الحب!🤔
"صلوا على الحبيب"
أغلبية البنات وبالذات اللي فى سن مراهقة لو ولد بس بصلها سواء غصب عنه أو قصده..هي مش بس هتحبه هي هتعشقه وممكن تتخيل انه يجي يتقدملها عادي جدا وتقعد تفكر فيه ليل نهار دا بصلي يبقى بيحبني😌..
تاني يوم حد بصلها بتعمل نفس الموال😹🙂
طب احنا يا بنات بنتعلق من نظرة ياترى مش هنتعلق من كلام!!
الولد بطبيعته لعوب "إلا من رحم ربي" يعني هو ميعرفش شخصيتك عشان يجرك او عشان يوقعك بمعنى أصح فبيشوف شخصيتك عاملة ازاي الأول..لاقاكي محترمه يسيبك؟!!..لا أبدا عادي يجرك بطريقه محترمة😌😹
ولو لاقاكي شخصية قوية واللي هو محدش يقدر يبصلك اثبتي على موقفك عشان هتلاقي كتير بيحاولوا يوقعوكي وفي الاخر هيطلع هو الكسبان وتعبك يروح لا اثبتييي...
طب لو شايفك عادية وشخصيتك عادي يعني ينفع تكلم ولاد هيجيلك من ناحية الكلام الحلو بالذات لأنه هيفكر إن محدش هيقوله لك غيره وانتي زي الهبلااااااه بتقعي عادي جدا!
طب وتعملي ايه مع الشخصيات الوقحة في حياتك عموما دراسه شغل سوشيال ميديا "وأاكيد دا الاكبر!"
في الدراسه أو الشغل أي ولد لمحتي بس إنه بيحاول يضايقك او نظرات او قليل الادب بيمسك ايدك أو بيحاول انه يتمادى فيها "وانه مكنش قصدي بقى وكدا" دا توقفيه عند حده وطنشيه..لكن هتديله اهتمام وتحسسيه انك خليفة منه هتلاقيه بيتمادى أكتر وبكل جرأة عادي..فلازم تبيني انه هو ولا حاجه ولو كلمك صديه بنظراتك القويه الصامدى😹😌
لان الاشخاص اللي زي دول اللامبالاه هتفرق معاكي ومع راحتك جدا
نيجي للسوشيال ميديا !
واللي يعتبر نص مشاكل المجتمع أساسا..تلاقي الولد داخل لبنت عندها 13,14 سنه وكلام بقى من النوع اللي هو "بوستاتك جميلة جدا..انا وحيد ونفسي يبقى عندي اخت بنت..انا بجد شايفك مناسبة ليا جدا ومميزة عن أي بنت"..
اللي هو ايه اللي بتقوله دا يا عم حزومبل انت😹🔪
بصي خلينا متفقين ان أي بنت كدا كدا هتتجوز راجل معين في الاخر ايا كان عمرك .. ليكي شخص واحد بس..متروحيش بقى تجربي مع نص ولاد العالم وقلبك دا تهريه على الفاضي!
تفتكري ان الراجل الناضج العاقل المحترم اللي عارف ربنا هيدخل يكلم بنت اصلا؟!.. لا بالعكس دا انتي هتحسيه راجل تقيل فى نفسه كدا وعنده كرامة وهيدخل البيت من بابه زي ما ربك قال :
"وَلَٰكِن لَّا تُوَاعِدُوهن سِرًّا إِلَّا أَن تَقُولُوا قَوْلًا مَّعْرُوفًا ۚ وَلَا تَعْزِمُوا عُقْدَةَ النِّكَاحِ حَتَّىٰ يَبْلُغَ الْكِتَابُ أَجَلَهُ ۚ وَاعْلَمُوا أَنَّ اللَّهَ يَعْلَمُ مَا فِي أَنفُسِكُمْ فَاحْذَرُوهُ ۚ وَاعْلَمُوا أَنَّ اللَّهَ غَفُورٌ حَلِيمٌ"
اقولك على مثال انا بحب صاحبتي جدا اللي هو بخاف عليها من خيالها قمت محذرة أي شاب يكلمها أو حتى يبصلها لانها غاليه عندي اوي فخلاص عرفوا عني اني ممكن اعمل أي حاجه مقابل حمايتها فيخافوا..
تقوم بقى صاحبتي دي تطلع تكلم ولاد من ورايا فطبيعي ان خلاص كل الولاد مبقوش يخافوا لأن الطرف اللي بحميه هو نفسه مش عايز الحماية!
ولله المثل الأعلى عالِم بيكِ وبقلبك وزي ما قُلنا مشاعر البنت بتتغلب عليها في بعض الأوقات فحذر أي ولد يواعدك في السر أو يجي يقولك انتي مش هتتجوزي غيري وانتي مراتي انا وبس واتصوري عشان انا بغيير عليكي ولو لاقيت لبسك ضيق هزعل وأسيبك..ولا يقولك تعالي نتكلم فون عشان وحشني صوتك اوي أو يقولك اتصوري فيديو عشان احس بإنك جمبي ومتسبنيش ياحبيبة عيني وحبيبة مناخيري ووداني😹💔
فتقومي انتي عامله ايه! تسمعي كلامه طبعا والله دا بيحبني اويييي دا انا مشفتش حد كدا قبل كدا ايه الراجل دا حبيت راجل ياناس🤢
يعدي يوم ورا يوم وسنه وتلاته واربعه وفجأه الراجل دا يختفي !! وتفضلي بقى في دوامه الاسئله كان عقلي فين لما قالي الكلام دا ولا ازاي محستش انه كداب وتفضلي بقى فى كمية وجع قلب رهيبة!
انتي اصلا فعلا حسيتي الاحساس دا وكنتي عارفه انه كداب ومش بيحبك وبيضحك عليكي لكن كملتي عشان انتي اللي عايزه..
انتي اللي بتحطي نفسك في دايرة وجع وعلى قد المدة اللي هتفضلي فيها مع الشاب دا على قد ما الدايرة هتفضل تكبر وتكبر ووجعك كمان هيكبر معاها!!
طب ما ربَنَا حاميكي ومش كاتبلك انك تتأذي وتتوجعي في الأخر وعالِم بقلبك اكتر مِنك ومع ذلك بتعاندي وبتكبري دماغك ومش بتسيبيه مع ان نهايه أي قصة طريقها كان حرام من الاول بتنتهي..
هتقولي طب والناس اللي مكملة دي واتجوزوا كمان؟!
انتِ متعرفيش حياتهم عامله ازاي او ابتلائتهم.. متعرفيش اصلا ربَنَا نساهم زي مانسيوه ولا لا..
انتِ ملكيش دعوه بحد انتي ليكي عقل بيفكر وربك يبعتلك رسايل كل يوم صبح وليل واشارات وبردووو بتكملي ولما فعلا اشارات ربَنَا تطلع صح بتقولي ياريتني
ليه بتكلميه اصلا ناقصك ايه !!
ليه هو انا لما اكلم ولد لازم يكون ناقصني حاجه !
ايوة أصلا الولد أكيد هيدخلك لأسباب معينة..السبب الاول هو انه عارف انك بتحبيه ف *هيضطر* يحبك عشان تحبيه اكتر واهو منها يتسلى والسبب التاني يا اما ناقصك حب او حنيه او اصدقاء!
بتخلي عيل ليه يكمل نقصك دا ما تكمليه انتِ بقربك من ربَنَا وخليكي شجاعه وقويه دا ربك ميسيبش حد واللي أذاكي في يوم هيتأذى اضعاف مضاعفه بس انتي تعملي باللي ربنا قالك عليه ومتروحيش في طريق غلط ربك بس اللي هيطلعك منه بردو في الاخر !!!!
مش عايزاكي تندمي مش عايزاكي تندمييي لأن الندم وحش في الدنيا مابالك في الآخره هيبقي عامل ازاي وحسرتك ساعتها!!
وافتكري إن ربك غفور في كل حاجه ماعدا الشرك به لكن اي حاجه تانيه هو بيغفرها أي حااااجه فارجعي لو بتغلطي وسيبك من أي عك في حياتك ... نضفي حياتك من الأخر وابدأي من جديد مهما كانت ذنوبك ♥
