♨الحلقة 79♨
🌼"أنا دائمًا لدي أسبابي حتى وإن لم أفصح عنها، لا تظنني أفعل شيئًا عبثًا"🌼
طريق كاملة يسوق مخو تالف.. ف حظورها تلف مابقاش فاهم روحو وش قاعد يدير.. علاه يحوم عليها علاه دور ف ساحتو.. علاه قاعدين يقربو بالطريقة الغريبة ذي.. ملفتة وجهها للكارو شاردة مع الطريق مخها خدام رح يترشق عليها وجها طلع حمر طماطم تبكي بالساكت متأثرة بلي صرا لأختها.. شد فران قدام دارهم.. فطنت حلت الباب رح تنزل رجعها وقفلو
آية: خير
خليل: لازمنا نحكيو
آية: فاه.. ماعدنا فاه نحكيو
خليل: اولا حبسي بكا إمسحي دموعك ماتخوفيش يماك بحالتك
آية: مادخلكش اتلهى بروحك وماتزيدش دور بيا
خليل: ندور بيك! وقتاه دورت بيك بديتينا بالبلا
آية: فاهم قصدي ماتلعبهاش حمار
خليل: ***###الفم أذااك ح نهدهولك.. خوفها غاضتها روحها هزتها بالنواحات دارتلو مندبة صرعاتو بحسها مالقاش كيفاه يسكتها.. جبدها ليه بزربة بلعت ضربة وحدة
آية: سيبني
خليل: نسيبك تبلعي وتسمعيني فاهمة.. زغدت بإيه سيبها شدت ف ذراعها تقحرلو
آية: اهدر ولا نحاولك
خليل: وش قاعدة ديري؟
آية: نبكي ونمسد ف ذراعي قريب كسرتيهولي
خليل: نحكي ع ڨبيل وليامات لي فاتو كل
آية: ك. ك.نت ح. نن.طيح وبالخلعة بوستك
خليل: كون غير تتخلعي ديما مالا
آية: هااي اعرف ماتهدر ياشسمك مايبداش مخك يروي
خليل: حك لحيتو يخزرها بإعجاب: شكون نتي! منين خرجتيلي.. قحرتلو
آية: مهبول نتا صح.. صهدتلو:أنا جهنم الحمرة وخرجتلك بالذمة به نشوطك
خليل: تبسم ع منظرها حلوة علخر.. لاإراديا هز يدو بعدلها خصلات شعرها ورا وذنها: لا غير جهنم حلوة وزينة هك تشوطني السماح نروحلها برجليا نتبسم.. صدمها جمدت مبهمة فيه.. قرب لين نفسو خالط تعها: رح نتلاقاو بزااف.. دزاتو
آية: تحلم.. حلت الباب نزلت تجري دخلت لدارهم
خليل: تبعها بعينيه فرحان يتبسم ف شي شكل.. لي ڨاعد يحسو درك عمرو ماحس بيه من قبل.. فطن خربق شعرو وحرك لوطو مروح
وصاهم يعملولها ماكلة وجا طالع لبيتو وقفو صوتها
الكاملة: وش حوالها
أسد: صافا.. خليتها راقدة
الكاملة: أحسن لازمها روپو كيما وصات الطبيبة
أسد: اممم.. تعدا حبستو
الكاملة: محتاجتك ف هدرة
أسد: فاه!
الكاملة: نحكيو فالدروج! زيد لبيتي أحسن
أسد: تعبان أيما لاغير حاجة تتأجل خلي لغدوة
الكاملة: لحكاية تخصك نتا ومرتك؟
أسد: خير؟!
الكاملة: مش هنا نحكيو فالبيت.. مشات لحقها دخلو لبيتها قعدت بقا واقف مقابلها
الكاملة: اقعد
أسد: خليني هك مرتاح.. احكي
الكاملة: اموركم مش عاجبتني وش كاين.. وش صاير بينااكم
أسد: فد أكره حاجة شكون يدخل ف خصوصيتو.. كبس ع كرومتو عصابو تحبسو علخر: مابينا والو
الكاملة: ماتخبيش عليا.. أنا أمك اكثر وحدة حاسة بيك نعرفك وقتاه تكون نورمال وقتاه لا
أسد: مانحبش نحكي اربي ماتضغطيش عليا لي فيا يكفيني.. خوفها جرات ليه
الكاملة: ماتبقاش غالق ع روحك هك.. احكي همك خلينا نخفوه عليك
أسد: سخر: جا كلشي ورا بعضو نحس روحي ح نهبل معاها.. مالقيت كي ندير نتفاهم مع ربهاا
الكاملة: مازالت صغيرة ا ولدي
الكاملة: ماتقوليليش صغيرة.. مادام رڨدت معايا وهزت مني مابقاتش صغيرة
الكاملة: احشم زعما جداك
أسد: خلط وجهو: تعرفيني مانهدرش ولا هدرت نخلطها
الكاملة: مسحتلو خدو: ماعندكمش وقت بزاف ملي تزوجتو مازال الحال به تفهمك وتفهمها
أسد: مازال الروا يحمى.. ع حالتنا نجريو عرام ولاد نشيخو ومانتفاهموش
الكاملة: ياسعدي كون تعبيولي الدار بولادكم.. شد حيلك نتا وياها اخدمو برك وجيبولي نربي
أسد: يماا أنا فاه ونتي فاه.. ماحتى ترضى تخليني نمسها به نكثرلك منهم
الكاملة: دوحت راسها ورجعت قعدت دايخة: مسخوط زي دين والديك.. فولة وتقسمت بينك وبين بوك وجدك
أسد: معصب: ماتبقاوش تقولولي زييو ماناش كيف كيف مستحيل نجي زييو.. تعصب زرب خرج ياكل ف روحو.. شرخ كبير ف علاقتو مع بوه خلاه يعاني من صغرو.. يزي مالضرب.. الإهمال.. الرفض.. وفالأخير يقولولو زييو.. لا ماهوش زييو مش حاب يكون زييو
أنت تقرأ
أسيرة هوس السادي "18+" (باللهجة الجزائرية)
عاطفيةبين للتمرد والقسوة وقعت أسيرته... اذاقها العذاب ألوان فتمردت عليه عاندتنه ولم تستسلم... إلا ان حولت قسوته لعشق وعزفت ألحان عشقها على أوتار قلبه... فإنقلب السحر عالساحر وتحول من آسرها لأسيرها هي أسير قلبه العاشق لها... في لحظة... تتقلب بهم لموازين...
