- انا حياتي ناقصه كتير ، ومفيش مره اتمنيت حاجه واخدتها .
- - انا غلطت كتير واكيد ربنا مش هيغفرلي ، انا داخل النار حدف .
- - انا حاسس اني هسقط في الامتحان .
- - انا حاسه اني مش هتجوز ولو اتجوزت هطلع مبخلفش ولو خلفت ممكن اطلق .
- - انا حاسس ان هيجيلي مرض معين او هموت صغير .
- - انا حاسس اني مش هنجح ف حياتي ، حظي وانا عارفه.
ده جزء بسيط من بعض الوساوس اللي بتيجي لكتير جداً مننا ، واللي ربنا حذرنا منها في القرآن .. قال تعالى :
" الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاءِ ۖ وَاللَّهُ يَعِدُكُم مَّغْفِرَةً مِّنْهُ وَفَضْلًا ۗ وَاللَّهُ وَاسِعٌ عَلِيمٌ "
الشيطان هيفضل يزن في ودانك عشان ماتشفش النعم اللي في ايديك ، او يخليك تشوفها نعم منقوصه عشان يكدرك وما تفرحش بيها ، هيفضل يطمعك في الدنيا بلا اكتفاء ، هيأمرك بالبخل والشح والخوف من بكرة ، هيخليك تيأس من رحمة ربنا عشان تبطل تتوب .
فـ اقطع حبل الوساوس ده وخلي عندك حسن ظن بالله ، افتكر إن امرك بين ايدين الكريم الرحيم ، استبشر خير دايماً ، وبلاش تسيب عقلك للشيطان يحبط فيه لحد م تموت م الهم والحزن .. وافتكر ان الله عند ظنك به إن كان خيراً فـ خير ، وإن كان شراً فشر .
ما ظنك أنت بالله 💙"!
