رواية #أسيرة_هوس_السادي😈
من تأليفي: 👑#أناييس_مانو👑
نزلت لمستواها فلرض وشدتها بحرارة من حناكها تحكي بثقة عكس التزعزع لي داخلها، تحكي بملامح باردة عكس النار لي جواتها، بغطرسة عكس الإنهيار لي حاوطها، قربت من وجها باستها لجبينها بوصة معزة، أم وبنتها لي يشوفهم يحسدهم ع منظرهم مي لي بيهم عمرو شي وحدة تتمنا تعيشو، جمعت حروفها بعد غصة للبكا لي كبست ع لسانها وحكات
أمنية: يماا بجااه ربي بركااي مالبكاا انسيي لي صراا
رحمة(أمها): تبكي: وااش يصبرني علييك ابنتي كبدتي تكواات علييك
أمنية: باستها من عينها وزادت للثانية: ربي ومكتوبو ا يماا هك حبلي وقدرلي
رحمة: نطرتلها يديها بزعااف: فزيي خليينا نمشيي من هنااا بطلت مستحييل نواافق عالشي أذاا مستحييل نمدك ليه وهو لي..
أمنية: تبسمت بسخرية: صرات ووفاات ماعندنا وين نهربو من هنااا شووفي الدنيا زيماه قايمة قاعدة بالغنا الزغاريت والبارود زييماه حابتنا نمشيو وكيفاه رح نجمو نسلكو
رحمة: شدتلها وجهها بزوز يدين: رح نهربك اأمنيية مستحييل نخلييك عندو
أمنية: رغرغو عينيها بالدموع: عيشك أأمي الغالية مي ماتقدريش ماانقدروش نهربو
رحمة: مااتخاافيش مانخلهيش يقيس شعرة منك
أمنية: طااحت دمعتة سخونة حرقتها وشوات قلب أمها كبست على يديها الزوز: مااهو قااس كثر من شعرة ا يما ياا ريتها جات فالشعر... بعدتها ووقفت عاطيتها بالظهر: قراري خذيتو ومديتلو موافقتي
رحمة: لفتتها بزربة خضتها من كتافها: جنيتي هبلتي نقلك تهربي تقولي موافقة ناااسية وش عمل فييك أه ناااسية
أمنية: جعرت تفلقت بالبكا والرغي: ماااتسييتش ماانيش نااسية وماراحش نخلييه ينسااا لي داارو فيااا سخرت لتالي ترجف بكلها: عندك على آية وياسين هذا مانوصييك
رحمة: قربت خطوة والثانية رجعت بخطوة: توصنييش على خااوتك خلينا فيك نتي
أمنية: مصيري تقرر سايي
رحمة: ماتقوليش هكا مازال ما... تحل لباب دخلت تجري
آية: يما يعيطولك لتحت
رحمة: شافت فبنتها بإنكسار وحكات مع آية: بقاي مع أختك... خرجت
آية: بعيون دامعة: مازال مابدلتي رايك؟!
أمنية:....
آية: حضنتها ملور: ربي معاك فلي جاي
أمنية: آمين فكتلها يديها وبعدت: خليني وحدي
آية: تمنيت نشوفك فرحانة فالنهار اذا مي... رخفت راسها وخرجت دموعها سبالة على لي عاناتو وبش تعانيه أختها...
حطيت يدي على صورتي فالمرايا شكون هذي لي وسط الغوب لبيضة... شكون هذي لي مكفنة وسط عرسها... هذي أنا متصدرة لجنازتي... ماشيتلها برجليا... للموت لي رجعت منها قبل أيام... للمر لي ذقتو من يومتها... ماعندهم علاه يفرحووولي... مانحبش الهايلالة لي منوضينها لتحت... غناا زغاريت وبااروود... غطيت وذنيا وعيطت بقوة.... نحبهم يحبسو فرح... مانحبش يزفووني.... يااريتهم وجدولي نعشي ولا فرحولي.... مايعرفووش وش مستنيني... أنا ماغيري لي نعرف... نعرف الشخص لي محسووبة مرتو... شفتو وعرفتو على حقيقتو... بش يأسرني كيف ما عملها.... يحبسني ويرجعني دمية يشبع بيها سادي ويرضي بيها غرورو.... ماشية لواحد مريض مهوووس كيفااه تحبوني نفرح وعلاه بالأصل تفرحولي وتتمناو تكوونو بلااصتي... يمكن
لأنكم ماتعرفووش لي نعرفوو... خااطركم مش أنا... أنا أمنية لي نص لعشييرة تتمنااها فانوس ضواي ف ديارها.... أنا لي الرجاال ضربو بيا لمثاال... قالو قرات وشقاات رفعت رااس بووها.... مرا ب100 راجل عاشت فالغربة وعمرها عملت مايوطي راسها... أنا أمنية أمنية النساوين كنة... زينة وعمارت ديارهم.... ونفسها أنا لي قررت ننهي عمري ونتفك مالموصيبة لي بلاني ربي بيها... قالولي أضحك ا أمنية بش تكوني ملكة القاسي.... سيدة بني همام.... مرت كبير العرش.... وطيت راسي وقلتهم: شكون لي تجي في بلاصتي سماح دنيا وآخرة.... مافرحتش بالزوااج وماتفرحوليش... مانيش حااملة لي راايحتلو... لقييتو سجين يرضى يبقى مع سجاانو.... هاذي قصتي وهذا مصيري.. مليوم بش نرجع #أسيرة_هوس_السادي..
♣♣♣♣♣♣♣♣♣♣♣♣
قراءة ممتعة للجميع.. شكرا لمتابعتكم..
.... يتبع
ماتبخلونيش بآراائكم ... خليو تعليقاتكم فكل حلقة ❤..
فضلا ★ vote للحلقات
اضغطو على رمز " ★" اسفل الحلقة❤
+
🥀 متابعة لحسابي 🥀
♨ كرونيكات عسلاية ♨
أنت تقرأ
أسيرة هوس السادي "18+" (باللهجة الجزائرية)
Romanceبين للتمرد والقسوة وقعت أسيرته... اذاقها العذاب ألوان فتمردت عليه عاندتنه ولم تستسلم... إلا ان حولت قسوته لعشق وعزفت ألحان عشقها على أوتار قلبه... فإنقلب السحر عالساحر وتحول من آسرها لأسيرها هي أسير قلبه العاشق لها... في لحظة... تتقلب بهم لموازين...
