمان اللي انتِ عايزاه مش هيتحقق غير لما تروحي تعبدي الصنم دا وتتوسلي له بطريقة معينة وهي انك تخفضي راسك كدا لتحت وتحطي ايدك الاتنين مع بعض🙏.."تحسي انك فى بيت رعب😂💔"
نفوق لنفسنا الله يرضى عنكم ونفوق لأولادنا لان ربنا وحده اللي عالم الناس دول عايزين يوصلونا لايه فخلونا نحمي نفسنا منهم ونقرب من أولادنا وأصحابنا ونعرفهم ان حرام جدا اضيع بال3 ساعات على لعبة!!
خليكم ناصحين واعملوا كل حاجة نفسكم فيها بس ترضي ربنا..
يعني اللهم بارك اعرف ناس بتعمل كل حاجة من ناحية دينها وتعلم اخواتها الصغيرين وبعد كدا تخصص وقت يلعبوا فيه لعب جميلة ويهزروا ويضحكوا والحياة جميلة والله
يعني انا عن نفسي بعشق لعبة الفرق بين الصور😂💜
عايزاكِ بجد تكوني ناصحة كدا وترتبي حياتك بطريقة جميلة ترضي الله عز وچل..
يعني نظمي يومك وقربي من اخواتك واتفقوا على وقت معين بعد أما تخلصوا كل اللي وراكم تقعدوا بقى تلعبوا سوا على الفون وتنزلوا نفس اللعبة مثلا وتعملوا مسابقة مين اللي هيكسب الدور دا..أو تلعبوا حجرة ورقة مقص😂💜..
ويا سلام لو تعملوا مسابقة أسئلة دينية وتشوفوا مين اللي هيجاوب صح أكتر
والله الحياة بتبقى جميلة جدًا برضا ربنا وتحسي سبحان الله مهما كانت حياتك مليانة كرب وابتلاءات برضو قلبك بيكون مرتاح وبتبقي متيقنة ان كل اللي بيحصل لك دا خير مهما كان مليان وجع وحزن✨
قربي من ربنا بجد واعملي لنفسك ولحبايبك ركن جميل كدا تفضلوا عايشين فيه ومحاوطين على بعض لحد اما كل واحد يخلص رحلته على خير فى الدنيا الفانية دي
ربنا يحمينا من شر الفتن ويهدينا وينور قلوبنا جميعًا برضا الرحمن
"حصنوا نفسكم دايمًا بذكر الله"
سُبحانك اللهم وبحمدك أشهد أن لا إله إلا أنت أستغفرك وأتوب إليك
وما توفيقي إلا بالله وحده لا شريك له..له المُلك وله الحمد وهو على كل شيء قدير
المُتفائلة بالفردَوس
#منى_صالح🌸
أنت تقرأ
قصص واقعيه للعبره
Short Storyكل واحد في حياته قصه بتحركه تجاه مستقبله وحياته اللي جايه قصه بياخد منها عبره لحياته بيتعلم منها ويحفظ منها تجارب وخبرات بتعلمه ازاي يبص علي اللي جاي.
