= بحب صوت عمرو دياب أوي ، وأنتِ ؟
_أنا بحب اسمع الشيخ هزاع البلوشي وناصر القطامي 💁♥️
=مين دول!!
_قارئين قرءان 😌♥️
_محمود العسيلي بيخرجني من المود ، وبيروقني ..
=أنا الشيخ المعيقلى بيقرأ قرآن من هنا و أنا أروح ف عالم تاني من هنا 💙
_بسمع رضوى الشربيني بتخليني قويه اوي ..
=وأنا بسمع د/هاله سمير، بتغير تفكيري و بتخليني قويه إجتماعيًا ودينيًا 💪♥️
_طب بعد ما تخلصي كل دا !!
=بسمع الشيخ محمد الغليظ ، خالد حداد ، ابي اسحاق الحويني والناس دي مفيش نقاش يعني 🤭♥️
_طب لو حبيتي تضحكي؟
=بسمع الشيخ محمد العوضي طبعًا 🌸
_و بالنسبه للأذكار بتجبيها منين؟
=بسمع أمير منير ، كل يوم يفاجئني ويديني أذكار جديده 💜
_أنا لم بتخنق بعمل كاتينج ، وأنتِ ..
=وأنا بذكر ربنا "ألا بذكر الله تطمئن القلوب" ♥️
_أنا مرتبطه بـ"فلان"
=وأنا مرتبطه بـ(مسبحه لبساها دايمًا ، مصليه بقعد عليها أكتر ما بقعد فـ أي مكان ، مصحف بقعد معاه أكتر ما بقعد مع أهلي ، مرتبطه بالله وحبه ليا عز وجل 🌸
_شوفي ضافري كبير ازاي؟
=أعوذ بالله ، لا أنا بقصهم أول بأول 'سنه عن النبي' 💙
_شوفي "فلانه" عامله ازاي ؛ شوفي لبسها ؛شوفي مناخيرها؛ شوفي طريقة مشيها ؛ شوفي الطرحه عامله ازاي ..
=دعي الخلق للخالق ♥️😍
" طريقـة التفكير لازم تتغير ؛ لو اتغيرت وعرفت انك كنت غلطان قبل كده ، يبقى أنت نضجت الحمد لله 💙💙💙🌸
- غير كده " الله المستعان" 😊
