اللي بيتلخبطوا بين التهجد والقيام والتراويح ومش عارفين الفرق بينهم !!
ركزوا معايا في البوست ده
ايه الفرق بين صلاة التراويح ، التهجد ، قيام الليل ؟!
كلهم واحد .. مفيييش فرق بين التلاته
كلهم مسميات تطلق علي صلاة التطوع من بعد العشاء..
بس الفرق كله في توقيت صلاتك !
يعني لو صليت بعد العشاء مباشرة من غير ما تنام حبة تبقي تراويح
لكن لو صليت العشاء ونمت شوية وصحيت في الثلث الأخير من الليل يبقي تهجد
والقيام ده مسمي عام معناه انك تقوم ليلك او جزء منه بين يدي ربك
يعني نصلي انهي واحدة فيهم .. وبأنهي نية ؟!
صلي التراويح بعد العشاء ..
ونام شوية مثلا واصحي في الثلث الاخير صليلك ركعتين او اكتر تهجد ومعاهم ركعتين قيام ليل
طب هيا كام ركعة التراويح ؟!
هيا علي الأرجح ١١ ركعة [ ده السنه وممكن تزود ، المهم تكون عدد زوجي ٨ مثلا وبعدها ركعتين شفع وركعة وتر فتصبح عددا فردياً اللي هو ١١ ] .
بنصليهم ازاي ؟!
ركعتين ركعتين .. بنصليهم [ مثني مثني ] .
- بين كل اتنين ناخد راحة نذكر الله دقيقتين كده ومنها نستريح [ عشان كده سموها التراويح ] .
الثلث الأخير من الليل امتي بيبدأ ؟!
المغرب بتأذن الساعه ٦ و٣٣ يعنى نقول ٦ ونصف
الفجر بيأذن الساعه ٣ ونصف
يبقي الفرق بينهم تسع ساعات ونقسمهم على التلاته يبقي تلات ساعات ..
نطرح ٣ من وقت الفجر يبقي الثلث الأخير بيبدأ ١٢ ونصف بليل وربنا يتقبل منا ومنكم ☺
لاتنيى الصلاه على من بكا شوقا لرئيتنا
بقلم الكاتبه ياسمينا فايز
