قصة : ( دميتي ) ل سهيلة سعيد المنجي ، فكرة : نور عمر

الحلقة ١٥ و ١٦

قصة { #دميتي } 🎭

الحلقة الخامسة عشر { ١٥ } 🗝

( تمشي انچي ، بعد دقيقة ، تدخل أية ل منصور )
أية وهي بتربع ايدها : كنت عاوزني ف حاجة ؟
منصور : تعالي ي أية 
( تقرب عليه تقف قصاده )
أية : نعم ؟
منصور بهدوء : من امتى بنقف نردح لحد زي البنات الو**ة الي جاية م الشارع ؟!
( تتخض أية من نبرة صوته الهادية الي ترعب ، باين الموضوع مش هيعدي بسهولة )
أية ب ارتباك : انااا ....................
منصور بزعيق : من امتاااااا ؟!
( يرعبها ، تسمع نورا صوت الزعيق ، تطلع البلكونة عشان تمسع بوضوح لإن أوضة منصور جنب اوضتها )
أية ب ارتباك : مهي هي الي استفزتني طيب !
منصور : مهما كان ، من امتى بتعملي كدة ، ردي عليا !
أية : ي منصور انا معملتلهاش حاجة هي الي شتمتني !
منصور : اااه ، طب ع فكرة انچي قالتلي الي انتي قلتيهولها لإنها سمعتكم قبل م انا اطلع ، يعني انا عارف الي حصل دلوقتي وحضرتك بتكدبي عليا !
( تترعب اكتر ومتردش )
منصور : كلمة ي أية وانتي عارفة إني مبعيدش كلامي مرتين ، طولة لسان ع نورا او استفزاز من تحت لتحت عشان هي ترد عليكي وتركيبها غلط وتبقي انتي دلوعة البيت والأهتمام بيكي لوحدك لو حصل تاني هيكونلي معاكي تصرف وحش ، انتي اختي ومهما حد جه او راح غلاوتك ف قلبي زي مهي وبتزيد مش بتقل ، ونورا خطيبتي ، مهما كانت مين ومنين تحترميها ف وجودي وغيابي لإنها هتبقا مراتي ، ومتنسيش إنها بنت عمك قبل اي حاجة ، نورا تشيليها من دماغك خالص ، فاهمة ؟
( تشاورله ب اة )
منصور وهو بيخبط ع خدها : متشاورليش !
أية بخوف : حاضر حاضر  !
منصور : تروحي تعتذريلها دلوقتي
أية : بس ....................
منصور ب اصرار : سمعتييي ؟
أية بقلة حيلة : حاضر
منصور : دي اخر مشكلة اسمع إنها حصلت بينكم ي أية ⁦
أية : اوك
منصور : روحي
( تمشي أية ، نورا ف البلكونة هتنفجر م الفرحة ، عرفت إنها مش لوحدها وإن ليها سند وحد يدافع عنها ل اول مرة ، يخبط باب اوضتها ، تدخل نورا م البلكونة )
نورا : ادخل
( تدخل أية )
أية : انا اسفة ع الي حصل
( يطلع منصور من اوضته يسمعهم )
اية : حقك عليا
نورا : انا الي اسفة عشان مش قادرة اعدل اسلوبي معاكم ، بس والله انا حبيتكم كلكم وبحاول ع اد م اقدر اتغير ، انا مش وحشة والله ي أية ، مش زي م انتي فاكرة ، انا بتعامل معاكي بنية صافية ، انا والله مقصدتش اهينك او اضايقك ، انا مكنتش جعانة مش اكتر
أية : عارفة
نورا : محتجاكي تستحمليني بس وانا هبقا كويسة والله ، انا الي اسفة
أية : مافيش حاجة انتي زي اختي ⁦
نورا بحب : تسلميلي
( يمشي منصور وع وشه ابتسامة ارتياح ، يعدي الوقت ، منصور ف شغله ، يرن الفون ، يمسكه )
منصور : السلام عليكم
البنت : عليكم السلام
منصور : انتي تاني !
البنت : حفظت صوتي من تاني مكالمة !
منصور : عاوزة ايه ، وياريت بلاش معجبة والجو دة عشان قديم اوي ، والي متعرفهوش إني .......................
البنت : خاطب
( يستغرب منصور )
البنت : نورا مش كدة ؟
منصور وهو بيقف : عرفتي منين ؟!
البنت : هي دي في حد ميعرفهاش ، دي حبيبة الكل
منصور : قصدك ايه بحبيبة الكل ؟!
البنت : بص هي بنت وانا بنت ومينفعش اتكلم ع بنات
منصور بزعيق : اخلصيييي
( تقفل ف وشه ، يضغط منصور ع الفون هيفرتكه ف ايده ، نورا قاعدة ف جنينة البيت ، يرن فونها وهي مسكاه )
نورا : الو
منصور بحدة : انتي فين ؟
نورا : ف البيت هكون فين !
منصور : صوتك كأنك ف الشارع !
نورا : قاعدة برة ف الجنينة
( يقفل منصور ، تستغرب نورا ، ييجي الليل ، نورا ومايا وفاطمة قاعدين معاها ومع بنات عمها )
أية : يخربيتكم انا احترت ، انتوا مكنتوش شبه بعض اوي كدة وانتوا صغيرين !
الكل : ههههههه
انجي : لا كان دايماً عمي سليم الله يرحمه بيتلغبط بينهم
الكل : الله يرحمه
( يدخل منصور واسر )
منصور : سلامو عليكم
الكل : وعليكم السلام
منصور : وانا بقول البيت منور
مايا : الله يخليك
فاطمة ب ابتسامة : تسلم 
( يقعد منصور )
منصور : عاملين ايه ؟
فاطمة : تمام 
مايا : الحمدلله
اسر وهو بيبص ل فاطمة : لا منور البيت بجد
فاطمة بكسوف : ميرسي
( يضربه منصور ع بطنه )
اسر وهو بيمسك بطنه وبيضحك : ااااه ايه ي برنس !
منصور : ايه ي عم دة انت الي برنس !
اسر بضحك : برحب بالضيوف الله
الكل : ههههههه
منصور : رحب رحب
فاطمة بدلع : هههههه
اسر : العب !
منصور وهو بيضربه ع دماغه من ورا : بس بقا !
فاطمة : هههههه اخوك دة مصيبة
منصور : مش لوحده
فاطمة : ههههههه
( الكل مندمج ف الهزار ومحدش ملاحظ وش نورا الي بقا لون الطماطم م الغيظ من فاطمة وأسلوبها المايع مع منصور ، يلاحظ منصور نورا وهي بتبص ل فاطمة بغيظ )
منصور وهو باصص ل نورا : بتدرسي ي فاطمة ؟
( تبصله نورا تلاقيه باصصلها ، تضير وشها )
فاطمة : اة كلية اداب قسم مساحة
اسر وهو بيهمس ل منصور : قصدها قسم الدقي
منصور : ههههههه ، بس يالا اسكت !
اسر ب ضحك : مش قادر !
منصور : مرتبطة ؟
( تبصله نورا بخضة )
فاطمة : لأ كنت مرتبطة وفركشت
منصور : ليه كدة ، حد يفوت القمر دة من ايده !
فاطمة : ههههه شفت بقا
منصور وهو بيغمز ل فاطمة : لا تتعوض إن شاء الله
نورا ب انفعال : انت ....................
( يبصولها كلهم ، تسكت )
منصور ببرود : عاوزة حاجة ؟
نورا بغيظ مكتوم : لأ !
فاطمة : شوفلي عريس بقا
منصور : بس كدة انتي تؤمري ، لو مكنتش خاطب كنت ...................
اسر : كنت ايه ي عمهم ؟
منصور : كنت خطبت عادي
الكل : هههههههه
منصور : ايه ي جدعان متفهمونيش صح ، دة حتى خطيبتي قاعدة
( يبصلها )
نورا بغيظ : كويس والله إنك فاكرني اصلاً ف القاعدة دي !
منصور ب ابتسامة وصوت رجولي يسحروا : بزمتك انتي انا اقدر انساكي !
( يربكها ويكسفها ويحرجها )
نورا : احم !
اسر بضحك : ايوة بقااا ، لقد وقع اخي ف الفخ !
الكل : هههههههه
( يوصل ساجد )
ساجد : سلامو عليكم
الكل : وعليكم السلام
اسر : حماتك بتحبك تعالى
ساجد : ايه فين الأكل ؟
اسر : اكل ايه ؟!
ساجد : مش حماتي بتحبني ، فين الأكل ؟
منصور : وانت لازم الي يحبك يأكلك ي طفس !
ساجد : جعان ي عم
انجي وهي بتقوم : سيدة إجازة انهاردة ، تعالوا ي بنات نشوف حاجة نعملها
اسر بقلق : احيه ، يعني الكلام ع اقرب مستشفى !
انجي : متبقاش تاكل ي رخم
اسر : لا بدي ادوق
انجي : طفس
( يقوموا البنات )
منصور : نورا