♨ الحلقة 94♨
ف قصر سليمان الحالة ترونت بعدما وصلهم خبر مووت جااسر.. ناض لغوااث والندااب من جديد.. فظرف ساعتين الناس حضرت تعزي.. والميت مازال ماجابوه للدار.. فالصالون تا الرجال سليمان وجهاد جهامة بلا روح الناس تتحنى عليه تسلم وتعظم الأجر وهم بلااكة المخ غايب والقلب يبكي دم ع فقيدو وآاااه من خسارة الأبن والحفيد فنفس الوقت.. خسارة مضاعفة ضاعفت الألم عليهم.. فالصالوز تا النساا.. مهى باركة فلرض بعد ماندبت وجهها رجعتو خريطة بظفارها شعرها حاكم السما حورية حذاها محضنتها تقراها فالقرآن وتعاود.. النساوين يعددوو يتنادبو ولكل يسقسي وين الميت علااه ماجابوهش.. سمعو تقوص.. سمعو تشوط.. زعما رجع رمااد مالحقوش يشوفو وجهو.. وهذي وجيعة اكبر.. النساوين توتوت يدورو ف عينيهم عالحضور يحوسو ع مرة الآغا الله يرحمو.. وش صرالها وش صراا لصغيرها بعد ماسمعت بلخبر
... فقصر القاسي.. فبيتها راقدة تأاان فنومها الكاملة وشهد حذاها يتباكاو سخفتهم بحالتها ملي وصلها لخبر جنت هزتها بالندابات لغوااث تنتاف الشعر ندبت لروحها ولات ف حالة الله لايشوف مومن فيها.. نعاات فقيدها راجلها حبيبها وبو ولادها حتى سخفت وطاحت دايخة وسطهم.. جابولها طبيب فحصها ركبها مهدىء ف سيروم وخلاها تنعس.. بين الحياة والموت.. بين واقع من ساعتين تسمع ف صوتو لدقيقة لي فطنت حلت عينيها لمحجرين دموعهم وشافت فيهم
سارة: بغصة: هزوني عندو.. شهد شهقت غطات وجهها وهزتها بالبكا
الكاملة: حضنت سارة تسلم ع راسها: اللطف ع كبدتي اللطف ع بنتي بعيي الشر عليك ا يماا يزيي مالهدراات هاذو يزيب مافلقتيلنا قلوبنا
سارة: تشهق: رااح الغالي ا الحناانة رااح بوو ولدي ا يمااا رااح راجلي بوويا وخوويا رااح وخلااني بقييت يتييمة ا يماا رجعت يتيمة فنص عيلتي يتييمة ايمااا هءهء.. رجعو يبكيو معاها بالصوت بردو قلوبهم ماقلبها موحال يبرد وتطفى نارو
بخطواات واثقين حل الباب ودخل عندهم تكبس ع منظرهم صوت بكاها زعزعلو قلبو مادراش براسو كيفااه رغاا ولا نقول زأر
أسد: خلااااص سكتووونااا مالندااب
الكاملة: ولدي ختك ف
أسد: هزي شهد واخرجو.. جات تهدر خبط الباب ب بونيتو رعبهم هزو رواحهم وخرجو.. صرفق الباب من وراهم وقرب منها باقية تشهق قعد حذاها وجبدها لصدرو.. ماكانتش مالعاكسين حضنتو تبكي بغصة تأان بوجيعة قسمتلو قلبو قريب يضعف شد راسو بالسيف.. طبطب ع ظهرها يواسي فيها شي ماهدات ماسكتت طيب عينيها وقلبو وماسكتتش.. هزلها وجهها مسحلها دموعها
أسد: اشش لازمك تكوني قوية به تسمعي وش ح نقول
سارة:....
أسد: قربلها راسها لوذنو وهمسلها.. زوز كلماات مجرد زوز كلمات قالهم سمعتهم حبست بكاا وشافت فيه بعينين مترجيين.. ترجااتو مايكذبش عليها ف حاجة كيف هذي
أسد: باس راسها بمعزة أخ لأختو: ماتبكييش رح يكون كلشي لبااس.. ماتخافيش عاارف وش راني نديير
سارة: شدتو وجهو بزوز يدين: اوعدني ما تكذبش عليا
أسد: بمعزة ولاادي ماانكذب عليك
سارة: خنزرت فيه عارفة حساسيتو من ولادي: ولاادك قلتلي😒
أسد: تبسم: بمعزة أمنيتي عندي
سارة: هك نقبلك.. مسحت دموعها: عاودلي نحب نفهم كلشي
أسد: مش وقتو لي حكيتهولك حد مايعرفو من غيرنا وأمان وخليل
سارة: والعيلة عمي ولبناات
أسد: حد مايعرف قتلك.. ماتحكي حتى حرف
سارة: علااه فهمني
أسد: لهجوم الموت العزاا كلشي خطة بااه نلقااو الخاين
سارة: الخاين؟!
أسد: اممم خاين ومن زماان يلعب بذفارو جااا لوقت لي نحكمو فيه
سارة: شكون هو؟ عرفتيه!
أسد: ضيق شوفاتو: شاكك.. وشكي ديما يظهر فمحلو
سارة: قلي شكوون نقتلو بيدييا الزوز
أسد: ماتوسخيش يديك حسابو عندي.. وقف تقعدت معاه
سارة: ودركا كيفاه ندير
أسد: كملي كيما كنت😉 أبكي ع راجلك.. خرج وهي تابعتو تشهق تنوح ع مايجييب جهدها
سارة: رااجلي ا خووتي هءهء جااااااسر.. سندتها الكاملة ما أسد داارلها هاز حاجبو حاير ف خلق ربي قدرة تمثيل أسطورية😂..
أنت تقرأ
أسيرة هوس السادي "18+" (باللهجة الجزائرية)
Romanceبين للتمرد والقسوة وقعت أسيرته... اذاقها العذاب ألوان فتمردت عليه عاندتنه ولم تستسلم... إلا ان حولت قسوته لعشق وعزفت ألحان عشقها على أوتار قلبه... فإنقلب السحر عالساحر وتحول من آسرها لأسيرها هي أسير قلبه العاشق لها... في لحظة... تتقلب بهم لموازين...
