إبني عايز يشرب لإنه مش شايف إن فيه حكمة من العطش...!!!
لو بنصوم علشان نحس بالفقرا... فكفايه إننا مناكلش، ليه منشربش....؟؟؟
وبعدين الفقرا كمان بيصومو.. طب بيصومو علشان يحسو بمين...؟؟؟
والحقيقة الواد عنده حق...
فكرة إن الصيام هدفه إننا نحس بالفقراء فكرة غلط ١٠٠٪...
مفيش آية في القرآن بتقول إننا بنصوم علشان نحس بالفقراء...
الفكرة دي بتطلع ملايين فاهمين إن الصيام مجرد تكدير وعكننة...
شوية جوع وعطش وصداع... كان ممكن نحس بالفقرا بطريقة تانيه غير كدا...
ودي كارثة... لإننا بنخسر الهدف الوحيد من الصيام.... ولما الهدف يضيع منك هتتعب أكتر لإنك مش فاهم حكمته...
علم ولادك إن الصيام مفروض علينا علشان نتعلم نتحكم في شهواتنا...
علم ولادك إن الصيام مفروض علشان ندرب نفسنا علي الصعب...
علم ولادك إن الصيام بيمنعنا من شهوات حلال علشان بعد كدا ترك الغلط والمعاصي والحرام يبقي سهل....
علم ولادك إن الصيام اللي بيمنعك من الحلال وانت بتقوله سمعاً وطاعة هو ده قمة الخضوع والاستسلام لله...
علم ولادك إن التسليم المطلق لله من غير ليه و إزاي... هو ده اللي احنا اتخلقنا علشانه...
علمه من دلوقتي علشان الموضوع هيبقي أصعب بكتير لو كبر من غير ما يتعلم....
منقول.
