قصة : ( دميتي ) ل سهيلة سعيد المنجي ، فكرة : نور عمر

الحلقة ٢٣ و ٢٤

قصة : { #دميتي } 🎭

الحلقة الثالثة العشرون { ٢٣ } 🗝

عمر : اكيد طبعاً ، بس براڤوا ع التغيير الكامل دة ، مع إنك كنتي الأول احلى
منصور بغضب مكتوم وصوت واضح : وبعدين بقا ف ام الليلة دي الي مش هتعدي ع خييير !
عمر : ايه ي عم مالك ، دي بنت خالي قبل م تكون خطيبتك ع فكرة !
منصور : بس هي خطيبتي دلوقتي ي عمر
عمر : ي سيدي ماشي مقلناش حاجة ، احنا اسفين
( يبص ل نورا )
عمر : متزعليش ي نورا مش قصدي حاجة وحشة
نورا بضيق : ولا يهمك
( توصل مايا وفاطمة )
انجي : ايه المفاجأة الحلوة دي !
مايا ب ابتسامة : ايه رأيكم
( يدخلوا يسلموا )
مايا : عمر !
عمر : مايا عاملة ايه ؟
مايا : الحمدلله ، فينك ي بني ؟!
عمر : اهو موجود ، انتي الي فينك ليكي وحشة
مايا : وانت والله
( تقرب فاطمة تسلم ع منصور ، تبصلها نورا بقرف ، تقرب تحضنها وتسلم عليها ونورا مش طيقاها ، يعدي الوقت ، كل واحد ف حتة ف البيت ، منصور ف اوضته بيشوف حاجات ع اللاب توب ، يخبط باب الأوضة )
منصور : ادخل
( تدخل فاطمة ، يستغرب منصور اما يشوفها )
فاطمة ب استهبال : هي دي اوضتك ، انا فكرتها أوضة نورا معلش !
منصور : لأ ، أوضة نورا الي جنبها !
فاطمة : اة 
( تدخل وتقفل الباب )
فاطمة : هو انت بتعمل ايه ؟
منصور : شغل !
فاطمة : شكلك م النوع الي بتحب الشغل اوي
منصور : اممممم !!
( تقرب تقف قصاده )
فاطمة : منصور
( يبصلها )
فاطمة : هوااا ، انت بتحب نورا ؟
منصور بفهم : واشمعنا ؟!
فاطمة : بسأل عادي
( ميردش عليها )
فاطمة ب استغراب : مردتش يعني !
منصور : عاوزة ايه ي فاطمة ، وم الأخر ياريت !
فاطمة : تمام ، م الأخر انا بحبك
( يتخض منصور )
فاطمة : من اول مرة شفتك فيها وانا حبيتك ، انا البنت الي بتكلمك ف الفون
منصور : عارف
فاطمة ب استغراب : عارف !
منصور : من اول مرة جيتي فيها هنا وانا عارف إنها انتي 
فاطمة : انا عملت كدة عشان عارفة إنك مبتحبش نورا ولا بتطيقها ، هي قالتلي كدة
منصور : والمطلوب ؟
فاطمة وهي بتحط ايدها ع خده : بقولك بحبك افهم انت 🤷🏻‍♀️
منصور وهو بيشيل ايدها من ع خده يمسكها : الي انتي بتعمليه دة غلط واشكالك متنفعش معايا ولا هتعرف توقعني تمام
( يزق ايدها )
فاطمة : اشكالي ، م انت خطبت اشكالي ، لا واوس**م كمان !
( يمسكها من دراعها بعنف )
منصور بعصبية : كلمة كمان وهنزلك م الشباك !
فاطمة وهي بتزق ايده : متتحمقش عليها اوي كدة اشبع بيها ، زي الي قبلك
( لسة هتمشي ....................... )
منصور : قصدك ايه ؟!
فاطمة : قصدي إن متصدقش براءتها الي بقت فيها ، الي زي دي ماية من تحت تبن وبتعرف كويس اوي توقع الي زيك ، ميغركش الأحتشام دة ممكن يكون خوف منك مش اكتر عشان انت الي جابرها عليه ، لكن من جواها اكيد بتحن لحريتها والي ع كيفها وللعك الي كانت بتعكه ، دة إذا مكانتش بتعمل دة وانت مش واخد بالك اصلاً ، وهنروح بعيد ليه ، ابن عمتك دة الي قاعدة تحت تتمايع معاه وانت هنا ملهي ف الشغل ، خليه ينفعك ي باشمهندس
( تمشي فاطمة ، يقرب منصور يبص م الشباك ، يلاقي نورا ف الجنينة قاعدة مع عمر واسر بيضحكوا ويهزروا تحت ، يضغط منصور ع ايده بغيظ وينزل تحت ع اخره )
عمر : ي عم انت تسكت خالص ، انت تروح اي حتة تخربها ! 
نورا : ههههه دة كارثة دة
اسر : ليه ي جدعان انا والله لطيف ، احكيله ع السلسة احكيله
نورا بضحك : لااا هيههههيههيه
( تورا غصب عنها تطلع منها الضحكة بمياعة وعالية ، يقرب منصور )
منصور ب انفعال : ايه ي هانم ، قاعدة ف كباريه !
( يتخضوا )
نورا ب احراج : انا مقصدش والله ، طلعت مني غصب عني !
عمر : عادي م براحتها ، دي ضحكة يعني ! 
منصور بنفاذ صبر : وانت مال اهلك ؟
( يتخض الكل ، منصور خلاص جاب اخره )
عمر وهو بيقف : اهلي !
اسر بخضة : ايه ي منصور اهدى ي بني في ايه !!
( يضغط منصور ع أيده اكتر )
عمر : انا ماشي ي اسر ، سلام
( يمشي عمر )
اسر : ي بني استنى انت كمان !
ساجد : عمر !
( يروحوا وراه اخوات منصور )
منصور : مبسوطة طبعاً !
نورا ب استغراب : في ايه ي منصور ؟!
منصورب عصبية : في إن رجعنا للوس**ة والقرف تاني !
نورا بعدم فهم : انا عملتلك ايه طيب ؟!
منصور : لا ملاك برئ انتي مبتعمليش حاجة !
( يزعق ف وشها )
منصور بزعيق : انا الي ابن كلب شيطاااان
( تنزل دموعها خايفة ومش عارفة تتكلم من عصبيته ، لسة هتمشي ، يمسك دراعها )
منصور : تعالي رايحة فين ؟
نورا ودموعها بتنزل : ملكش دعوة
منصور : عاوزة تعيطي يعني ، طب تمام انا هعيطك بجد ي نورا
( يشدها من دراعها مرة واحدة يجرها ع جوة )
نورا بخوف : منصور سيبني !
( يطلعها اوضتها وب اقوى ما عنده يزقها ع جوة تقع ع السرير )
نورا بخضة : اااااه !
( تقوم تقعد بسرعة ، يقرب يمسكها من دماغها من ورا يقربها عليه )
منصور بتحذير : لو شفت رجلك برة الأوضة دي ، هكسرهالك
نورا بعياط : ليه طيب انا عملت ايه ؟!
منصور بزعيق : سامعااااا
نورا بخوف : حاضر
( يمشي منصور ، تنزل دموع نورا اكتر وتعيط ، ينزل منصور تحت )
انجي : في ايه ي منصور ؟!
منصور : مافيش
اسر ب استغراب : اومال ايه الي انت عملته ف نورا وعمر دة ؟!
منصور بعصبية وزعيق : قلت مافيييش
ساجد : طب اهدى طيب دلوقتي !
( يطلع منصور يركب عربيته ويمشي ، تسمعها نورا ، تبص م الشباك تلاقيه مشي ، تنزل تحت )
نورا بعياط : هو ليه بيعمل معايا كدة ، انا عملتله ايه طيب عملت ايه ؟!
أية وهي بتطبطب عليها : اهدي بس والله احنا منعرفش ماله !
اسر : ممكن ضحتك استفزته
نورا : والله م كنت قصداها ي اسر
اسر : عارف بس هو تفكيره خربان انتي فهماه
نورا بعياط : لأ انا مبقتش فهماه لأ ، مش فاهمة هو عاوز مني ايه ، عاوز يدفني بالحياة ولا عاوز يحييني ميتة ، مبقتش فاهمة هو عاوز ايه مني مش فاهمة ، وتعبت منه بجد والله
( تاخدها انچي ف حضنها )
انجي بحزن : معلش استحمليه عشان خاطري
نورا : خلاص بقا
انجي وهي بتطبطب عليها : معلش
( تعدي الأيام ، يرجعوا من جديد اغراب ، منصور طول الوقت ف الشغل ونورا ملهية ف الدراسة وتمارين الباليه مبيشفوش بعض ، اسر وهايدي بقت علاقتهم افضل وبقوا صحاب ، هايدي قاعدة ع مكتبها ، يدخل اسر وفي اكياس ف ايده ، يقفوا الموظفين )
اسر وهو داخل : اقعده اقعده
( يقعده ، يقرب ع مكتب هايدي ويحط عليه الأكياس ويفتحها )
هايدي ب استغراب : ايه دة ؟!
اسر : جعت قلت اجيبلك معايا
هايدي ب احراج : طب استنى دة مش وقت البريك !
اسر : بريك ايه احنا ف مدرسة ، كلي كلي
هايدي : هههههه ماشي
( ياكله ، تاني يوم ، يطلع الصبح ، تلبس نورا وتنزل ، تلاقي منصور بيقرب ع عربيته ، يشوفها )
منصور بزهق : رايحة فين ع الصبح ؟!