قصة : ( دميتي ) ل سهيلة سعيد المنجي ، فكرة : نور عمر

الحلقة ٢٩ و ٣٠

قصة : { #دميتي } 🎭

الحلقة التاسعة والعشرون { ٢٩ } 🗝️

( تشاوله ب اة )
منصور : بس عشان بحبها والله ، بس استاهل الي حصل عشان كنت غبي عليها ، هي قالتلي قبل كدة إنها بتكرهني ، هو انا اتكره فعلاً زي مهي قالتلي ؟
( تشاورله ب لأ )
منصور : هو انا قلتلك الكلام دة قبل كدة ؟
( تشاورله ب اة )
منصور : هو انتي مرتبطة ؟
( يدخله اخواته )
ساجد : منصور !
اسر : قوم تعالى عاوزينك
منصور : انتوا مين ؟!
اسر : احيه !
ساجد : عاجبك كدة ي خرة انت !
منصور : انتوا ميييين ؟
اسر : ي عم قوم احنا لسة هنتعرف !
منصور وهو بيغمز للست : ممكن نتعرف ؟
اسر : تتعرف ع مين دي عمتك الله يحرقك ، تعالى نقعد برة
منصور : لا انا مينفعش اقعد برة ، القاعدة ناشفة اوي ، إني زهجت
اسر : وانت جاي تطريها هنا !
منصور ب ضحكة مساطيل : اة اههعهعععهههعههعههعههع ، دمي عسل يخربيتي !
ساجد : احيييه !
( تدخل نورا وانچي ، يشوفهم منصور ، يقوم يقف )
منصور وهو باصص ل نورا وبيغني : اة ي ماچستير ف الهشتكة انا قلبي جالك اهو اشتكي وانت ولا كأنك حاسس بناااااري
( ينتبه الكل ، يجري اسر يكتم بؤه )
اسر : منصور بس ابوس ايدك اسكت فضحتنا !
ساجد : منصور عيب كدة مينفعش بتغني ف عزا !
( منصور عاوز يقرب ع نورا بس اسر ماسكوا )
منصور : دة ف قلبي حتة مبقعة ي فانيليا بطعم مسقعة ي ضحكة وقلبت كركعة وحاولت اداري ، ليه ف العناد مسترسلة ي انشف من حصو الكلي ي ابوا شعرة كيرلي مفلفلة غلب حماااااااري
( نورا واقفة مصدومة )
ساجد : يلا نروحوا قبل م يفضحنا اكتر من كدة ، لازم نروح بيه حالاً ⁦!
اسر : طيب
( ياخدوه ويطلعوا برة )
ساجد : اقف هنا هقول ل ابوك إننا ماشيين
اسر : ماشي بس انجز بس
( يروح ساجد يكلم بباه ، يعزوا البنات جوة ويطلعوا ، تقرب انچي ع اسر )
انجي : هو في ايه ماله منصور ؟!
( منصور نايم ف الأرض )
ساجد : بصوا هو مجهد شوية ف محدش ياخد ع تصرفاته اشطااا !
انجي ب استغراب : ايوة ماله يعني ؟!
اسر : حطتله مخدرات ف النيسكافيه اوك
انجي بخضة : ينهار اسود !!
اسر بزهق : خلصنا بقا ي جدعااااان
انجي : ي متخلف ليه عملت كدة ؟!
اسر : كنت بهزر معاه
انجي : وهتعمله ايه دلوقتي ؟
اسر : هنعمل ايه يعني هنروحوا البيت
( يقرب ساجد )
ساجد : يلا
اسر : يلا
ساجد : وانتوا كمان ، ابوكي قال نروحكم عشان الوقت اتأخر وهو مش ماشي دلوقتي
انجي : طيب هنده نورا
( تقرب انچي ع نورا )
انجي : نورا يلا هنروح معاهم
نورا ب استغراب : هو في ايه ، منصور بيعمل كدة ليه ؟!
انجي : الغبي اسر شربه مخدرات
نورا ب صدمة : احيه !!
انجي : متخلف
نورا : وهو منصور بيشرب ؟!
انجي : لا طبعاً ، ولا منصور ولا اسر ، دة الحمارة دة كان بيهزر معاه وحطلهوله ف النيسكافيه
نورا : دة هيبهدله لما يفوق !
انجي : ربنا يستر بقا ، يلا بينا
( يمشي الكل م العزا ، يقربوا ع العربية ، يركب ساجد يسوق وجنبه اسر ، تركب نورا ورا ولسة انچي هتركب ...................... )
منصور : لا لا انا عاوز اقعد ف النص ⁦
انجي بعدم فهم : نص ايه ؟!
منصور وهو بيشاور جنب نورا : النص دة
انجي : اتفضل !
نورا : اتفضل ايه انتي ...................
( يقعد جنبها منصور وجنبه انچي ، يسوق ساجد ويمشوا ، ف الطريق ، منصور قاعد باصص قدامه وحاطط ايده ع رجله ومبتسم ، يبص ل نورا بهدوء وخباثة ، يبص لهدومها ، نورا لابسة چاكيت نازل منه كور واكسيسريز ، يلعب منصور ف الكورة )
نورا وهي بتزق ايده : بس !
( يلعب تاني )
نورا وهي بتضرب ايده : بس قلت !
منصور ب صوت عالي : ااااااااه حرام عليكي ااااااه !
( يتخض الكل )
اسر : في ايه ؟!
نورا : ضربته ع ايده ، بيلعب ف هدومي !
منصور بوجع : اااااااه !
نورا ب استغراب : مش للدرجة بتأهأه ليه ؟!
اسر بفهم : لا وجعته اوي ع فكرة ، هو حاسس بكدة
نورا : والله م ضربته جامد !
اسر : معلش استحميله لحد م نوصل بس
نورا بتنهيدة : طيب !
( بعد دقتين ، يرفع منصور ايده يحطها ع كرسي نورا فوقيها ، تتوتر نورا ، ينزل ب ايده ع كتفها ، تزق ايده بهدوء عشان ميتوجعش تاني ، يرجع ايده تاني ع كتفها )
نورا : وبعدين يعني عاوز ايه !
منصور : بحبك ⁦
( تتخض نورا وقلبها يوجعها )
منصور : انتي حبيبتي صح ؟
( متردش ، بصالوا )
منصور : انتي ليه سيبتيني ، هترجعيلي ؟
نورا : ...................
منصور : تتجوزيني ؟
اسر بضحك : دة انت الڤولت علي عندك اوي !
انجي : كله بسببك ي متخلف ، دة لما يفوق هينفخك !
اسر : لما يفوق مش هيفتكر حاجة
انجي : لا والله !
اسر : طبعاً ، هو انا مضحي بنفسي ، فكرك لو هيفتكر الي انا عملته فيه هشربهوله اصلاً
ساجد : ي خسارة ، كان نفسي تضرب !
اسر : تعشق الشماتة انت !
( منصور يمسك كتف نورا ويضمها عليه تبقا ف حضنه ، تتخض نورا وتتوتر )
نورا بصوت واطي : انچيييييي !
انجي : نعم ؟
نورا : ابعديه عني بدل والله هضربه !
( تشدوا انچي عليها يزقها ويقرب ع نورا اكتر )
انجي وهي بتشده : ي بني تعالى !
منصور وهو بيزقها : بس ابت
( يبص ل نورا ، وفجأة ، يتهجم عليها تصرخ )
اسر بخضة : احيييييه !!
( يشده اسر ويفرمل ساجد ، بعد شوية ، اسر قاعد مكان نورا ومنصور حاطط ايده ع كتفه وباصصله ب اعجاب ، اسر باصص قدامه بحرص خايف يبصله ، يعدي الوقت ، يوصلوا البيت ، منصور ف التويليت عمال يرجع ، نورا واقفة ع الباب رايحة جاية )
نورا بقلق : حرام عليك انت قلت هتأدبه مش هتدمره !
اسر : خيراً تعمل شرا تلقى بقااا
( يطلع منصور م التويليت بيتسند ع الحيطة )
ساجد وهو بيمسك منصور : سنده معايا نطلعه اوضته 
اسر : ماشي
( يسندوه يطلعوه اوضته ينام ، تدخله نورا ، تقرب تقعد قصاده ، يبصلها ، بيفتح عيونه بالعافية )
نورا بقلق : انت كويس ؟
( يفضلوا باصين لبعض ، يمسك ايدها ، تتخض )
منصور بتعب : بحبك ⁦
( تقوم نورا تسيبه وتمشي ، تدخل اوضتها ، تحط ايدها ع قلبها وتغمض عيونها وتاخد نفس طويل ، تفتح عيونها بهدوء )
نورا بتماسك : لأ ، مش هحن ي منصور ، قلتها ف توهانك مش هتقولها وانت فايق
( تعدي الأيام ، نورا تكلم عمها ويوافق إنها تشتغل ف شركته وتبدأ شغل ، منصور اكتر الأوقات بايت ف شركته مطبق مبينامش ولا نورا بتشوفه ، منصور ف شركته واقف مع اسر )
اسر : بالله عليك كلمه دلوقتي ي منصور
منصور : لما اروح البيت طيب ي اسر
اسر : لا مش لسة هستنى اما تيجي انت بتيجي الصبح ، روحله الشركة انت كدة كدة مواركش حاجة اهو فاضي
منصور بتنهيدة : طيب
( يعدي الوقت ، منصور قاعد مع بباه ف الشركة )
حجاج : م انت عارف الي فيها وعارف تفكير اخوك الي زي الزفت