" الصلاه والخشوع فيها " 🌼
لو سألتك دلوقتي انتِ مسلمه ؟ هتقوليلي آه طبعاً
طب بتصلي ؟ هتقوليلي لأ ، أو بصلي وبقطع ، أو مش عارفه أواظب .. إلخ
طب انتِ متعرفيش إن الرسول عليه الصلاة والسلام قال ان تارك الصلاه كافر لا وكمان بتبرأ منه زمة الله عز وجل !
شوفي كده الحديثين دول :
قال صلى الله عليه وسلم
" إن بين الرجل وبين الكفر _أو الشرك _ ترك الصلاه " رواه مسلم 💔
وقال النبي -صلى الله عليه وسلم-: «لا تشرك بالله شيئا و إن عذبت و حرقت، أطع و الديك و إن أخرجاك من مالك، و من كل شيء هو لك، و لا تترك الصلاة متعمدا، فإن من ترك الصلاة متعمدا فقد برئت منه ذمة الله» [رواه الطبراني 🍃 وقال الألباني: حسن لغيره].
متخيله الكارثه اللي انتِ فيها ؟
طب لو سألتك انتِ بتحبي ربنا ؟ هتردي بكل تلقائيه آه طبعا اومال ايه 🍃
طب فين دليل حبك ليه ! يا ترى لما بينادي عليكِ بتلبي النداء فوراً ولا بتكسلي ؟ بتعملي الحاجات اللي فرضها عليكِ ولا لأ؟
ماهو الحب مش كلام يا جماعه
فيه جمله جميله كده قرأتها بتقول " تعصي الإله وأنت تُظهر حبه ، لو كان حبك صادقاً لأطعته ، إن المُحبّ لمن يحب مُطيع " 🌸💙
يعني لو كنتِ بتحبيه فعلا كنتِ هتبقي حريصه إنك تنفذي اللي أمرك بيه
بتحبي ربنا ازاي وانتِ قاطعه الصله اللي بينك وبينه ؟ بتحبي ربّنا إزاي وانتِ اما بينهدهلك عشان تقابليه بتكسلي أو بتطنشي ؟
انتِ مسلمه وبتحبي ربنا ؟ آه .. طب لو فعلاً كده مبتلتزميش بتعاليم دينك ليه ؟ بتفرطي ف أبسط فروض ربنا ليه ؟
انتِ متعرفيش إن أول حاجه هتتسألي عنها ف قبرك هيا صلاتك ؟ 💔
شوفي كده الرسول قال إيه :
" إن أول ما يحاسب به العبد يوم القيامة من عمله صلاته فإن صلحت فقد أفلح ونجح وإن فسدت فقد خاب وخسر ......"
يعني لو مُوتي دلوقتي هتقولي لربنا إيه لما يسألك عن صلاتك ؟ .. طب إيه حجتك ؟ هتقولي يارب كنت بكسل ! يارب كنت بسمعك بتندهلي وبطنش عشان مشغوله بشهواتي وبامور الدنيا عنك ؟ 💔
قال تعالى :
{ فَوَيْلٌ لِلْمُصَلِّينَ الَّذِينَ هُمْ عَنْ صَلَاتِهِمْ سَاهُونَ }
واخده بالك العقاب ايه ؟ وادي الويل في جهنم 💔 ))
وعارفه هيبقى معاك مين في الويل ؟ هيبقى معاك اللي بيحرفوا في كتاب الله شوفي كده ربك قال ايه {فَوَيْلٌ لِّلَّذِينَ يَكْتُبُونَ الْكِتَابَ بِأَيْدِيهِمْ} تحبيِ تبقى معاهم ؟ 💔))
الموضوع مش سهل يا بنات ومينفعش التهاون فيه .. ترك الصلاه كارثه بمعنى الكلمه .. كفايه بقي تقصير ، رجعي الصله اللي بينك وبين ربنا من جديد 🌻
هتقوليلي أعمل إيه أنا مش عارفه انتظم ف الصلاه وكل م بصلي برجع أبطّل تاني 💔 ))
هقولك جاهدي نفسك صلي وبطلي وارجعي صلي تاني وربنا لما هيشوف فيكِ الصدق هيعينك
قال تعالى " والذين جاهدو فينا لنهدينهم سبلنا " 🌸
نيجي بقي لمشكلة الخشُوع :
أغلبنا صلاته عباره عن حركات رياضيه بيعملها .. مش حاسس بطعم الصلاه .. ولا مستشعر معناها
طب وإيه الحل ؟
الحل إنك لازم تتعاملي مع الصلاه ع انها مقابله مع حد بتحبيه جداً 🌸
استشعري عظمة الله الجبار اللي انتِ واقفه بين إيديه دلوقتي 💙
عاوزاكِ وانتِ واقفه ع المُصليّه تستشعري انك دلوقتي في حضرت ملك الملوك عزّ وجل والملايكه قاعدين حواليكي 🌼
ركزي في كل كلمه بتقوليها وأعرفي إن سورة الفاتحه بتكون حوار بينك وبين الله عزّ وجل .. يعني كل جمله بتقوليها ربك بيرد عليكِ 🌻
عن أبي هريرة رضي الله عنه قال: سمعت رسول الله صلى الله عليه وسلم يقول: قال الله تعالى:(قسمت الصلاة بيني وبين عبدي نصفين ولعبدي ما سأل، فإذا قال العبد: الحمد لله رب العالمين، قال الله تعالى: حمدني عبدي، وإذا قال: الرحمن الرحيم، قال الله تعالى: أثنى علي عبدي، وإذا قال: مالك يوم الدين، قال: مجدني عبدي، وقال مرة: فوض إلي عبدي، فإذا قال: إياك نعبد وإياك نستعين، قال: هذا بيني وبين عبدي ولعبدي ما سأل، فإذا قال: اهدنا الصراط المستقيم، صراط الذين أنعمت عليهم، غير المغضوب عليهم ولا الضالين، قال: هذا لعبدي ولعبدي ما سأل)، وفي رواية: (قسمت الصلاة بيني وبين عبدي نصفين، فنصفها لي ونصفها لعبدي)..رواه مسلم وأصحاب السنن الأربعة . 🌼
ركزي في كل حركه بتعمليها وكل كلمه بتقوليها واستشعري معناها 💙
أقرأي بهدوء تام .. ونوعي في السور اللي بتقرأيها عشان متسرحيش 🍃
وأول م توصلي للسجود طوّلي أوي
واتكلمي مع ربنا لان الرسول عليه الصلاة والسلام قال أن " أقرب ما يكون العبد لربه وهو ساجد " 🌻
يعني انتِ دلوقتي قريبه من ربنا اتكلمي معاه وطلعي كل اللي ف قلبك مش لازم الكلام يكون مترتب لا اتكلمي وقولي أي حاجه وهو ربك عالم بيكِ وبقلبك وبكل شئ جواك 🌼
ادعي وقولي " يا مُقلب القلوب ثبّت قلبي علي دينك "
" اللهم أعنّي على ذكرك وشكرك وحُسن عبادتك "
" اللهم ٱرزقني حلاوه القرب منك والخشوع في الصلاه " 🌸🍃
وخلي قلبك يبقي ملهوف كده للقاء الله 💙
#كيف_أحافظ_علي_صلاتي
#نلتقي_لنرتقي
