شروط التنزيل : فوط★ + ماكس كمنتار ❤❤
(هااي هااي عالعسلات عالفحلات تاعي😘 لباس؟ زاهيين؟ اموركم بخير؟ نشاء الله تكونو ڨاع صافا جبتلكم بارت🔥💥 قراو ونحط لي فبعدو فليل معطل ولاغدوة بكري ونزيدكم غيرو كتعويض ومحبة😘 كالعادة حبكم فوط★+ ماكس كمنتار.. لي يتابعوني فقصة Al Diablo حطيتلكم بزااف)
♨ تتمة الحلقة 138♨
👑 بقلمي ✍: #أناييس_مانو 👑
جهاد: حمد الله قلتيها بفمك.. رانا عيلة.. وبناتك بناتنا كل مش بناتك وحدك
رحمة: كون صرات لوحدة من بناتك وش دير؟
جهاد: نفس مادرتي
رحمة: قاطعتو: تسمى مانيش غالطة علاه كل واقفين ضدي!
جهاد: ماحناش ضدك.. وماتقاطعينيش ماكملتش كلامي.. كون فبلاصتك عملت ماعملتي.. نحيح نعارك نضرب ونكسر عظامهم حتى.. بصح توفى العصبية الغش والزعااف.. نحط حد لفترة العقااب والتمرميد.. قلوبنا كل لحمة.. وكيما حابتنا نحسبو لوجيعة قلبك حسبي لقلوب المساكن اذووك.. رااهم طالبين راغبين بعض.. ولدرك ورغم كلشي حابين علاقاتهم تستمر.. علاه نوقفو فوجهوه فرحتهم إذا هم كلهم على بعضاعهم خاوة الكلاب.. صباح ترافسو لعشية يتلاعبو.. احسبيها غير بالعقل راااهم كل كبار بالغيين مزوجين بالحلال وربي مسهللهم.. سهليلهم مام نتي وخلي الفرحة فرحة الكل
سكتت تعاود فكلامو صح الف فالمئة.. حصرها لدرجة مالقات ماتجاوبو صح وضربتها بسكوت رهيب دام وقت طوييل
لعبتلو على عصابو بسكاتها فد نقر عالطابلة فيقها من شرودها تنهدت من عروش قلبها وجاوبت
رحمة: خلاص خلي نرتاحو ليلة وغدوة نخمم ونردلكم لخبر
جهاد: خبط الطابلة جاعر: رببب ربببك مالصباااح نندب نكرش معاااك فلتالي تقولي غدوة ما غدوة ز##ي وتخممي! رح تجهليينا ولاا واااش
رحمة: تعرش: ماتسخطش قدامي حبة لفمك المسود اذااك.. ولا جاهل اجهل الله لا يهز عليك
تنطرت واقفة حبسها وبجبدة وحدة رضخها قاعدة.. نفضتلو بغش توحوح وجعتها ط*رمتها
رحمة: اححح كسرة ليدك ايمااا كسرلي حزاامي ااااي
جهاد: لولى سماح.. قابل تتكسر بصح تصحلي الثانية برك والله مانقول اااي
رحمة: مخنزرة: جهااااد
جهاد: شيباااتو لي بانو ولي مازال مابانو.. حلفت بالله تهدني نهدرو زوز كلمات لخرين
رحمة: اهدر
جهاد: بغيت حقي
رحمة: تخلخل وجهها: شمن حق!؟
جهاد: غمزها متبسم: حقي الشرعي.. ليوم قبل غدوة تكوني حلالي
رحمة: شدت راسها: ايماا الحقيني ريحة الشياطة ضربت لهنا.. اجريو اقتلو الدودو راهو كببببررر
جهاد: نحسب روحي ماسمعتكش.. منبعد نتفاهمو على حلانيت فمك.. ودرك كووني قد كلمة.. ياك جيتيني تنوحي رجلي بنتي رجعها.. هااني رجعتها سليمة ومش مقيوسة خبشة لا
رحمة: فااه تروي
جهاد: مانيش ا لالة.. قلتيلي تحرك ردهالي رحمة على والديك واطلب لي تحب.. تديري وش نحب.. أكدت عليك كنت سير من روحك
رحمة: ماكانش منها واااش الخالوطة ذي وقتها ماكنتش بعقل يخمم أصلااا
جهاد: رح دوري في كلامك!! اوكي نجيبهم كل شهوود وتتشوهي
أنت تقرأ
أسيرة هوس السادي "18+" (باللهجة الجزائرية)
רומנטיקהبين للتمرد والقسوة وقعت أسيرته... اذاقها العذاب ألوان فتمردت عليه عاندتنه ولم تستسلم... إلا ان حولت قسوته لعشق وعزفت ألحان عشقها على أوتار قلبه... فإنقلب السحر عالساحر وتحول من آسرها لأسيرها هي أسير قلبه العاشق لها... في لحظة... تتقلب بهم لموازين...
