قصة : ( دميتي ) ل سهيلة سعيد المنجي ، فكرة : نور عمر

الحلقة ٢١ و ٢٢

قصة : { #دميتي } 🎭

الحلقة الواحد العشرون { ٢١ } 🗝

منصور : فهمته عشان أية
نورا : اتعلمته عشانها ؟
منصور : اممممم 
نورا : طب ليه مسيبتش مدرب يدربها اسهل !
منصور : محدش غريب يحط ايده عليها ، وف نفس الوقت محبش يكون نفسها ف حاجة ومعملهاش
نورا : انت اخ مثالي ع كدة !
منصور وهو بيقوم : مش دايماً
( يقرب ع السماعات ويشغل اغنية *اويلي ل بان حرقة كرت* ياخد ايدها ويوقفها قدام المرايا ويقف وراها ويمسك ايدها يلففها ويوقفها مرة واحدة يبقا مازال وراها برضو ، يرفع ايدها الأتنين وينزل ب ايده بهدوء لحد وسطها ويهمسلها ف ودنها )
منصور : شدي جسمك
( تفوق نورا من هيامها وتقف كويس )
منصور : بصي لنفسك ف المرايا ، متبصليش انا
( تتحرج وتبص للمرايا ، يبصلها ف المرايا ، يمسك ايدها ويبدأ يرقص معاها ع نغمة الأغنية ، تبقا زي العروسة اللعبة ف ايده بيحركها ، كل رد فعلها إنها بصاله وبس ، يلففها مرة واحدة وتبقا ف حضنه باصين لبعض )

*( والله ما طلعت شمساً ولا غربت إلا وحبكي مقموراً ب انفاسي ، ولا جلست إلى قوماً احدثه إلا وانتي حديثي بين جلاسي .. ♥ )*

( تخلص الأغنية ، كل مادا م بيقرب ليها اكتر ، وفجأة ........................... )
منصور : تصبحي ع خير
( يسيبها ويمشي )
نورا بغيظ : ي بارد !
( تقعد ف الأرض ، تبص لنفسها ف المراية )
نورا : حقير صح ، بس بقا عسل !
( تاني يوم ، نورا ف اوضتها نايمة ، يخبط الباب ، تصحى ، تدخل مرات عمها )
هالة : ي صباح الفل ع الورد
نورا ب انبساط : صباح النور ي طنتي
( تفتحلها الستاير )
هالة : يلا ي حبيبتي قومي
نورا : حاضر
هالة : اول مرة اصحيكي بدري انهاردة معلش ، بس عشان انهاردة الجمعة ونادراً اما بنكون كلنا متواجدين ف البيت عشان نصلي سوا ، ف قومي يلا اتوضي وانزلي عشان تصلي معانا
نورا : حاضر
( تمشي هالة ، تقوم نورا تتوضى وتلبس اسدال وتنزل ، تدخل اوضة مخصوص للصلاة ، الكل متجمع فيها )
حجاج : هتقرأ انت ي منصور
منصور : ماشي 
( يرتبوا وقوفهم الرجالة قدام والستات ورا ويبدؤا الصلاة ، يبدأ منصور يقرأ القرآن بصوت تحفة كأنه شيخ ، تتفاجئ نورا اما تسمعه وتنتبهله جداً ، ييجي السجود ، تنزل دموع نورا وهي بتسجد لسبب متعرفهوش بس حست عاوزة تعيط ف عيطت ، تطول ف السجود عن الكل وبعدها تقوم ويكمله صلاة ، يعدي الوقت ، تخلص الصلاة ، يروحوا عشان يفطروا ، لسة نورا هتروح وراهم ...................... )
منصور : لايق فيكي الحجاب
( تبصله )
نورا بكسوف  : تسلم
( يبتسملها ولسة هيمشي ........................ )
نورا : منصور
( يبصلها )
منصور : نعم ؟
نورا : كان صوتك حلو اوي ف القرأن ⁦
منصور : تسلمي
نورا : هو ينفع لما تيجي تصلي تقولي ، لو كنت موجود ف البيت يعني
منصور ب ابتسامة : ينفع
نورا : اصل انا نفسي اصلي ، بس مكنتش بلاقي الي يشجعني وكدة ، ف مكنتش مواظبة
منصور : ليكي عليا لو كنت ف البيت هقولك وقت الصلاة تصلي معايا ، ولو كنت برة هتصل بيكي اقولك برضو
نورا : ميرسي ي منصور
منصور : العفو
( يروح ع السفرة وتروح نورا وراه عشان يفطروا ، يقعد الكل ، يخبط الباب ، تفتح الشغالة )
عمر : سلامو عليكم