شروط التنزيل 40 فوط + 40 كمنتار ❤❤
♨ الحلقة 118♨
👑 بقلمي ✍: #أناييس_مانو 👑
وقفو قدام لباب أسد دق بالخف ماسيرين نزلت تخبط بزوز يدين مزروبة على شوفة امها وخوها.. فتحلهم جاسر دخلو بعدما سلمو عليه وباركولو.. أسد بقا واقف معاه منمن وسيرين تفرقو كل وحدة مشات لزوز
منمن قربت من سارة لقاتها خافية ماحبتش تفيقها زادت لولدها مع شافتو شحقت بفرحة وعينيها برقو عجبها ماتت بالسخفة عليه.. تمنات كون حتى هي ولدت معاهم كون راهم ولادها في حضنها شابعة من شوفتهم
سيرين وحلت عيات ما تنكز تحب تشوف أمها وخوها مالحقش زفرت بفدة
سيرين: افففف مالحقتش نشوفوهم بلييز هزونا لفوق
امنية: اصبري.. راحت هزتها وقعدتها حذا امها ديراكت تلاحت عليها تبوس وتمحش
رانيا جابتها الفيقة على بدن حضنها وشفاف صغار يبوسو فيها.. حلت عينيها بالشوي مع بانلها وجه أميرتها شرعت عينيها مصدومة بشوفتها حسبت روحها تتخيل وفيسع ما استوعبت انها صح قدامها.. غرستها فحضنها تبوس فكل شبر منها بلهفة كبيرة.. رققت قلوب الكل بقاو حاضينهم
سيرين: مامي توحشتك بزااف
رانيا: وانا توحشتك أكثر ا أميرتي
سيرين: شدتلها خدودها: كيفاه وليت لباس؟
رانيا: اه احسن حمد الله
سيرين: وجعوك بزاف؟
رانيا: دمعو عينيها: شوية برك
سيرين: حضنتها: اشش ماتبكيش حمد الله لي رجعتولنا بخير
رانيا: شفتي خوك؟
سيرين: مازال حطوه لهيه وقفلو عليه مالقيتش كيفاه نمسو ونبوسو
رانيا: بغصة شادة بكيتها بالسيف: درك نقولهم يجبدوه تأنا توحشتو.. خزرت لمنمن تبسمتلها
أمنية: حمد الله على عسلامتكم ومبروك مازاد عندكم
رانيا: نزلو دميعاتها: يسلمك لعقوبة ليك تفرحي بوليداتك
امنية وأسد: آمين يارب
رانيا: أمنية بلييز جيبيلي ولدي من تم
امنية هزتلها راسها بإيه وزادت للحاضنة متلهفة لشوفة البيبي.. بانلها راقد متلكمت على روحو جامع يديه لوجهو الصغيور قلبها زدح فرحة وخوف تلفتتلها بزربة
أمنية: مانعرفش نجبدو خايفة نطيحو
رانيا: ماتخافيش سمي بسم لله وهزيه بلاما ترخفي يديك او تشبحيهم عليه
أمنية: نعيطو لممرضة خير
رانيا: يله تشجعي عندي ثقة فيك كبيرة
جاسر: قرب للحاضنة: قربي درك نفتحها ونتي هزيه كيما وصاتك
منمن جات حذاه ترجف جيست فتح الحاضنة دعات في سرها وتوكلت على ربي.. مدت يديها للبيبي بالشوي هزتو تسايس فيه خايفة تضرو.. مدتو لرانيا لي جيست شافتو تفكرت جاد بزربة حشاتو في صدرها خايفة يضيع منها كيما ضاع راجلها بو ولدها.. وتفلقت بالبكاء محضنتو تبوس وتشم فريحتو وكلمالها تقوي فالفوليم حتى بكاتهم معاها.. حضنتها منمن وسيرين مالجهتين يهديو فيها وهي تشحق وتتعصر قلبها رح يخرج من بلاصتو.. عاونها ولدها حس بحالتها طلق حلوقو يبكي بصوت رقيق زوين شدلهم انتباههم قطعو حسهم.. رانيا شدتو يديواتو تبوس وتقيس في وجهها بيهم تدوح فيه بالشوي حتى هدا بقات مخشيتو في حضنها خايفة من بعدو.. مش منجمة تفارقو خطفلها قلبها حست بإحساس حلو بزااف وبشوية فرح رغم الحالة لي هي فيها.. منمن مسحتلها دموعها
أمنية: اهدي وماتبكيش
سيرين: ايه ماتبكيش به مايبكيش خويا مانشيكمش تبكيو
رانيا: يااروحي انتي.. غرستها فحضنها جنب خوها توزع في بوساتها بينهم
أنت تقرأ
أسيرة هوس السادي "18+" (باللهجة الجزائرية)
Romanceبين للتمرد والقسوة وقعت أسيرته... اذاقها العذاب ألوان فتمردت عليه عاندتنه ولم تستسلم... إلا ان حولت قسوته لعشق وعزفت ألحان عشقها على أوتار قلبه... فإنقلب السحر عالساحر وتحول من آسرها لأسيرها هي أسير قلبه العاشق لها... في لحظة... تتقلب بهم لموازين...
