أسيرة هوس السادي "18+" (باللهجة الجزائرية)

الفصل الثالث: قلوب محترقة (ح131)

شروط التنزيل : فوط★ + ماكس كمنتار ❤❤
حقكم عليا نغبر نتلهى بجماعة لفيس وننسى هنا.. ش بالقصد هدرت قبل لبارت لواحد هنا يقابلوه 10حلقات او اكثر فالفيس.. وبزيادة نحسكم تقراو ولا تشوفو لبارت برك.. 2k وأكثر يشوفو و100 فوط⚠⚠ماكانش؟! صعيبة للدرجة ذي🤔 لمهم قراءة ممتعة.. نعوضكم مننا جااي 😊)

♨ الحلقة 131♨
👑 بقلمي ✍: #أناييس_مانو 👑
         
« فلاش باك "قبل ساعات »🔙🔙🔙🔙
واقف فالجنينة يرحي فالسيقار حتى وقف عليه واحد ملي ڨارد أمرو ينادي لسراج وجواد به يدخلو.. جبد نطرة قوية مالسيقار عبى بيها جواجيها وتم تم نفخها
أسد: لقيتوهم؟
ڨارد: نعم يا آغا.. وطلبتهم به يدخلو ودخلو
أسد: مليح.. تقدر تمشي
ڨارد: حاضر
حنى راسو وسخر زايد وفيسع ماحبس بقى واقف مقابلو يخمم كيفاه يعاودلو وش سمع وشاف.. أسد قرا ملامحو حسو مخبي حاجة.. نفخ بغش ونطق بصوت حرش ملامحو مكبوسة علخر
أسد: خير
ڨارد: تسمحلي نخبرك بشي ممكن يكون مهم
أسد: هز راسك واحكي بلاما تلعب بعمرك
ڨارد: نفذ كابس ملامحو: انا لي لقيت سي سراج
أسد: منبعد؟ ضيق عينيه بفضول: وين لقيتيه؟ كشما كان يدير؟!
ڨارد: فالجنية.. رحت نعيطلو بالصدفة سمعتو يحكي فالتليفون
أسد: بحدة: وش سمعت؟
رخف راسو خايف يجري عليه وبشوي عاودلو نص حديث سراج ووصفلو حالتو كي فاق بيه واقف وراه
أسد: حك لحيتو: اممم.. يعني ظهرت واطي.. يا واطي
ڨارد: ها!!
أسد: قحرلو: خليك فحالك
ڨارد: تكبس: حاضر.. عن اذنك
أسد: استنى
رجع وقف مقابلو بخضوع وخوف متملكو خلاه يرجف رجف
أسد: بانلك مشبوه؟!
هز راسو بنطرة جيست شاف خزرة عينيه الحادة بحال القرطس مات وفض نطق بزربة
ڨارد: لا حاشا.. ماقصدتش.. اسمحلي يا آغا.. والله ماكان قصدي.. سيرمون كاين غلطة ما
استفزو.. عصبو.. كان القطرة لي فيضتو.. رما السيڨار وشنق عليه بيد وحدة مخنزر
أسد: سألتك جااوب.. من حالتو اشتبهت فيه ولالا؟
لڨارد كان يتخنق جيست رمشلو بعينيه.. طلقو يكح ووقف مقابل القصر موسوس
أسد: مع من كنت تحكي ا ولد ال$$$!!
لفت وجهو للڨارد شاورلو جمع راسو وقرب منو متأهب
أسد: هز زوز توثق فيهم وزيدو لقصر جدي.. حسك مسك يكشفوكم.. تجمعو مع لي ڨارد وسربسو لأخبار منهم.. نحب نعرف كل تفاصيلو كل خطواتو.. فاااااهم!
ڨارد: فاهم يا آغا.. أصلا عندي معريفة تم نجبدلو مخو بلاما يفيقلي
أسد: تبسم شطر بشر: مليح
ڨارد: اما شمن أخبار نجيبوها؟!
أسد: كلشي.. اعرفولي كل تحركات ال@@@ي اذاك

🔚🔚🔚🔚🔚« فلاش اند = العودة »
حط تليفونو حذاه وقاطعهم بسؤالو المباغت
أسد: هاا وش ردك ا الكابِتان؟
سراج: فاه!
أسد: غمزو: موضوعنا تاع قبيل
تزير فاهمو فاه يحكي مي لاعبها مافهمش جيست ب يتهرب من سيطرتو.. حسو مركز معاه لدرجة خلاه يتوسوس ويخاف يتكشف
أسد: قلقو بسكوتو فيقو: كاااابتن!!
سراج: ها!!! احممم.. وش قلت؟
أسد: وش قولك فهدرة قبيل
سراج: غمزو بمكر: وناه! حكينا بزاف.. نسييت
أسد: تبسم عايق بيه: لعرس ا عشير
أمان كان لاتي مع كاس التاي يترشف منو.. مع سمع كبمة العرس شرق.. رجع يكح كحات واحد مخنوق.. كرز حط الكاس عالطابلة جبد الريق رجعتو الروح ونطق بزربة
أمان: شمن عرس؟ هاا! شمن عرس ا###ي!!
أسد: تاعو.. هو ومرتو
أمان: هو ومرتو؟ شكون!! شمن عرس.. فهمونا ا###ي! انطقو
أسد: فلول كان عرسكم نتم ليكوپل في3.. منبعد زدنالكم جاد بحكم تخرب فرحو لول.. ومادم الخير كاين والفرح قايم قايم.. قلت نروبلوها معاكم ونزيدو الكوپل هذو
امان: ت***كو بيا.. لا!! واش لخالوطة ذي؟ خبط الطابلة بقبضتو الجنون الكحلة دايرة بيه: لعرس تا شكون بعد ا###ي!! وش التم*** اذا! خليونا نعرسو ضاحكين ماتعصبوناش ب### الخالوطة ذي
سراج: مكش راضي! سيبون تحلت.. نسحبو فكرة عرسي.. صافا هكا؟ مريڨلة؟
أمان: ما صافا مامريڨلة.. منين خرجتولي ب### العراس هذو كل.. ناويين تهبلو رب الوااحد قبل عرسو.. اه؟!
شد راسو بزوز يدين يكبس حسو رح يترشق.. عينيه يتنطرو بين أسد و سراج كون صاب تلاح عليهم برد غشو فيهم
سراج: شدلو كتفو: اهدى.. تريڨلت قتلك ماكانش عرسي.. ساايي تفكت هنا وملول بعد.. ساامحنا ا صاحبي خوك كان ضاحك معاك برك
أسد: ببرود يلعبلو بأعصابو: تأ.. عارفين لعقلية.. جامي تمسخرت
أمان: مالا واااش قااعد تخلط ا###ي.. علاه يعاود عرسو معانا.. مين كان عرس قلبتيه كارنافال لي يجي يدز خشمو معانا
أسد: خبط بقبضتو: اماااااااان.. تلم لا نوض نلمك بمعريفتي
قحرلو قحرة موت وشاورلو بعينيه لسراج لي تلون وجهو.. زعف! تعصب! تحرج! وهو يسمع فكلام نورمالمون مايسمعوش منهم.. مهما كان يبقاو نساب! صحاب! وعشرة سنين.. جمع قبضتو.. عض على لسانو يكمد فغشو منهم ونطق ببرود ورزانة عكس البركان لي ثاير داخلو
سراج: تكالما ماكاين والو.. وانت ا أسد ارخف علينا مالمشاكل.. خلينا كل زاهيين